غداً..نظر دعوى وكيل سيارات صينية ضد وزير الصناعة

[Devill Blood]

المشاركة الأصلية كتبت بواسطة xwaledx حضرتك انا بش بتكلم عن توكيل بعينه انا بتكلم عموما وضع موجود ومن وجهة نظرى الشخصية مش عاجبنى وعندك امثلة كثيرة واخرها ميتسوبيشى ثم حضرتك بتقول منكم ( صوابعك مش زى بعضها والله ) وشكرا

بصراحة أنا شايف أن توكيل ميتسوبيشى "الرواس"غير محترم والدليل سعر سياراته المحترم يعنى أى أشترى البومة ب 138 وأصلا فيه عربيات تانية أنظف وبنفس السعر.
ثانيا قطع الغيار نار .فلتر البنزين ب 450 جنية وأكصدام ب 1000 جنية
ثالثا مثلا أنا من المنصورة وبشتكى أن الوكيل مش فاتح هنا لأنى بتعذب لما أروح القاهرة"أقرب حاجة بقى"؟
من الأخر لا يصلح أن يكون وكيل شركة ميتسوبيشى وبعدين الشركة حرة تختار اللى عايزه طالما التوكيل أنتهى وبعدين هو أصلا مش توكيل ده الرواس ده ربنا يسهل له خلى الكل يفتكر إنه توكيل وضحك على الناس وسجل ده بالرشوة وفى الأخر أعرف أن الشركة لا يهمها ألا مصلحة المستهلك وليس العكس

[ابو جودة]

على فكره التوكيل مش وحش زى ما بتقول الاخت فاتن انا لسه عامل سيرفيس 40000 ومغير كاوتش الشدادات وسالت على حاجات كتير فى العربيه موجوده عندهم والاسعار متوسطه انا بتعامل معهم من 3 سنوات فى توكيلات كبيره ومافيهاش قطع غيار

[MmFFoR]

توكيل المسلمي مش كويس خالص! خالتي جابت العربيه اكسبلوجن 1 و بعد 6 شهور بس العربيه عطلت و ديتها تتصلح في التوكيل قعدت عندهم 3 اشهر!!!! مستنيين قطع غيار على ما يستوردوها!!!! و اسعارهم غاليه و قطع غيار كتير مش متوفره!!!

[محمود فهمي]

معلش ياجماعة أختلاف الناس في الوكيل راجع لعدة أسباب :
أن تكون المشكلة بسيطة فالتوكيل حلها بسرعة وبالتالي التوكيل كويس بالنسبة للشخص صاحب المشكلة البسيطة وإما تكون المشكلة كبيرة فالتوكيل يجد صعوبة في حلها أو غير قادر علي حلها وبالتالي التوكيل مش كويس .
يعني مثلا كان عندي مشكلة في طلمبة البنزين فالتوكيل فكها وغيرها في 15دقيقة إرتحت وقتها .
ومرة أخري واجهتني مشكلة في كهرباء العربية فالتوكيل قالي الدينامو عايز يتغير وهيتكلف مبلغ كتير وزعلت وقتها وأتضح في الأخر ان المشكلة مكنتش دينامو وطلعت في الأخر سير دينامو.
يعني المسائلة كلها نسبية من شخص للتاني .
وفي الأخر التوكيل الجيد الذي يقوم علي حل كافة مشاكل العميل.

[السليل]

شركة زوتي للسيارات من حقها ان تعطي التوكيل لمن يستحق خدمة السيارة وتسويقها بالشكل الذي يتناسب مع سياسة الشركة الام .وتوكيل المسلمي لم يقدم شئ في الصيانه وتطور مستوياتها كما كان يوعد به العملاء او الشركة الام.
شركة زوتي للسيارات تعاقدت مع كذا توكيل في الشرق الاوسط منهم وكلاء في دولة قطر والبحرين وقد طرحت احدى الدول بطلب تصنيع تلك السيارة وتقديم افضل الخدمات ومنافسة الشركات اليابانية والكورية. وتوكيل المسلمي نايم ورجله في الشمس؟
لسه معندوش زراير الابواب وكهربائي جيد يعرف عطلات كهربة السيارة.
شركة زوتي للسيارات ابتدأت بتسويق انتاجها الجديد من سياراتها في دول عديدة في اسيا وافريقيا وتتجه نحو امريكا واوربا قريبا ووضعت خطط مستقبلية كبيرة لسياراتها وتقديم افضل الخدمات .

ومسألة الخلاف بين الشركة والتوكيل سببها اخلال التوكيل بشروط العقد المبرم والموقع بينهم وهذه الان قيد نظر المحكمة ومن ينظر للشروط يجد ان التوكيل فعلا لم يلتزم بها.

فأي شركة غير شركة زوتي للسيارات ويحصل معهم هذا الامر ماذا يفعلون؟؟
نرجو من كل من لديه معرفة بهذا الامر ان يعطي الحق لصاحبه.
والسيارة جيدة ياجماعة ومعروفة لمن يملكها ...لكن ؟