حد جرب الهيونداي الكوبيه او يعرف حد جربها؟ او يعرف معلومات اكيدة عنها

[pro mada]

[quote=bmkbmk;99617]
أما العفشة على حسب استعمالك و لعلمك العربية واطية جدا على الارض

/quote]

العيب ده يخليك تصرف نظر عن العربيه عشان المطبات و البلاعات و الحفو و النؤر و و و
فالعفشه هتتبهدل بسبب طرقنا قولنا حضرتك ميزانيتك كام و انا ان شاء الله هرشحلك عربيه مناسبه

[m_o_sakr]

الله ينور عليك يا برو باشا
كلام سليم

[hazem_khidr]

انا بصراحه بحب شكل الهيونداي الكوبيه و موتورها هو موتور الالنترا
من رأيي انها عربيه مناسبه جدا كسياره رياضيه رخيصه
لكن ماتنفعش تبقي عربيه عائليه
هيا عربيه سبور علشان كده عربيه ناشفه و الكرسي الخلفي ضيق و دا طبيعي في عربيه سبور
مصممه خصيصا لراحه راكبين فقط

[khaledcare]

المشاركة الأصلية كتبت بواسطة bmkbmk صباح الخير يا باشا انا نسيبى معاه هيونداى كوبيه و سوقتها منه كذا مرة أولا العربية لما تركبها تحس انك مش راكب هيونداى ... تحس انك راكب بى ام مثلا من جودة الخامات و التقفيل ... لكن لما تسوقها تحس انك سايق هيونداى .. هى صحيح بتجرى بس ثباتها مش قد كدة (بس بالنسبة للألنترا مثلا ثباتها احسن من الالنترا ) و هو نسيبى على فكرة معاه الموتور اللى هو 6 سلندر مش 4 سلندر و كمان مركب لها فلتر رياضى .. فا تحس انها عربية مجنونة شوية بالنسبة لقطع الغيار مش هقدر افيدك لأننا عايششن فى الكويت .. بس بالنسبة للكويت هنا الهيونداى مش منتشر زى مصر فا كل حاجته تقريبا من الوكالة صاجها كويس ,, احسن من الالنترا و عزمها شديد زى ما قلت لك أما العفشة على حسب استعمالك و لعلمك العربية واطية جدا على الارض ملحوظة خاصة بيا .. العربية قعدتها من جوة رياضية صرفة و كراسها ناشفة فاتحسسك انك سايق بورش مثلا ,,, انما فى المسافات الطويلة مابتبقاش مريحة تماما و طبعا مشكلتها التانية انها كوبيه يعنى الكنبة اللى ورا للأطفال و ده طبعا ماينفعش مع واحد متجوز و عنده اطفال بس بالنسبة لشاب لسة عاذب هتبقى كويسة لحد ما يتجوز بس دى وجهة نظرى عنها ... انما نسسيبى عاجباه قوى .. انت عارف بقى لسة شاب صغير و بيحب الجرى و كدة يعنى بس ده مايمنعش انى قطعته بالكابريس و شوف يا باشا انت عاوز تعرف عنها ايه بالتفصيل و ممكن اساله بس هات لى اسئلة محددة

الف شكر يا مان على ردك ومعلوماتك اللي فدتني يا مان

[khaledcare]

المشاركة الأصلية كتبت بواسطة a7lahamada اولا العربية الهيونداي الي هنا في مصر 4 سلندر مش 6 سلندر يعني عادية انا ركبتها ف المعرض العربية من جوة ممتازة جدااااااااااااااااااااا وشكلها حلو بس من ورا ضيقة حبتين وقطع الغيار بتعاتها تقريبا متوفرة ف التوكل وبرة مش قوي لان العربية مش منتشرة اوي في مصر بس بصراحة ودا رأي الشخصي بلاش تدفع المبلغ دا كلوا فيها ممن تجيب بالمبلغ دة كيا سيراتوا أعلي حاجة هنا وشكلها جامد وامكانيات خرافية ووسع من الداخل التفكير قبل التسرع لاني عربية مش رخيصة يعني غالية جدااا تعدي 100 الف

شكرا يا باشا وانا عموما لما هجبها هجبها مستعملة وتكون موديل 2005 مثلا