#6
|
||||
|
||||
رد: ما سجلته كاميرا امريكية فى قبر مسلم
شكرا يا بسنت على القصة واتفق مع جميع الاخوة فى رفضى لاستخدام هذه القصص فى الدعوة او حتى الوعظ لان فى القرأن والسنة والتراث الاسلامى كله ملايين من القصص التى تكفى للاستخدام فى الدعوة او الوعظ
بس ده مش معناه برضو انى ضد ابحاث الاعجاز العلمى فى القرأن ابداً بالعكس انا شايف ان اى عالم او طبيب او مهندس مسلم طبيعى انه يتامل حكمة الخالق وظواهره الكونية بعين العالم والخبير فى البداية كان فيه ابحاث لاثبات الاعجاز العلمى وكانت رائعة وجادة واثرت الدنيا والدين معاً زى اثبات وتقرير ان الرجل هو المسئول عن تقرير جنس المولود وتقرير ما جاء فى مراحل نمو الجنين وتقرير ما جاء فى اكل لحوم الخنازير وما جاء فى الخمر وماجاء فى فوائد الصلاة والوضوء الصحية العامة والنفسية والكثير والكثير من الابحاث العلمية الجااااااادة لكن الاكتشافات ديه والادلة زى ماكانت ترحيب من المؤمنين ازعجت الملحدين والعلمانيين ايضاً فعملو على دس ونشر اخبار على نفس الوتيره لكى يتفاعل معها الناس ويبقو حققو مكسبين اول حاجة سخر منك ومن معتقدك وتانى حاجة هيستغل ما زرع من اكاذيب ضدك ليثبت انك تدافع عن باطل فى حين ان الحق لا يحتاج لهذه الاكاذيب لنصدق كلامه سبحانة نيجى للقصة نفسها هل اذا افترضنا صحة القصة وفيه ناس حبت تعمل كده فعلا واتحطت كاميرا وطلعناها تانى يوم وملقنهاش محروقة او تخرج منها رائحة ذكية يبقى كده عذاب القبر مش صحيح !! هنا الكارثة وهنا السم فى العسل هل نستعمل التكنولوجيا لاثبات الغيبيات ؟؟ ده اذا كانت الغيبيات ديه ركن فى العقيدة وايمانك بيها (كشىء غيبيى) شرط لصحة الايمان ككل ينفع نقول ان العلماء فى سنة 7080 ميلاديا اكتشفوا طريقة لتصوير الملائكة وخلاص بقت الملائكة شىء مثبت علميا ومش غيبي ؟ الملائكة والقيامة الصغرى (الموت) والكبرى (قيام الساعة) والجن وملكوت السماوات السبع والعرش والجنة والنار والروح والبعث والحساب كل هذه اصول الغيبيات واذا كانت تقبل الاثبات بالوسائل البشرية ما كانت لتسمى غيبيات البحث العلمى يوجهه لدراسة فوائد السواك فوائد حبه البركة العسل الجبلى الصيام الاقتصاد الاسلامى المعالجة الاجتماعية لمشاكل المجتمعات من منظور القرأن وهكذا ديه الحاجات اللى الدنيا كلها تستفيد منها معلش يا بسنت حظك كل موضوع ليكى اخش اقول خطبة بس من زمان نفسى اقول رائى فى القصص ديه وده لانها بقت كتير ومدايقانى جدا لدرجة انى مبرداش اقراها خالص علشان بتعصب من محتواها وخلفانات اللى عاملها بميت كتاب انك لو مبعتهاش لخمستلاف خمسمية خمسة وتمانين واحد بيتكم هيولع ورجليك هتتشل وعربيتك هيجلها بارومة والكمبيوتر هجيلة فيرس باختصار حياتك كلها هتدمر لو مساهمتش فى نشر الرسالة سواء كان محتواها صحيح او خاطى وتتحمل وزر ما فيها بقصد او بدون قصد الموضوع خطير فعلاً يا جماعة ومحتاج مننا تصدى مش بس رفض او اعراض |
#7
|
||||
|
||||
رد: ما سجلته كاميرا امريكية فى قبر مسلم
كذب وافتراءات على الاسلام والمسلمين والله كلها خرافات محدش يزع منى
__________________
سبحان الله وبحمده سبحان الله العظيم من اهم مواضيعى مصر بلد الوحوش http://www.masrmotors.com/vb/showthr...E1%E6%CD%E6%D4 حصرى لمصر موتورز تقرير عن هوندا بايلوت 2010 http://www.masrmotors.com/vb/showthread.php?t=17013 صور مضحكة من مصر !!!!! http://www.masrmotors.com/vb/showthread.php?t=24756 لا اله الا الله محمد رسول الله |
#8
|
||||
|
||||
رد: ما سجلته كاميرا امريكية فى قبر مسلم
شكرا لبسنت صاحبة الموضوع
وتسلم إيدك يا أبو نورا يا أكثر من راااااااااائع
__________________
مهندس/ إيهاب الجندي سبحان الله وبحمده سبحان الله العظيم اللهم صلي وسلم على نبينا محمد |
#9
|
|||
|
|||
رد: ما سجلته كاميرا امريكية فى قبر مسلم
والغريب ان ناس كتير مثقفة بتنشرها وتقول "انا كده مضرتش حد وعلى الأقل دفعت عن نفسى احتمال الأذى" أحب أطمنهم انهم كده اتأذوا وضروا غيرهم بنشر رسائل هى فى الحقيقة سهام مسمومة ضد الدين مش العكس أخيرا بقى العربية اللى فى توقيعك دى يابو نورا موديل سنة كام وعاملة كام ألف علشان عايز أشتريها تنفع فى الزحمة |
#10
|
|||
|
|||
رد: ما سجلته كاميرا امريكية فى قبر مسلم
معلش يا جماعة انا آسفة انى نقلت معلومة مش مؤكدة بنسبة 100% ودى فعلا غلطة كبيرة انا بقلةخبرتى كنت فاكرة انى بكده هضيف شىء كويس والحمد لله ان حضراتكم بتفكرو بفطنة وذكاء وبتقولو رايكم علشان تنصحو غيركم الف شكر ليكم
__________________
|
الكلمات الدليلية |
مسلم, امريكية, كاميرا |
|
|