اولا السلام عليكم و رحمه الله و بركاته
|
وعليكم السلام ورحمة الله وبركاته
ثانيا احب اشكر المنتدي ده اللي عرفته بالصدفه و كل اعضاءه اللي مش بيبخلوا بأي معلومه عن اي حد
و ده اللي خلاني اسجل بصراحه لأني شايف روح جميله في المنتدي
|
اشتراكك معانا شرف لينا يا باشا ... منور الدنيا يا غالى ..
ثالثا بقي::
انا ان شاء الله نويت اشتري رينو لوجان فول اوبشن قريبا جدا
و ما شاء الله المنتدي مغطي تقريبا كل المعلومات اللي عن العربيه مميزاتها و عيوبها
بس انا عندي اسئله بسيطه كده بما اني اول مره اشتري عربيه كمان
|
مبروك مقدما يا جميل ..
قبل اى شئ اتمنى تبص على الموضوع ده واكيد هيفيدك ..
انــا .. وريـــنــــو لــوجـــان ... تقرير مفصل مصور عنها بعد امتلاكى لها ...
1)) هل سعر اللوجان الفول اوبشن ب 70 الف ولا غلت عن كده.؟؟ اصل سمعت ان كل العربيات غلت حوالي 4 او 5 الاف جنيه
|
اعتقد هو ده سعرها الحالى فعلا ولكن مش متاكد .. بس دى سهلة تليفون صغير وتعرف سعرها الحالى ..
2)) هل بتفرق بين معرض و التاني في السعر ولا لأ؟؟ ولو بتفرق يبقي ايه افضل معرض اقدر اتعامل معاه و خصوصا اني هشاتريها قسط
|
اكيد بتفرق بس حاجات لا تذكر .. ولكن انا افضل التعامل مع الوكيل مباشرة ..
3))زي ما بعض الاخوه قالوا صوت الماتور عالي شويه...هل الموضوع ده واضح اوي و الصوت مزعج ولا عادي؟؟ و الرادياتير بيحتاج يتحطله مايه كل اد ايه تقريبا؟؟
|
اول ما تشترى باذن الله هتلاحظ ان الصوت عالى اوى ومزعج جدا بصراحة ... ولكن متقلقش الصوت بيهدأ خالص مع الاستعمال ولما تعدى 10000 كيلو باذن الله هتلاقى الصوت بقى هادى وعادى خالص .. اهم حاجة التليين الكويس لان التليين هيفرق معاك جامد ..
ممكن لما تشترى وتاخدها البيت تبدأ تلينها وهى واقفة (تسيها دايرة ساعتين وتريح نص ساعة مثلا) وعلى كده يوم او يومين وبعدين تبدأ تمشى بيها على مهلك اول 1000 كيلو ..
4)) هل قطع غيار اللوجان مقارنه بالفيرنا و اللانوس غاليه؟؟ و هل فعلا ماحدش يقدر يحط ايده فيها غير التوكيل ولا ممكن اي ميكانيكي يقدر يصلح فيها اي عطل؟؟
لا .. قطع غيار اللوجان اغلى بكتير من الانوس والفيرنا (لغاية دلوقتى) ولكن انا واثق انها هترخص مع الوقت باذن الله لما العربية تبدأ تاخد مكانها فى السوق ..
ولكن بالنسبة للصيانة انا شايف انها ممكن تكون اسهل من الفيرنا والانوس لان اللوجان مكوناتها ابسط بكتير وكل حاجة فيها واضحة ..
اسف جداااااااااااااااااااااا علي الأطاله
بس اعذروني الواحد قبل مايشتري اي عربيه بيبقي عايز يعرف عنها كل حاجة
و انا بصراحه مالقتش افضل من المكان ده عشان اسئل فيه
|
تاكد انك فى المكان الصحيح .. وباذن الله تشترى على خير وتيجى تفرحنا ..
ومبروك مقدما يا غالى ....
شكرا مقدماااا