اندماج مجموعة بيجو سيتروين مع ميتسوبيشي

[ayman abdelrazek]

فعلا الموضوع ده لو حصل هيبقى اندماج عظيم جدا وهيزود اعتمادية السيتروين والبيجو
بشكل ملفت للنظر فضلا عن الثوره التصميمية اللى هتتمتع بها ميتسوبيشى جراء هذا الاندماج
لا سيما ومجموعة بيجو ستروين يملكون من التصميمات الثوريه مايكفى لعمل ثوره هائلة لسيارات الميتسوبيشى ذات التصميمات المخيبه للأمال مؤخرا
ولا اعتقد ان الاندماج سوف يكون مقتصرا على السيارات الكهربائية فقط بل سيمتد الى السيارات العاديه ايضا .
واعتقد ايضا ان مجموعة البيجو ستروين تحتاج وبشده ناقل حركة من تطوير ميتسوبيشى وده اكيد هيتم


ومشكوووووور شريف باشا ع الخبر المتين ptmnlo123per1114

[فادى]

الاندماج سوف يساعد ميتسوبيشى بشكل كبير لأن الشركة اليابانية فى أزمة حقيقية, و سياراتها لا تحقق النجاح و مبيعاتها تقل دائما, و هى تقريبا لا تبيع الا البومة فى مصر! كما أن سياراتها أصبحت خارج اطار الزمن, و منذ أن انفصلت عن كرايزلر لم تطور شركة ميتسوبيشى من نفسها (لا تزال أغلب المكونات المستخدمة من قبل ميتسوبيشى تنتمى الى تكنولوجيا كرايزلر), لذا فان بيجو-سيتروين سوف تفتح مجالات كبيرة أمام ميتسوبيشى خاصة لناحية المحركات و التكنولوجيا الجديدة و الأمان,
السؤال هو ماذا ستستفيد بيجو-سيتروين؟ لا اعتقد ان السيارة الكهربائية هى السبب,لأن التوجه الأوروبى حاليا ينصب على تطوير السيارة الهيدروجينية كبديل للوقود و هو توجه أكثر عملية و أكثر قربا للواقع, و لكن ربما فتح اسواق جديدة أمام منتجات بيجو-سيتروين التى لاتزال محصورة فى السوق الأوروبية و بعض اسواق الشرق الأوسط و افريقيا؟ فبيجو-سيتروين تحتاج للتوسع السريع خاصة و أن موقفها فى السوق الأوروبية أصبح حرجا أمام منافسة فيات و فولكس, ففيات و لأول مرة منذ سنوات تفوقت على بيجو-سيتروين فى السوق الأوروبية و فتحت أمامها السوق الأمريكى بعد شراء كرايزلر, مما وضع بيجو-سيتروين فى موقف حرج للغاية, يجب و أن تتوسع و تفتح أسواقا جديدة و الا فانها سوف تبقى متأخرة بخطوات بعد رينو و فيات و فولكس منافسيها الأساسيين و لا يمكنها الحياة على السوق الأوروبية فقط.

[horas3000]

ازاي بقي يا فادي باشا

العلاقة بين ميتسوبيشي و كرايسلر كانت في صالح الكرايسلر اكتر منها لميتسوبيشي. و ميتسوبيشي لا تستخدم تكنولوجيا كرايسلر و لم تستخدمها. و مين قال انها خارج نطاق الزمن امال ال MIVIC دي عبارة عن ايه و استخدام ال CVT في اللانسر من 2004 يبقي ايه و نظام الدفع الرباعي اللي في الباجيرو ده ايه طب سيبك من كل ده الايفو تعتبر ايه. ده علي النقيض ميتسوبيشي معروف عنها توفيرها للتكنولوجيا بتاعتها للشركات الاصغر و الاقل خبرة و منهم هيونداي و بروتون و الكثير من الشركات الصينية حاليا ده كمان في تعاون بينهم و بين مرسيدس اللي ما زالت بتمتلك اسهم فيها و يتمثل ده في السمارت الفورتو اللي بتستخدم ارضية الكولت و بتتجمع معاها علي نفس خط الانتاج.

مشكله ميتسوبيشي عمرها ما كانت في التكنولوجيا بل التمويل و ده سببه للنظام اللي اسمه "كايزن" اللي بندار بيه المجموعة و اللي بسببه الشركة عانت جدا خلال الازمة الماليه في اسيا في التسعينات و لم تتعافي منذ ذلك الوقت و علي الرغم من كده بيطورا و بيعملوا ابحاث اهمها استخدام الطاقة الكهربائية و عندهم عربية كهربائية بالفعل ال i miev و اللي كانت من اول العربيات اللي ممكن تتشحن من الفيشة. عرفت بقي بيجو و سيتروين هيستفادو ايه ده غير انهم بالفعل مستفيدين حاليا و بيستخدموا الاوتدلاندر (الحائزة علي معدلات امان عاليه هي و اللانسر الجديده) كموديل عندهم و ده يعتبر اول دخول ليهم في فئة ال SUV.

ده طبعا ميمنعش ان ميتسوبيشي هتستفيد برضة لكن انا شايف ان بيجو و سيتروين هما المستفيد الاكبر من الاندماج ده

[AbOnOrA]

مفيش شركة كبيرة بحجم PSA تروح تشترى حصص بمبالغ طائلة فى شركة تانية من غير ما تكون مستفيدة وبرضو متسوبيشى هتستفيد من السيولة النقدية وعلى مستويات مختلفة تقنية او سوقية واقتصادية واسمحولى الخص محاور التعاون المشترك بين الاتنين

الوقوف امام تحالف رينو نيسان
انشاء مصانع جديدة مشتركة منها مصنع فى روسيا
الاستعانة بمحرك متسوبيشى الكهربائى لاستكمال مشروع PSA لانتاج سيارة كهربية
الاستعانة بخبرات PSA فى مجال التوافق البيئى
التعاون فى انتاج سيارات هجينة حيث تتمتع PSA بخبرات جيدة فى محركات الديزل الامر الذى يسمح بانتاج سيارات هجينة (ديزل/ كهربائية)
تعاون ممثال مبنى على خبرات متسوبيشى لانتاج سيارات هجينة (بنزين/ كهربائية)
استفادة من شبكة موزعين PSA فى اوروبا لصالح متسوبيشى موتورز
الاستفادة من خبرات متسوبيشى لتطوير سيارات جديدة من فئة SUV

متوقع ان تسدد PSA لمتسوبيشى مايقرب من ثلاثة بليون ونصف دولار مقابل 30 - 50 % من اسهم متسوبيشى موتورز
ومن المتوقع ايضا ان تشترى متسوبيشى حصة فى PSA

كده الاوربيين كلهم تقريبا انتمو مع الاسيويين معادا فيات الخايبة اللى رايحة تانتم مع كريسلر الخايبة التانية ليكونو اتحاد الخيبانين الاكبر

[فادى]

المشاركة الأصلية كتبت بواسطة horas3000 ازاي بقي يا فادي باشا العلاقة بين ميتسوبيشي و كرايسلر كانت في صالح الكرايسلر اكتر منها لميتسوبيشي. و ميتسوبيشي لا تستخدم تكنولوجيا كرايسلر و لم تستخدمها. و مين قال انها خارج نطاق الزمن امال ال MIVIC دي عبارة عن ايه و استخدام ال CVT في اللانسر من 2004 يبقي ايه و نظام الدفع الرباعي اللي في الباجيرو ده ايه طب سيبك من كل ده الايفو تعتبر ايه. ده علي النقيض ميتسوبيشي معروف عنها توفيرها للتكنولوجيا بتاعتها للشركات الاصغر و الاقل خبرة و منهم هيونداي و بروتون و الكثير من الشركات الصينية حاليا ده كمان في تعاون بينهم و بين مرسيدس اللي ما زالت بتمتلك اسهم فيها و يتمثل ده في السمارت الفورتو اللي بتستخدم ارضية الكولت و بتتجمع معاها علي نفس خط الانتاج. مشكله ميتسوبيشي عمرها ما كانت في التكنولوجيا بل التمويل و ده سببه للنظام اللي اسمه "كايزن" اللي بندار بيه المجموعة و اللي بسببه الشركة عانت جدا خلال الازمة الماليه في اسيا في التسعينات و لم تتعافي منذ ذلك الوقت و علي الرغم من كده بيطورا و بيعملوا ابحاث اهمها استخدام الطاقة الكهربائية و عندهم عربية كهربائية بالفعل ال i miev و اللي كانت من اول العربيات اللي ممكن تتشحن من الفيشة. عرفت بقي بيجو و سيتروين هيستفادو ايه ده غير انهم بالفعل مستفيدين حاليا و بيستخدموا الاوتدلاندر (الحائزة علي معدلات امان عاليه هي و اللانسر الجديده) كموديل عندهم و ده يعتبر اول دخول ليهم في فئة ال SUV. ده طبعا ميمنعش ان ميتسوبيشي هتستفيد برضة لكن انا شايف ان بيجو و سيتروين هما المستفيد الاكبر من الاندماج ده

كرايزلر اشترت ميتسوبيشى عام 1970 و كانت ساعتها ميتسوبيشى بلا اسم و بلا مبيعات و كل انجازاتها هو تجميع سيارة لفيات اسمها تيبو 3 و تجميع نسخة مدنية من سيارة ويليز (جيب فيما بعد), و بعض السيارات الأخرى كان أشهرها الPXX 33,
لكن البداية الحقيقية لميتسوبيشى و دخولها السوق الامريكى كان على يد كرايزلر, و تحت مظلتها و اسمها, الى ان بدأت فى الدخول باسمها الخاص فى أوائل الثمانينات (بشراكة أيضا مع كرايزلر و حسب نسبة متفق عليها),
اذن ميتسوبيشى صناعة كرايزلر و لو لم تشتريها و تدعمها كرايزلر لما سمعنا عن ميتسوبيشى لانسر و لا كولت و لا باجيرو و لا ايفو!
على فكرة المحرك الحالى الذى تعتمد عليه ميتسوبيشى فى معظم مبيعاتها طور فى عهد دايملر كرايزلر و اسمه 4B1 و هو من فئة المايفاك, و تم تطويره بشراكة مع هيونداى أيضا التى استفادت منه فى سياراتها.
http://media.mitsubishi-motors.com/p...detail156.html
اما موضوع انو ميتسوبيشى مخدتش حاجة من كرايزلر فعندك مثال بسيط لعلبة تروس خاصة بكرايزلر استخدمتها ميتسوبيشى فى معظم سياراتها :
http://en.wikipedia.org/wiki/TorqueFlite#A470

و ده ما يدعم نظريتى صناعة السيارات اليابانية هى فى الأساس قائمة بدعم أمريكى سواء على مستوى المساعدة فى فتح الأسواق أو المالية أو المساعدة التكنولوجية.

مع العلم انو مايفاك هو اسم أخر لتكنولوجيا توقيت الصمامات المتغير معروفة منذ الستينات(من تطوير فيات و استخدمت للمرة الأولى فى الفاروميو سبايدر) و لا تعتبر فتحا تكنولوجيا, و الCVT تكنولوجيا معروفة أيضا(استخدمت فى داف الهولندية لأول مرة) منذ زمن بعيد و جربت فى العديد من السيارات قبل ذلك, و استخدامها يضمحل نظرا لعدم اقبال السائقين عليها.