|
#6
02-12-2008, 02:45 PM
|
|||
|
|||
رد: ليه كسرنا ورا فيات قله ؟؟
الموضوع طبيعى جدا,
لو رجعنا بالزمن لورا كانت السيارات الأمريكية و البريطانية هى السائدة, بعد الثورة تغيرت سوق السيارات تماما, و بدأ عصر الفيات عندما تعاونت مع نصر للسيارات لانتاج سيارتها بمصر, و معاها دخلت البيجو و المرسيدس كسيارات أكبر حجما و أعلى سعرا. النهاردة قلت سوق بيجو و فيات فى مصر , نظرا لدخول شركات جديدة الى السوق, طبيعى انها تقتطع جزءا من الكعكة, خاصة و أن هذه الشركات طبقت نظرياتها التى تعمل بها فى دول العالم كلها (سيارة بشكل حديث مسروق فى معظم الأحيان+تكنولوجيا متخلفة + أداء سىء لا يشعر به المستهلك + دعاية جيدة = مبيعات جيدة !) خد عندك مثلا اللانسر البوما لو بصتلها من ورا هتلاقيها نسخة طبق الأصل من البونتياك فاير بيرد, تكنولوجيا مأخوذة من كرايزلر من ايام ما كانت ميتسوبيشى تتبع كرايزلر (علب التروس و المحركات), سعر رخيص, أداء مخزى جربته بنفسى, و دعاية جيدة. فى المقابل فان فيات تخلت عن النصر للسيارات, و أعتقد انو ده السبب الأساسى فى انخفاض مبيعاتها, تصنيع سيارات فيات فى النصر للسيارات كان يقدمها للمستهلك بسعر منافس, و امكانيات لا محدودة فى الصيانة, و الدليل على ذلك أن الشاهين تبيع جيدا رغم شكلها القديم فيما تعانى سيارات فيات الأخرى. و اعتقد ان الموضوع منفصل عن أزمة فيات العالمية التى تجاوزتها الأن, فمثلا سيارات نيسان كانت تبيع جيدا فى مصر رغم أن نيسان كانت على وشك الافلاس لولا انقاذها من قبل رينو, و كذلك ميتسوبيشى التى تحقق مبيعات مرتفعة رغم أنها على حافة الانهيار.
__________________
أخر مواضيعى : اختبار الفيات برافو 120 حصان تى جيت. وداعا يا ايها الصقر الجسور قضيت معكى أحلى ايامى. فيات برافو مرحى مرحى التعديل الأخير تم بواسطة فادى ; 02-12-2008 الساعة 02:55 PM 
|
|
#7
03-12-2008, 12:47 AM
|
||||
|
||||
|
رد: ليه كسرنا ورا فيات قله ؟؟
اتفق معكم تماما فيما قيل بالنسبة للاسعار و منافسة الكورى و اليابانى
لكن اعتقد غن موضوع عدم ثبات الوكيل له مردود سلبى كبير جدا على مبيعات فيات فى مصر فى رايى ان فيات عربية كويسة جدا جدا السيينا 1400 و البونتو و الماريا و البرافا و الباليو و السيينا 1300 لكن إختيار فيات للصين لتجميع موديلات الباليو 1500 و السيينا 1500 اضاع الكثير من مجهود اوماترا فى السوق المصرية إنتقال الوكالة من فيات اوتو ثم غنقطاع و غياب تام اكثر من سنة تقريبا ثم ظهور اوماترا كوكيل اضاع حق فيات فى مصر أوماترا ناس مجتهدين جدا و عندهم خبرات رائعة فى الصيانة لكن اسلوب الدعاية أقل من المتوسط و ده ناتج من ان لسة اوماترا بتشوف الدنيا فيها اية و كمان فيات خافت من الدعاية التى قد تكون غير قادرة على مجاراتها من ناحية الصيانة لأن الورشة صغيرة جدا بس اكيد هيخدو اماكن تانية و فى توسع ملحوظ نسبيا فى فيات و مبيعاتها فى مصر و اعتقد ان الباليو و البونتو و السيينا 1300 باعت معقول بالنسبة للبرافو سيارة فى ثمن سيارات يابانية و بتجهيزات اكتر((( البرافو مفيهاش تسجيل يا جماعة !!))) نجحت مؤخرا مجموعة البرقان غنترناشونال فى الحصول على حق البيع و الصيانة من اوماترا و اعتقد ان المركز ده هيأثر فى مبيعات فيات فى مصر لان فيه إداريين و خطة بيع سوف تؤتى بثمارها قريبا بإذن الله
__________________
شارك دافع عن أفكارك
|
|
#8
03-12-2008, 04:11 AM
|
||||
|
||||
|
رد: ليه كسرنا ورا فيات قله ؟؟
الانطباع الى سائد عند البعض " متهيالى مش كتير " ان سيارات فيات غير اعتماديه بسب اعطالها !! يا جماعه الكلام ده مش منطقى .
مش علاشان عربيه مطحونه فى الشارع و بقالها اكتر من ربع قرن بتلف و بتجوب شوارع مصر فى اسوأ الظروف من طرق مكسره لقطع غيار مضروبه لاهمال للصيانه و اخيرا لقدم عمر السياره نفسها ..... و تيجى العربيه تعطل او تعمل فيك فصل بايخ يبقى نقول فيات وحشه . العربيات القديمه ديه ادت الى عليها و بزياده عشرين حبه , اعتقادى الشخصى ان مافيش اى عربيه حديثه مهما كان نوعها ممكن تستحمل تمشى 25 سنه فى اسوأ الظروف زى ما استحملت سيارات فيات . بحسبه بسيطه العربيات ديه اكتر عربيات فى تاريخ السيارات المصرى استحمالا و اكتر سيارات عمرت فى تاريخ مصر من ساعت ما مشى فى مصر عربيات اساسا سيارات فتره الاربيعنيات او الخمسينيات او الستينيات مخدمتش فى الطرق المصريه زى سيارت فيات " الى عمرها بيزيد عن 25 سنه " من حقبة السبعينيات و التمانينات . قارن سيارات فيات فى افتره ديه لمثيلاتها من السيارات اليابانيه مثلا ...النتيجه معروفه . ف تاريخ فيات من حيث الاعتماديه مش محل شك سيارات فيات من اكتر السيارات اعتماديه تاريخ فيات من حيث التصميمات المختلفه عن اى ماركه اخرى مش محل شك فيات كماركه حاليا مش محل شك فيات حاليا من اكتر الشركات نموا فى اوروبا حتى فى ظل الخسائر الفادحه لسوق السيارات الاوروبى فيات تعتبر من اقل شركات السيارات انخفاضا فى معدلات بيع السيارات و ده اترجم ل زياده حصتها من السوق الاوروبيه " بعد خسائر الشركات الفرنسيه تحديدا " فيات فى مصر .. التوكيل نزل كل الموديلات الى ممكن تنزل و تتباع ..... لان فى موديلات كتير عند فيات لكن لو التوكيل نزلها كلها اكيد مش حتتباع لاسباب اما لانها بمواتير كبيره زى الكروما مثلا او لارتفاع تمنها و عدم ملائمتها للسوق المصرى . البونتو و اللينيا و الجراند بونتو و البرافو ...... من انجح موديلات فيات و نازلين بأسعار اعتقد انها متناسبه جدا جدا و اقل من مثيلاتها الاوروبيه . مع احترامى لكل الماركات بس ليه اشترى الانترا او لانسر و ياريس و انا عندى لينيا و بموتور تيربو و اقصى عوامل الامان و تصميم غايه فى الروعه و كماليات محترمه !!؟؟
__________________
THE ELEGANT ALFA ROMEO 156 AUTO DELTA 3.7 GTA - AM SUPER  The Most Beautiful & Powerful Front Wheel Drive Car Ever Made - 400 Horses Power - From 0:100 Km\h in4.8 Sec & Top Speed 290 Km\h
|
|
#9
03-12-2008, 01:26 PM
|
||||
|
||||
|
رد: ليه كسرنا ورا فيات قله ؟؟
اعتقد ان كل الناس جاوبت صح على السؤال وباختصار فيه عوامل واسباب كتير ادت لتحول قطاع كبير من المستهلكين وبالاخص المصريين عن الماركة العريقة
بس السؤال هو ايه اكتر العوامل ديه تاثيراً وايه اقلها وهل الحال نتيجة مباشرة لعامل او اتنين ولا نتيجة لكل العوامل ديه مجتمعة ؟ ظهور البديل الاسيوى (اليابانى ثم الكورى) الارخص فى السعر وتكاليف الصيانة انقطاع الصلة المباشرة بين شركة النصر المصرية وشركة فيات العالمية ضعف التوكيل المحلى تعدد البدائل للمستهلك المصرى تدنى المستوى (العالمى) لفيات كشركة واخيرا اشكر احمد انور على الطرح المتميز
|
|
#10
03-12-2008, 01:35 PM
|
|||
|
|||
|
رد: ليه كسرنا ورا فيات قله ؟؟
ابو نورا اختصر كل الموضوع في نقاط مركزه و جاب المفيد
بس تقصد بتدني المستوى العالمي لفيات :- مستوى الجوده ولا المبيعات ... لأنها تفرق كتير ومتهيألي تقصد التانيه بس لسه في سؤال مهم :_ فين ابو ياسين يعني كتب الموضوع و سابنا يومين نقدح زناد فكرنا و نعصر الذاكره و كل واحد ماشاء الله كاتب موضوع و في الاخر سايبنا ورايح تلاعب ياسين !! يا بشمهندس احمد ؟؟؟؟ يا هندساااااااااااا ايه النظام .... مش حترد علينا ولا ايه !!!!!!
|
 |
|
|
