#6
|
|||
|
|||
رد: بخصوص الصني الشكل الجديد
انافي نفس الحيرة والمقارنة توني علشان كدة عايز حد يفيدني بخصوص الصني والتيجو فظيعة بس لسه كلمة الصيني في العربيات تخوف شوية مش عايز اجازف وادفع كل ما املك في عربية ارميها بعد سنتين والانسر كويسة جدا بس مش عايز ادخل في الـ 90.000 انا يدوب علي اول الطريق فانا بجد محتار بخصوص الصني والناس كرهتني فيها
|
#7
|
|||
|
|||
رد: بخصوص الصني الشكل الجديد
اخى الحبيب
نفس السيناريو الى انتا مريت بيه انا مريت بيه وفى الاخر اشتريت الصنى 27/7/2009 اشرحلك التفاصيل انا كنت باقارن بين الاوبترا - الصنى - التيجو 1600 نمسك الاخيره التيجو الى كانت اختيارى الاول والاوحد لما رحت المعرض بتاع الاخبار على امل اشوف التيجو 1600 واتفرج عليها واشوف وسعها وجدت التالى الصالون بتاعها اضيق من الصنى والاوبترا بشكل واضح الخامات الى مصنوع منها الطابلول بالاستك ناشف تحس انك راكب عربيه فيات فلورا لما تيجى تمسك اكرت الباب وتفتحها تحس انها خشنه زى الفيت 128 وقفلت الباب خشنه شويه لازم اما من جوه فهى عمليه من حيش الشكل الخارجى تحفه شكل جميل لكن لاحظت تقفيل الصاج والملاحظه الى خادت عينى على طول ودايقتنى نفسيا هى تقفيل الصاج وبالاخص لما تفتح الشنطه من ورا عند الارضيه الى على الشمال فى الدوران الى تحت تحس ان الى مركبها سمكرى بيتعلم لسه السمكره الصاج معوج واخد الدوران المنطقى نيجى للاداء طبعا انا مركبتهاش لكن كانو عارضين التيجو 2000 الى دخلت الالى كنوع من الدعايه لقدره التحمل فى متابعتى للرالى لقيتهم منزلين فى احد المنتديات صور من الرالى وبيقولو انهم مغيروش حاجه فى العربيه غير انهم غيرو الياداتير عشان اتخبط فى صخره كبيره لما شفت الصور الى على الفيس بك لقيتهم فاكين العفشه الاماميه بالكامل منزلين الكاوتشات والمقصات بالكامل طبعا سئلت كنت بتعملو ايه فى العربيه عشان تفكو الموضوع ده مفيش حد رد لما شفت عربيه الرالى قلت اشوف عملو ايه فى العربيه هل حضل شروخات فى الشاسيه ولا فى الشدادات الاماميه ولا القواعد الخلفيه وهكذا لقيت المفاجئه قاعدت المساعدين الاماميين ملحومين ومتدعمين بصاج ملحوم فيها كنت عاوزهم بفتحو الكبوت قالو المفتاح موش معانه من كده قلت العربيه دى منظر بس خفت منها جدا جدا هو تقيله وصاجها تمام لكن التصميم موش متئلف من طبيعت السياره من حيث قوه التحمل لكن سعرها مغرى جدا لكن مكنتش عاوز السعر هو الى يجزبنى للعريه بس واتخدع فى الشكل --------- الاوبترا واسعه جدا جدا من جوه انا كنت بابحث عن عربيه مانوال بس فيها abs لقيت فى الوبترا موديل نازل اسمه هاى لاين فيه abs + اير باج2 لكن شالى 2 الازاز كهربا الى ادام وشالو المرايات الكهرباء وخلوعا عاديه شيئ ياخذ فى الاعتبار طبعا الى شالوه صاجها ضعيف رغم انها تقيله والى ضايقنى منها جدا صاج الكبوت دائما لما تيجى تقفل الكبوب بتضغط على الجزى الامامى لقيته ضعيف جدا لازم وانتا بتقفل الكبوت توقعه ويترزع عشان تقفله - ساعتها انا باحس انى بكسر فى عضم العربيه وكمثل باقى صاج العربيه الطبل بتاعت البيبان والقايم الى ورا صاجه ضعيف جدا شنطتها واسعه ------ نخش على الصنى الشكل ازواق بس انا عاجبنى شكلها الجديد سمعت عنها اقاويل والى يقلك موش ثابته والى يقلك ضعيفه والى يقلك بتسحب بنزين بصراحه انا اول لما استلمتها وانا راجع من المعرض حسيت ان الى انا سمعته موش على العربيه ده المهم نيجى للمضمون صالونها الكنبه الخلفيهه اضيق من الاوبترا لكن موش يعنى انها ضيقه مناسبه على الاقل ليه لسبب انا مبحبش ارجع الكرسى لوره عشان انا مليش كرش هههههههههه والحمد الله ف الى ورا موش هيحس بالضيق نيجى للاداء ثبات لغايه 160 تحس انك مازلت ماسك الطريق موش بتعوم والى يثبت ده كنت ماشى طريق الاسكندريه فيه وصله قبل طنطا امو لما دخلت فيها فتحت 130 ل 160 فيه فواصل فى الكبارى بعضها عالى لقيت العربيه اترفعت لكن نزلل ماسكه نفسها من غير ما تعوم وده شئ انا باعتره شئ يدعو لاحترامها وحسيت ان كان اختيارى صح وفى محله الى هدانى ليها واحد من الى شغالين فى المستعمل قالى الياابانى والا الكورى ( الاوبترا) قلى ماتور اليابانى اكثر اعتماديه الكلمه دى رنت فى ودنى وخلتنى افكر والى خلانى ارشح النيسان اولا فيها abs من غير ما يشيلو منها حاجه زى الاوبترا ثانيا منزلين عرض خصم 3000 عليها ساعتها حسمو الموقف النيسان اكفئ ( يابانى) صاج امتن abs من غير ما يشيلو منها حاجه اقل فى السعر 3000 وتوكيلها محترم ممن وجهت نظرى المعادله اتحلت نيجى للتجربه استهلاك البنزين هو هواه بتاع الاوبترا ليه ابن عمتى جايب اوبترا نفس المعدل بتاى تمام فى الصفيحه 242 كيلو يعنى فى الكيلو 12 كيلو للتر وده متوسط داخل البلد وعلى السريع دى تجربتى واختيارى اتمنى انك تكون استفدت ونصيحه لما تيجى تسئل اسئل صاحب عربيه واسئله عن نقاط محدده متسئلوش فى العام لانه مفيش حد هيقلك عربيتى موش حلوه على راى المثل ( القرد فى عين امه غزال )هههههههههههه لكن اعرف العيوب واسئل صاحب عربيه مثلا معدل استهلاكك للبنزين قد ايه وهاكذا وربنا يوفقق وانا عارف انك هتشترى الصنى بس النصيحه اشترى فيها abs وبالتوفيق واسف على الاطاله م/ اسلام |
|
|