مين فيهم أفضل.. إلنترا 2010 vs سيراتو 2010 فما فوق

[svneleven]

انا كان عندي الاتنين. الانترا تكسب السيراتو في كل حاجة الا الشكل يا برنس.

[eng/walaaeldeen]

المشاركة الأصلية كتبت بواسطة tamer.koko معلش يا بشمهندس ولاء هختلف معاك في ان الثبات في صالح السيراتو طبعا لو هي معلومه عند حضرتك تبفي خاطئه واتمني تجرب العربيتين وتعرف الفرق الشاسع في الثبات وطبعا انا مش بقول انها بورش ولا الماني بس مقارنه بالسيراتو تبقي الماني وده لو عملي فانا جربت الاتنين وكنت من ملاكها ولو نظري يبقي برده الثبات لصالح الالنترا للن التعليق الخلفي للالنترا حر اي منفصل انما السيراتو تعليق متصل تورشن خلفي وطبعا علميا التعليق المنفصل اثبت من المتصل

السلام عليكم
اخي العزيز انا سافرة بالعربيتان الألنترا بعد 140 مش اثبت من السيراتو والله اعلم ممكن يكون احساسي كده بس كانت النترا 2008 وسيراتو 2010
بأي حال هو هيحس ان الأثنان ثابتين لأن اللانوس عومانها فظيع
والله المستعان

[mizomizo]

انا هقولك عن تجربة شخصية ولك الحكم معايا النترا 2011 الشكل القديم يعني نفس 2010
استهلاك البنزين روحت حتي المنتزة ورديت حت اخر شارع الهرم عملة 32 لتر مع تشغيل التكيف في عز الظهر شهر سبعة
كنت بجري بيها لحتي 180 كيلو وكنت لوحدي والثبات عشرة علي عشرة اكنك مبتجريش بس بعد كدة تبدي تعوم
بالنسبة للمطبات المصرية لو لوحدك ومش معاك حد تعدي من اجدعها مطب بدون ادني مشكلة لو محمل حسب الحمل تحك في المطب و اغلب الحك في الشكمان يعني خد المطب مقص
بالنسبة للعفشة عفشة رياضية يعني ثبات علي السرعات و في المنحنيات وتستحمل هبد المطبات و الشوارع ولكن مش انعم من الزيت
مختصر الكلام في النترا عربية تعتمد عليها مدام بترعيها و انس استهلاك البنزين
ام السرتو فهيا اخت النترا مع تغير الشكل و افتح و تفرج علي الماتور وقارن بينهم ولكن اغلي في قطع الغيار و شكل رياضي جذاب

[ahmed_zamalek7]

الالنترا افضل والله علم

[tamer.koko]

المشاركة الأصلية كتبت بواسطة eng/walaaeldeen السلام عليكم اخي العزيز انا سافرة بالعربيتان الألنترا بعد 140 مش اثبت من السيراتو والله اعلم ممكن يكون احساسي كده بس كانت النترا 2008 وسيراتو 2010 بأي حال هو هيحس ان الأثنان ثابتين لأن اللانوس عومانها فظيع والله المستعان

حتي لو النترا 2008 وسليمه مش ملعوب فيها اثبت من السيراتو 2013 نظريا بسبب التعليق الخلفي وعمليا نسيب الحكم لمالكها ومن ركب السيارتان
وماهو مقياس الثبات من وجهه نظرك

لان الثبات في السياره يقاس بعده اشياء ليس فقط بمن تعدي سرعه ال 140
يبقي كده علي كلامك اكيد هتقول ان الاكسنت rb اثبت من الالنترا والسيراتو لانك كنت برده راكب لانوس
وللعلم السيراتو اللي مش اثبت من الالنترا ثباتها افضل من ال rb
وللعلم تاني ماتور السيراتو والكارينز والالنترا وال rb وi 30 كلهم ماتور واحد مع اختلاف الفتيس وكل الفتيسات تركب مكان بعض وعن تجارب و يقين وليس كلام
مع تحياتي
واو تدخل علي موضوع لحضرتك بتاع عربيتك ال rb كنت تقريبا مش متذكر عاوز تعرف ايه هي الصيانه وانا اول واحد رادد وقلت ان عربيتك كاتينه حديد لما علقت علي احدي المشرفين انه قايلك غير كاتينه لاني ركبت ال 5 عربيات دول وحافظهم