اهم الدروس والنصائح للحصول على الوظيفة المناسبة

[miam0502788391]

شكرا على النصائح دى جزاك الله خيرا

[lol64]

ربنا يجازيك الخير ياوائل باشا وطول عمرك قدوه فى تقديم الخير والنصايح والخبرات هنا فى المنتدى

[MIDO-SPICY]

عارفين ... انا بمناسبة الشغل اشتغلت 4 شغلانات مالهاش علاقه ببعض
اولها ... فى التجاره مع والدى
وثانيها .... محامى فى متب مرتضى منصور
وثالثا ... سيلز ثم مدير فرع ثم مدير منطقة فى شركه بغداد ( توكيل باناسونيك )
ورابعها ... مساعد مدير ثم مدير فرع فى شركة كوك دوور ثم فى شركة بريجو
لما كنت بقعد اقعد لفكر مع نفسى فى الشغلانات دى كنت بقعد اضحك
بس عايز اقولكم اكتر شغلانه حبيتها هى شغلانتى الحاليه بالرغم من انى لاقيتها اصعب شغلانه اشتغلتها

[ابراهيم داود]

بنستفاد من حضرتك كثير يابشمهندس وائل ربنا يزيدك علم يجعله فى ميزان حسناتك

[A.Adams]

والله موضوع كويس جدا ونصيحه لكل الشباب المتخرج اللى انا منهم
اولا لازم تعرف انت عايز ايه حدد لنفسك 3 مجالات للشغل على الاكثر
ثانيا بص على السوق فاتحلك ايه وقافل ايه لانك لازم ولابد هاتتاثر بالسوق
ثالثا اشتغل اى حاجه فى الاول لحد ما تلاقى اللى انت عايزه مثال على كده انا اشتغلت اول ما اتخرجت على طول لانى اشتغلت سيلز وما زلت لانى حابب المجال ده لكنى انتقلت من حوالى 3 او 5 شركات فى خلال 7 شهور لانك مهما حكمت على الشركه مش هاتعرف تتحدد الا لما تخش الشركه وتشوفها واول حياتك انت متاح ليك الخروج والدخول بسهوله من شغل للتانى اما لو اتجوزت واستقريت فده شويه بيقيدك اكتر
رابعا استخدم الاماكن والوسائل اللى ممكن توصلك على الرغم من انى مدخلتش ولا مكان واسطه لحد دلوقتى الا مكان واحد ومكملتش فيه يومين والله يشهد على ذلك بس على اد ما اقدر انتقت الاماكن اللى ارمى فيها سى فى يعنى مثلا غرفه التجاره الامريكيه فيها قسم للتوظيف من احسن الاماكن اللى الشركات بتجيب منها السى فى وغيرها من المواقع
خامسا موضوع السى فى ده قصه لوحده لانه هو ده اللى بيحدد اذا كنت هاتعمل انترفيو ولا لا كتير مننا فاهم ان السى فى مهمته يجبلك شغل لا الموضوع مختلف السى فى دوره انه يجبلك انتر فيو بس وغير كده فى كمان مع السى فى حاجه اسمها كافر ليتر الموضوع مش ورقه وخلاص ده اساسا ازاى تسوق لنفسك بطريقه كويسه ومرتبه
نيجى بقى للانترفيو الناس فاكره ان صاحب الشغل بيمن عليك لما يشغلك وده فى حد ذاته قله ثقه فى النفس انا مبقلش خش الانترفيو اتنك على الراجل لا بس كل واحد عارف قيمه نفسه كويس ممكن الشركه متعجبكش مش شرط انت اللى متعجبهمش ودى حصلت معايا احيانا بس الموضوع ده بيظهر لما تكون شغال وبتدور على فرصه احسن بتبقى رايح تدور على مكان احسن


وللحديث بقيه وارجو من الاخ ابو نورا النظر فى اقتراحى فى موضوع الحل فى ابتسامه للاخ منسوب