طلب مساعدة عشان انا بجد محتار

[Bahi]

السلام عليكم

أعتقد انك لازم تمسك العصايا من النص: عربية مستعملة كاش بس موديل حديث (سنتين ثلاثة بالكتير). خش على الموقع دة

http://www.contactcars.com/UsedCars_All.asp

واختار شوية أنواع وموديلات عربيات مستعملة وقارن الأسعار التقريبية يعنى أقعد العب لعبة تباديل وتوافيق وقولنا على كام اختيار واحنا نحاول نساعدك تقارن ما بينهم.

بالتوفيق ان شاء الله يا باشمهندس.

هشام باهى

[dr-feed]

ربنا يكرمك يا هشام
انا سمعت كلامك ودخلت علي المستعمل زي ما حضرتك قولت
لقيت الرينج ده فيه العربيات دي
بونتو ابيزا جولف2 فليشيا لانوس قديم
بس موديلات قديمة شويه
يعني من 94-98 وال لانوس 2002
انت رايك حضرتك ايه
وشكرا لاهتمام سيادتك

[Bahi]

رأيى مطمعش -مع رجاء تقبا اعتذارى- يعنى أنا ممكن أركبك بى أم بالتمن دة (35000 جنية) وممكن أركبك كيا برايد بنفس التمن بس البى أم حتكون موديل قديم جدا حيطلع عينك ويدفعك اللى قدامك واللى وراك اصلاحات ومش بعيد تبيع هدومك عليها كمان فى حين ان البرايد حتكون موديل حديث جدا ولو حافظت عليها حتعيش معاك وتأديلك كل أغراضك وتسترك فى أصعب المواقف وكل دة بصروف صيانة بسيط وبأقل التكاليف.

فكر تانى وادرس الموضوع من جديد عن طريق الموقع اللى قلتلك علية وكلنا تحت أمرك ورهن اشارتك فى المساعدة والمقارنات.

[ahmedleader]

المشاركة الأصلية كتبت بواسطة dr-feed بصو يا جماعة انا عندي مشكلة رهيبة : مشكلتي اني عايز اجيب عربية وماعيش غيير 35000 بالعافية يعني مينفعش ازود في ادامي حلين : يا كاش يا قسط الكاش: يا بونتو 94-98 او ابيزا 94-98 يا اكسنت 94-2000 اما القسط: ادفع الل معايا مقدمة واشتري : يا لانوس يا لوجان وانا بجد مش عارف (احكي بصراحة بأة ) انا اول مرة اتعامل مع عربيات فنفسي في جديد عشان المشاكل مش كل شوية اروح لميكانيكي ولا كهربائي وفي نفس الوقت لو اشتريت جديد القسط هايسحلني كل شهر بتاع 1300 جنيه لمدة 3 سنين وانامش شغال في شركة بترول دانا كل الي بخده 1500 جنيه في الشهر ثم كل ما اسأل حد اجيب ايه الاقيه بيفتي مافيش حد عايز يرسيني ناس تقولي البونتو والابيزا وحشيين وناس تقولي بلاش رينو عشان قطع الغيار يعني اجيب اسكوتر واقفله ولا ايه والنبي حد يرد عليا ايه احسن حل ان يبأة عندي عربية بالمبلغ ده وايه احسن عربية مناسبة عشان مانتحرش وشكرا علي طولة بالكو وارجو الافادة

هات اكسنت ياعم
موديل 2000 ولا حاجه
بلاش اقساط وارتباطات كبيره
متنساش ان انت وراك مصاريف وبنزين وزيت
القسط يعني العربيه مش بتعتك

خليك كاش وهاتلك اكسنت على 33 او 34 مو2000 او 2001
متسمعش كلام ناس مش واقعيه

[ramy01011]

رأيي هات لك حاجة مستعملة و تكون حالتها كويسة و يا سيدي لما ربنا يكرمك بقرشين زيادة ابقي بعها و و زود و هات لك حاجة جديد و ساعتها موش هتخسر في بعها كتيير
و برشحلك لانوس اواخر التسعينات لحد 2002 عربية حلوة و اعطالها معروفه و صيانتها سهلة و قطع غيارها منتشرة و رخيصة غير لو حبيت تبعها بعد كدة في اي وقت هتتباع بسرعة .