تحويل سيارة byd غاز

[كيا سيفيا]

المشاركة الأصلية كتبت بواسطة حسن شرف نصيحة لوجه الله ابعد عن تركيب الغاز ومسيرك تفتكر كلامى ونصيحتى بعد سنتين واسأل مجرب وشاهد عيان كمان

استاذ / حسن
طيب ماتحكى له تجربتك او مشاهدتك علشان يقتنع اكثر

[حسن شرف]

مش هكلمك على عربية شغالة تاكسى في البلد لا فيرنا ولا لانوس ولا اسبرانزا وشوفهم بعد تركيب الغاز سنتين اخبار الماتور بتاعهم ايه وحالة العربية عموما اخبارها ايه لأ هكلمك عن عربية تعتبر افضل منهم بمراحل طبعا وهى الدايو نوبيرا 2 وملاكى كمان وبتاعت دكتور وصاحبى كمان والله العظيم العربية موديل 2004 وبعد تركيب الغاز بسنة ونصف المكنة نفخت وبقت تطلع دخان من الشكمان والزيت بقة ينزل ناقص حوالى كيلو ونص والسحب ضعف وخرطوم الفايظ بقى فاصله من المكنة علشان ميضربش على البوجيهات فتعرق فتبرجل العربية ويخليها متلتة طبعا انا بحكيلك عن تجربة واقعية وليك في الآخر حرية القرار والاختيار وانا تحت امرك في أى معلومة أخوك حسن شرف 01112535152

[wesby]

اولا احنا معانا تاكسى من 2010 ماشى غاز الماكنه زى ما هي وخد بالك من كلمه تاكسى
ثانيا البى واى دى حقن كامل فالغاز انا عندى مش بتفرق واحد بالميه ف السحب
وبالنسبه للاخ بتاع النوبيرا انا صاحبى مركبو بقالو سنه وشويه ولا اى حاجه حاصله معاه بس السحب اسالهولك عشان هو هندو باين نص

[الدكتور محمد]

المشاركة الأصلية كتبت بواسطة wesby اولا احنا معانا تاكسى من 2010 ماشى غاز الماكنه زى ما هي وخد بالك من كلمه تاكسى ثانيا البى واى دى حقن كامل فالغاز انا عندى مش بتفرق واحد بالميه ف السحب وبالنسبه للاخ بتاع النوبيرا انا صاحبى مركبو بقالو سنه وشويه ولا اى حاجه حاصله معاه بس السحب اسالهولك عشان هو هندو باين نص

بسم الله الرحمن الرحيم

أولا: أنا بأستخدم الغاز (كربراتير) من سنة 2002 ولا مشاكل مما يقال علما بأننى إستهلاكى الشهرى 3000 كيلو فى المتوسط.

وحاليا معى إسبرانزا 516 موديل 2008 وركبت لها غاز حقن مطور والحمد لله لا يوجد فرق فى السحب ولا مشاكل ولله الحمد.

ثانيا: بالنسبة لموضوع النوبيرا 2004 دى ليست مقياس وذلك لأنه من الممكن أن يكون صاحبها ركب الغاز بعد كيلو متر عالى فمحتمل إن الموتور كان كده كده هيعمر بعد السنه ونصف حتى لو إستمر بنزين

الأستاذ الذى قال إن معه سيارة 2010 غاز تاكسى والحمد لله تمام ولا مشاكل ده إنسان واقعى يسدى نصيحة عن تجربة شخصية وليست عن سماع فقط

يا إخوانا من قال لا أعلم وهو لا يعلم فقد أفتى.

تقبلوا تحياتى