وتستمر المهزله ارتفاع سعر الكيا سيراتو هاى لاين لسعر 196 الف بزيادة 10 الف جنيه

[جورج شاكر شوقي]

يعني انا عايز اعرف في عربية كوري يوصل سعرها لعربية الماني غير كدة مشاكلها كتير واهمها استهلاك البنزين

[حسام نوبيرا]

المشاركة الأصلية كتبت بواسطة hossamdoaaaa وتستمر المهزله ارتفاع سعر الكيا سيراتو هاى لاين لسعر 196 الف بزيادة 10 الف جنيه وسعر الريو هاى لاين وكيل اصبح 148 الف وسعر الكارينز هاى لاين 164 الف والبقيه تأتى الاسبوع القادم فى زيادة جميع الموديلات زياده متواليه المصدر : كشف رسمى اطلعت عليه بنفسى اليوم من الطارق سيتى سنتر اسكندريه تحياتى

حسبى الله ونعم الوكيل فى الى بيحصل فى البلد - اى واحد عاوز يعمل حاجه بيعملها ولسه ياما هنشوف

[mmsobhi]

السيارات الاوربيه افضل فى كل شىء وعلى فكره كل السيارات الجديده قطع غيارها الاصليه غاليه علشان ماحدش يقول قطع غيار الاوربى غاليه

[shoshovet]

معاكم حق حسبي الله ونعم الوكيل
والحل هو المقاطعة وفعلا 200 الف دي كانت من 3-4 شهور تجيب اوكتافيا وجيتا مش سيراتو

[sherifabden]

الله يخربيت التوكيل يا شيخ
التوكيل دا بيستهبل اخر استهبال
مش بعيد بعد كام سنة نلاقي السييراتو في سعر الفئة الثالثة والباسات والc180
وعلى فكرة دا غباء من التوكيل لان كدا محدش هيشتريها
انا نفسي لو معايا 190 الف اول حاجة افكر فيها الاوكتافيا او الجيتا او اي عربية الماني
الله يرحم الشكل القديم