لنادي ملاك الفيرنا

[M.TONSY]

المشاركة الأصلية كتبت بواسطة SHABRO الف شكر يا شباب ....الحمدلله استلمت العربية النهاردة وهتسحل بكرة في المرور ....دعواتكم

مبروك يا عم شبرو وربنا يديك خيرها ويكفيك شرها ... وابقى قولنا الاخبار ايه

[SHABRO]

انا نزلت الف حوالين العربية كدا وشفت كذا حاجة مش عارف رايكم فيها ايه
1-فتحت الشنطة ولقيت اثار بوية بيضا على جلدة الشنطة
2-قوايم العربية اللي أدام , من اولهم عند الكبوت كدا البوية مفأفأة
3-العدادات كانت ملحوسة , جبت منديل مبلول وحاولت انضفه منضفش , معناها ان الوساخة اللي عليه من جوة...

انا مش عارف بقى الكلام ده معناه ايه !

[lawyer9]

معنااااااااااااااااااه انها فخر تقفيل غبور
قول لهم فى التوكيل عند أول صيانه
كله حجات بسيطه عدا بوية القوايم فهمهم ان دا ممكن يأثر تأثير كبير على قيمة العربيه لو فكرت تبيعها وانتا دافع فلوس ومن حقك تاخد بيها حاجه سليمه
أما بالنسبه لنظافة العداد دا سهل جدا وبسيط وكذلك اثار البوية البيضاء ممكن يغيرولك الكاوتش إلى عليه البويه أو يشيلوا البويه بأى مزيل
وربنا يديلك خيرها ويكفيك شرها
ألف مبروك

[SHABRO]

يعني هيعملوا فيها ايه ؟؟؟ والله انا متضايق جدا جدا من الموضوع ده , مع اني فرزت العربية كويس وقت الاستلام مخدتش بالي من القوايم دي ...هحاول اصورها وارفعها

[lawyer9]

يا باشا ولا تتنرفز ولا تحط فى دماغك غير هناك
وانتا داخل وانتا خارج ولا كأن فيه اى حاجه وعيش حياتك انتا معاك عربيه زيروا أفرح بيها ربنا يملاهالك بركه
أما وانتا هنا عايزك تعملهالهم فضيحه عايزهم يجروا قدامك كدا
وخد معاك واحد صاحبك يكون صوتة جاهورى وصياتهم وظبطوهم هناك