#6
|
|||
|
|||
رد: استفسار عن أنواع ال127
طيب يا باشمهندس محمد دلوقتي ال 900 سي سي دول كويسين
يعني باسمع دايما كلام من نوعية السحب و الجر و العزم وحاجات زي كدة ال 900 دول يعني كدة ولاد ناس ولا ايه يعني بصورة ابسط هل ال 127 عربية ممكن توفي باحتياجات صاحبها بالرغم من صغرها علي عكس السيات مثلا واللى هي اسمها عربية و صغيرة لكن كتير من الناس بيرفضوها و بيقولوا اعطالها كتير و الموتور من ورا و زي قلتها و كلام كتير في سيرتها بالسوء فهل ال 127 محترمة وبنت ناس يعني وبالقطع شكرا ليك علي مداخلتك و ردك الرائع |
#7
|
|||
|
|||
رد: استفسار عن أنواع ال127
الأخوة الأفاضل
السلام عليكم طبعا انا مليش خبرة مباشرة بالسيارة ال 127 بكل الأنواع المطروحة هنا , لكن خليني أوضح بعض الإستفسارات من الجانب العلمي العام السعة اللترية لمحرك السيارة 900 سي سي , يعتبر قليل لحد كبير ولنفهم معا ما المقصود بالسعة اللترية , سنضرب المثال الآتي : سعة المحرك مثل معدة الإنسان , كلما كبرت معدة الإنسان زادت كمية الطعام التي تستطيع ان تحتويها و بالتالي زادت الطاقة الناتجة عن هضم هذا الطعام , وبالتالي يعول على هذا الإنسان ان يكون أكثر تحملا ممن أقل منه في حجم المعدة , وكذلك السيارة كلما زادت سعتها اللترية كانت قوة عزم المحرك أكبروبالتالي يتحمل القيادة بسرعات أعلى و لمسافات أكبر و أيضا من ناحية الحمولة , تجدها أكثر إستطاعة في ركوب الأشخاص فيها ولا يؤثر هذا على أداءها , وهذا يظهر جليا كلما كان تحميلها كبير وطالعة مطلع او كوبري أو خلافه , هذا غير إمكانية تحميل مكيف عليها و غيره من الأوبشن الجديد الذي به شئ من الرفاهية . وخلاصة الكلام : لا تعول كثيرا على 127 ذات السعة اللترية المنخفضة في تحميلها او التسارع بها او المشي بها لمسافات سفر طويلة لأن هذا يؤذيها و يعجل بإجهادها . أخوكم / مهندس مخترع قديم |
#8
|
||||
|
||||
رد: استفسار عن أنواع ال127
السلام عليكم
ال127 نزل منها اتنين توب واحدة ايطالى ودى من اوئل السبعينات وهية اتنين باب والتانية المانى ونزل منها اتنين باب واربعة باب وفى منها موتور 1100 سى سى العربية دة اواخر السبعينات ونزل منها موديل 80 النصر فى منها اتنين باب واربعة لحد 82 فيورا اربعة باب والفتيس بتعها زى الى قبلها اربعة غيار والاختلاف ان الفنوس والشبكة الامامية مختلفين عن النصر سوبر فيورا الفتيس خمسة غيار الطبلوم مختلف زى مزكر البشمهندس محمد قاسم الموتور 900 سى سى اقتصادية فى البنزين جدا
__________________
|
#9
|
|||
|
|||
رد: استفسار عن أنواع ال127
طيب هل مع انها اقتصادية فهل هي كويس من ناحية الاداء
لان اكيد طبعا مش هايهم الواحد الاقتصادية وهي زي قلتها مثلا و ما بتخدموش في مشاويره والا المشي علي الرجلين هايبقي احسن لانه اقتصادي جدا في الحالة دي استنتجت من كلام الاخ طارق انه مؤيد لل 127 تمام ولا ايه ؟ والاخ المحترم مخترع انا معاك طبعا في الكلام النظري ده كله و ان السعة كل ما تزيد في نفس الوقت الكفاءة و الاداء هايبقي احسن و هاتخدم اكتر لكن في رأيي المتواضع اللى مالوش اي اهمية لعدم خبرتي لكن ايام زمان برضه كانت المشاوير كتيرة و كانت بتطلع كباري و تنزل و كانت شغالة ومافيش اي مشكلة موضوع الرفاهية و اضافة الكماليات زي التكييف وغيره شخصيا ما بايدهوش لانى لو هاجيبها هاجيبها علشان توصلني مشواري و بس فهل معني كدة انى لو هاجيبها علي اد كدة و هاسيبها زي ما هي مش عاوز حاجة منها غير المشي هاتبقي وحشة ولا ايه ؟ و شكرا علي ردودكم و ارآئكم اللى هاتفرق كتير مع واحد زيي |
#10
|
||||
|
||||
رد: استفسار عن أنواع ال127
السلام عليكم
انا كان عند اخويا 127 نصر موديل 82 كان بيسافر بيها العريش فى الصيف وماكنش بيعمل بيها ريست كان بياخد المشوار مرة واحدة بس كانت عربية فبريكة كانت بتشم بنزين صاروخ جرى والفتيس بتعها اربعة اهم حاجة فى العربية حالتها لو كويسة اتكل على الله وهاتها بس يعيبها انها صلونها ضيق
__________________
|
|
|