الABS وسنينه !! تجربه مريره!!

[ابو حسين]

المشاركة الأصلية كتبت بواسطة memodina1 لاة ما انا عارف الموضوع دا عشان كدة مبحبش نظام الفرامل دا بص يا صديقى اقراء كلامى للاخر وانت تفهم 1-من اخترع هذا النظام هم الالمان فى حدود التسعينات لاسباب عديدة 2-اخترعوها للعربيات عندهم وبعدها الدول التانية اليابان كوريا وهكذا 3-طبعا هناك مفيش حاجة اسمها مطبات نهائى بمعنى الكلمة لانى لو انت حقوق زى وتعرف دستور الخارج هتلاقى انى فى قانون معمم فى كل بلاد اروربا وهو تحريم المطبات دوليا يعنى مفيش حاجة اسمها مطب اخرك فى الكلام دا نقرة فى الارض 4-لذلك هتلاقى هناك محدش بيدوس فرامل عشان يقف نهائى طبعا مش فى كل المواقف انا بقول اغليبة التوقف هتلاقى مثلا طوبة فى الشارع من انحدار جبل ومثلا نقرة فى الارض عايزة تفاديها الكلام دا كلة مش عايز توقف تام وسريع لاة عايز فرامل ونفس الوقت عجلة توجية لتفادى الموقف 5-واخيرا هنا بقى فى مصر هه ام الدنيا عايز فرامل اية بى اس تعمل اية بيها هنا هههههههه انت عايز فرامل تدوس تقف زى العادية لانك هنا بدوس جامد لية عشان متخدش المطب الحقير اللى فى وشك يعنى معاك اية بى اس وقابلك مطب هههههه هتحود شمال او يمين هتاكلة هتاكلة مفيش غير انك تقف خالص طبعا دا فى مصرنا الحبيبة طب لو نقرة اساسا فى مصر متعرف حاجة اسمها نقرة دى بتبقى حفر يعنى هتقع فيها هتبوظ العربية يعنى لازم تقف برضة وعشان كدة لما جبت العربية بتاعت والدى صممت فى المعرض انها تكون من غير اى بى اس والراجل يقولى ازاى يا عم دا احسن ليك وانا اقولة لالالالالالالالا يعنى لالالالالا وفعلا كلامى ابويا عرفة بعد ما شاف بنفسة مشكلتنا هنا فى مصر يقولك دى خاصية جامدة دا مش عارف اية دا طلعت فى بلاد برة يبقى لازم نستعملها هنا لالالالا انسى احنا بنجيب اى بى اس هنا فى مصر عشان بس وقت البيع العربية تجيب سعر عالى اصلى فيها اى بى اس ههههههههه ويبقى شعب مصر كما هو وتبقى مصر كما هى ام الدنيا

: GROWIN~12:

[طارق السحت]

اشكركم جميعا على الرد ،، لكن معنى كده انى ياإما آكل كل المطبات وألبس فى كل لا مؤخذه الحمير والبقر والجرارات اللى ماشيه شمال من غير نور وغيره كتير ، ياإما أمشى بسرعه لا تزيد عن 60 ولا أسوق بالليل خالص ،،
طيب فى سؤال مهم جدا أرجو الرد عليه ،
هل يمكن الغاء نظام الABSمن السيارة المجهزة به ولا لأ؟؟ وشكرا جدا مقدما

[memodina1]

المشاركة الأصلية كتبت بواسطة طارق السحت اشكركم جميعا على الرد ،، لكن معنى كده انى ياإما آكل كل المطبات وألبس فى كل لا مؤخذه الحمير والبقر والجرارات اللى ماشيه شمال من غير نور وغيره كتير ، ياإما أمشى بسرعه لا تزيد عن 60 ولا أسوق بالليل خالص ،، طيب فى سؤال مهم جدا أرجو الرد عليه ، هل يمكن الغاء نظام الABSمن السيارة المجهزة به ولا لأ؟؟ وشكرا جدا مقدما

لاة انت تمشى عادى جدا خد بالك بس وركب نور قوى مش زينيون بس يكون قوى عشان بليل لانى كنت هلبس فى مليون مطب فى طريق السخنة وبالذات منطقة اسمها الملفات فقررت بعدها اقوى النور مع انى النور عندى عادى فبريقة المهم
انت ينفع تلغى النظام كل عربيات اللى فيها النظام دا يوجد زرار تحت عند زرار فتح الكبوت كدة دوس علية هتلغى الخاصية ويختلف الاماكن
السيارات الوحيدة اللى مش معاها الزرار دا هى الصينى بانواعة
فللاسف انا معرفش انت معاك عربية اية فانت قولى وانشاء الله هجيبلك مكان الزرار
لكن لو مفهاش يبقى طبعا بلاش تلغى الخاصية لانك كدة هتدخل فى حوارات ملهاش غير الفلوس والصنايعية وحوار وللاسف الحاجات دى يا تبقى موجودة يا مش موجودة زى مثلا الناس اللى بتحاول تغير فتيس المانيوال بالهيدروماتيك وكل المحاولات فشلت.....؟

[طارق السحت]

المشاركة الأصلية كتبت بواسطة memodina1 لاة انت تمشى عادى جدا خد بالك بس وركب نور قوى مش زينيون بس يكون قوى عشان بليل لانى كنت هلبس فى مليون مطب فى طريق السخنة وبالذات منطقة اسمها الملفات فقررت بعدها اقوى النور مع انى النور عندى عادى فبريقة المهم انت ينفع تلغى النظام كل عربيات اللى فيها النظام دا يوجد زرار تحت عند زرار فتح الكبوت كدة دوس علية هتلغى الخاصية ويختلف الاماكن السيارات الوحيدة اللى مش معاها الزرار دا هى الصينى بانواعة فللاسف انا معرفش انت معاك عربية اية فانت قولى وانشاء الله هجيبلك مكان الزرار لكن لو مفهاش يبقى طبعا بلاش تلغى الخاصية لانك كدة هتدخل فى حوارات ملهاش غير الفلوس والصنايعية وحوار وللاسف الحاجات دى يا تبقى موجودة يا مش موجودة زى مثلا الناس اللى بتحاول تغير فتيس المانيوال بالهيدروماتيك وكل المحاولات فشلت.....؟

أولا:- اشكرك جدا على المعلومات الرائعه دى ،
ثانيا:- انا راكب اسبيرانزا A516 وانا مرتاح فيها جدا والأسف ليس لأنى راكب سيارة صينى ولكن لأنها - زى مابتقول - مافيهاش الزرار اللى حضرتك بتقول عليه ده
يعنى الحل الوحيد ان الواحد يركز أكتر فى السواقه
اشكرك مره اخرى ،،

[AbOnOrA]

فاكرين يا شباب الفتيس الاوتوماتيك اول ما بداء ينتشر ؟
فاكرين الفتايس الاوتوماتيك فى العربيات الكورى وادائها مشاكلها ؟
مقارنة طبعا بالفتايس اليبانى او الاروبى

ديه نفس الفكرة الاى بى اس ادائه فى الاوروبى غير اليابانى غير الصينى خالص
انا مجربتش فى كل الصينى بصراحة بس جربته فى الاسبيرانزا فعلا سىء
وجربت فى الالمانى وكان شىء اشبه بالسحر فى الاداء وجربت فى اليابانى ممتاز برضو

فاولاً لازم نفرق بين تطبيق تكنولوجيا من شركة للتانية

ثانياً الاى بى اس مش بيشتغل لوحدة

بمعنى تانى هو مجرد نظام امان مكمل او قيمة مضافة مهم كمان معاه يكون الكاوتش كويس كحالة ونقشة وعن تجربة النقشة كمان بتختلف اوى

يبقى ثانياً الكاوتش حالتة نقشتة ومقاسة بتفرق فى اداء الاى بى اس
و لو فيه انظمة ثبات وفرامل تانية فى العربيه برضو الاداء هيبقى افضل وادق

ثالثاً الاية بى اس بيشتغل لمنع انغلاق العجل عند الفرملة
يعنى انا بدوس افرمل سواء براحة او جامد المهم انها (الدوسة ديه وبفعل وزن العربية وتسارعها ومدى الاحتكاك الناتج عن طبيعة الارض وبالاخص ( لو مبتلة او فيها رملة ناعمة او حتى حصى ) وفعلياً اى عربية وزنها تقيل مع اى ارض مش اسفلت تماما مع فرملة جامدة وكاوتش ماسح لازم تزحف
وهنا الاية بى اس لازم يتدخل لانة لو متدخلش العربية برضو هتكمل زحف ومش هتقف

وخلينا ندى مثالين انا شخصيا اختبرتهم فى عربيتين واحدة بدون والتانية فيها اى بى اس

العربية الاولانية كان الموقف شبية بالموقف اللى بيتحكى مطب برضو وقبلية وبعديه اسفلت علية تراب

لما فرملت جامد ( وانا مش بقفش فرامل خالص برضو) اللى حصل ان العربية سحفت واكلت المطب ونزلت كملت سحف وعملت خمسة ( اه والله خمسة ) ووقفت ضهرها مكان وشها فى اتجاه المقابل وطبعا المقابل سلم على الاكصدام بتاعى سلام حار شوية

موقف تانى فى عربية فيها اى بى اس على طريق الاتوستراد وهو طريق لافف بكيرف بطول الطريق وفى النص الجزيرة ديه عاملين فيها تشجير ونجيلة وغالبا الصبح بيبقى الطريق فيه مية من اثار سقية الجزيرة اللى فى النص
فواحد قدامى اتفاجى بالمية فكسر يمين على جامد مع الفرملة وبالتالى بقيت المفروض الم يمين معاه ومع الطريق اكتر اوسعلة مع الفرملة علشان ملبسش فيه وانا كمان معدى من المية
اللى حصل ان فى جزء من الثانية حسيت ان الايى بى اس اشتغل فى تحت رجلى فى دواسة الفرامل زى فار صغنن بينقر فى الدواسة ( مقارنة بالرزع الهبد اللى بتحس فى الايى بى اس اللى فى العربيات الصينى يبقى ده زغزغة فى الرجل )
وبدل ما الاقى العربية زحفت من اثر الفرملة على الرمل او عومت منى من اثر الفرملة برضو والحدفة الفجائية يمين
بدل كل ده الحمد لله فى اجزء من الثانية العربية كلبشت وفرملت ونظام الثبات رد ديل العربية تانى من بعد ما كانت هتعوم

الشاهد ان الاية بى اس تطبيق مهم فعلا خاصة مع العربيات اللى وزنها تقيل وخاصة فى الطرق بتاعتنا اللى الاسفلت فيها كلها يا مبلبل يا مترب يا مش موجود اصلا
وان الاية بيى اس كتنلوجويا بيتكامل عملة مع باقى مكونات العربيه وتصميمها وباقى انظمة الامان والتحكم اللى فيها

او باختصار اكتر ممكن يكون قلتة احسن فى عربيات ولا غناء عنه فى عربيات تانية

بس كده ،،، اسف للاطالة ويارب اكون قدرت اوصل الفكرة