|
أطقم الصوت والمالتى ميديا منتدى خاص بتعديلات اطقم الصوت الكاسيت وال CD وال DVD وشاشات العرض وجميع نظم المالتى ميديا والصوتيات |
|
أدوات الموضوع |
#6
|
||||
|
||||
رد: ممكن يا رجالة مساعدة بجد
الحاجات دى مش هتأثر على كهرباء العربية خالص, لكن فيه ناس بتركب دينامو أقوى علشان يقدر يشغل كل حاجة لأقصى درجة, بس حضرتك ماتخافش الحاجات اللى هتركبها مش هتأثر فى حاجة.
ال 2 شاشة لازم لهم حاجة تشغلهم كدى فى دى أو كمبيوتر مثلا, أو هيبقوا صينى من اللى جاهزين بدى فى دى ودراعات وفلاشة وكده, وفيه المخدع زى مابيتسمى بيتباع والشاشة متركبة فيه جاهز فى حدود 800 جنيه على ما أذكر. الكاسيت الأنواع كتير, الأرخص والأكثر أنتشارا بايونيير, وهو وسونى يعتبروا من أحسن الماركات المتوافرة, بس غالبا هتلاقيهم صناعة صينى, وهيبقى كاسيت نضيف فى حدود 600 الى 900 جنيه حسب المميزات اللى حضرتك عايزها. الشاشة اللى فى التابلوه صعبة شوية, علشان مفيش أنواع كتير متوافرة, وسعرها غالى, وتركيبها على التابلوه من فوق بيعيق الرؤية وممكن ظابط ينشك عليها مخالفة, ولو مشغلها مخالفة تانية. وفيه بتتركب فوق الكاسيت بالظبط بس دى مش موجودة فى مصر. وفيه الشماسة الدى فى دى, ودى أنسب حل, سعرها فى حدود 600 جنيه وصينى طبعا, وفيها كل حاجة من شاشة ويو أس بى ودى فى دى بلاير والدراعات بتاعة الجيمز. السماعات, لو مش ناوى تركب أمبليفاير (جى أم) هات سماعات يكون الوات الأر أم أس بتاعها فى حدود 60 watt r.m.s علشان تستفيد بكل قدرة الكاسيت وتسمع صوت كويس, ودى فى منها كينوود فى حدود 210 جنيه وبايونيير, بس دول سماعات بيضاوية ولازم ياتعملهم قاعدة علشان تركبهم عندك أو تقطع فى الصاج. فلو مش عايز الموال ده كله, روح لواحد بيركب سماعات وعنده موديلات مختلفة علشان يجيبلك سماعات على قد المقاس الموجود عندك ورا, وبرضه خليك فى حدود ال 60 وات أر أم أس, وشوف الفرق بين الأر أم أس بين السماعات الجديدة والقديمة (هيبقى مكتوب على ضهرها). الموضوع ممكن يتكلف من 2500 الى 4000 جنيه, وممكن أكثر حسب الحاجات اللى حضرتك هتشتريها, وبأنصح حضرتك تدور على النت أو تنزل تتفرج فى التوفيقية والعتبة وتشوف الأسعار, علشان أغلب التجار مبيصدقوا يلاقوا حد يعملوا شغل عليه, وربنا يوفقك.
__________________
|
|
|