مشكله ف تويوتا كورولا مسطره

[ahmed el gendy]

المشاركة الأصلية كتبت بواسطة hazem_khidr اكشف علي الدينامو رقم واحد و حاله البطاريه و بعدين لو لسه زي ما هي شوف طقم الصيانه بوجيهات و فلتر هوا و تظبيط تاكيهات

الف شكر يا حازم باشا

[احمد على 1999]

المشاركة الأصلية كتبت بواسطة ahmed el gendy عندي يا رجاله العربيه الصبح بدري لما بتكون بارده باجي ادورها بتطلع عيني علي ما تدور بتاخدي يجي 5 دقايق محاوله بس بالاحظ ان لمبه الزيت ف التابلوه بتطفي لما العربيه تلقط بس لمبه البطاريه بتدنها منوره فالعربيه بتلقط وتطفي علي طول ده ايه يا تري يا جماعه لانها بقالها فتره يجي اسبوعين والعربيه كمان لما باديها غيار وانا بادور بتتحرك كمان منتظر اراء رجاله المنتدي

ان شاء الله اقتراحات الاستاذ حازم تجيب نتيجة
سؤال هى بتطلع عينك ازاى ؟ يعنى البطارية بتعتل ؟ و لا البطارية قوية و المارش بيلف بقوة و مبتلقطش ؟
ايه المقصود لما بتديها غيار و انت بتدور بتتحرك ؟ طيب ما هو حاجة طبيعية !
اكيد انا فاهم غلط

[sharooo]

المشاركة الأصلية كتبت بواسطة احمد على 1999 ان شاء الله اقتراحات الاستاذ حازم تجيب نتيجة سؤال هى بتطلع عينك ازاى ؟ يعنى البطارية بتعتل ؟ و لا البطارية قوية و المارش بيلف بقوة و مبتلقطش ؟ ايه المقصود لما بتديها غيار و انت بتدور بتتحرك ؟ طيب ما هو حاجة طبيعية ! اكيد انا فاهم غلط

يا صديقي هو يقصد انه كدليل على ان البطاريه شديده لما بيدها غيار ويدورها بتنط..

بالنسبه للعطل ده انا اعتقد ان البوجيهات رطبت ويجب تغييرها

[M.TONSY]

غير البوجيهات ولو تكرر العيب ممكن تكون طرمبة البنزين

[almas200066]

بص يا استاذ احمد المشكلة دى عندك فى البوجيهات 1 تكون غير مضبوطة فتحة يعنى نتيجة الستهلاك 2 تكون البيوجيهات مرطبة يعنى نتيجة عوامل جويةوربنا يصلح الحال