اني استخرت الله بين اللوجان والفيرنا

[kae]

المشاركة الأصلية كتبت بواسطة damdam41 - انا لو مكان حضرتك هاجيب اللوجان الفيرنا تكسب انا اسف ! - اللوجان فى الشكل بالنسبالى افضل من الفيرنا اللى قتلت بحثا و بقت مع كل الناس يعنى ازواق , هما الاتنين شكلا مش اد كده - اللوجان فى الارتفاع عن الارض لا يعلى عليها عكس الفيرنا اللى فعلا واطية الميزة الوحيدة - الاوبشنات بتاعة اللوجان بالنسبة لسعرها تعتبر كويسة جدا ( بالرغم من ان اساسا كل العربيات تعتبر غالية اوى فى مصر) [COLOR="rgb(75, 0, 130)"]لا دى اوت لان اللوجان فى منها موديل من غير كاسيت و تكيف , لاكن لو هنقارن الفل اوبشن الاتنين زى بعض تمام. [/COLOR] - الصاج بتاع اللوجان افضل من الفيرنا ممممممممممممممممممممممممم مممممممممممممممممممم - انا ركبت الاتنين اللوجان شايفها اوسع من الفيرنا بس الفيرنا برده مش ضيقة من الداخل بردك كلام ماشى - موضوع الانتشار بقى و قطع الغيار عن البقال فحضرتك لو بصيت فى الشارع كل يومين هاتعرف ان اللوجان فى تزايد جامد و فى خلال سنة هاتبقى قطع الغيار منتشرة و باسعار جيدة مش شايف كده خالص و لا شايف قطع غيار رخيصة و لا اى حاجة لس لازم تروح التوكيل و على ايه تليفون صغير للتوكيل قولهم الفانوس الودمانى اتكسر و عاوز اغيره و شوف سعره و قارنه بالفيرنا !! - الفيرنا فى السرعات العالية وحشة و كمان موتورها مغرى يعنى يخليك تجرى بيها و متحسش و ده خطر لكن اللوجان مشينا بيها فوق ال 100 و كانت جيدة جدا و فى طريق وحش ده عيب قائد عربية و انا من كام يوم كده حطيت فيدو لواحد سليق فيرنا على 200 و كان بياخد غرز فبلاش موضوع الثبات ده تانى. ماتورها مغرى اه بس للى بيحب الجرى غير كده هى عربية عائلية http://www.youtube.com/user/TheMoham.../1/A9gNdDuJo6A - تكييف الفيرنا افضل من اللوجان بس ده مش معناه ان بتاع اللوجان وحش و ده رايى الشخصى جدا برده

انا شايف ان المجمل الفيرنا احسن بكتير من اى حاجة فى الفئة العرية بتاعتها.

[kira]

السلام عليكم
ليه حضرتك مفكرتش فى البرلينس ؟

[ahmedelshhabiy]

المشاركة الأصلية كتبت بواسطة kira السلام عليكم ليه حضرتك مفكرتش فى البرلينس ؟

انا بشكركم جمعياً علي الردود والكلام الجميل فعلاً
بخصوص البرليانس بصراحة شديدة الصيني غير مشجع علي الاطلاق وبخاف منه ومقدرش اخاطر واشتري صيني في الوقت الحالي ويمكن الصيني يقدر يوصل للمعادلة الصعبة بس مش اقل من 10 سنين مش دلوقت

[ahmedelshhabiy]

المشاركة الأصلية كتبت بواسطة kae انا شايف ان المجمل الفيرنا احسن بكتير من اى حاجة فى الفئة العرية بتاعتها.

متشكر جدا جدا علي الرد واسف اني اتأخر في شكركم جميعا بس النت كان فيه مشكلة
بصراحة واضحة انا ممكن اكون بطلب مقارنة صعبة شوية وبعدين صناعة فرنسي تجميع مغربي مع صناعة كوري وتقفيل مصري وبصراحة الشعب المصري هوا الي بيعمل سوق لاي عربية والدليل الفيات بالكامل بكل انواعة نجح في مصر والبيجو 504 في حين عربيات كتير احسن منهم محققتش اي نجاح زي الفولفو وزي الرينو سابقاً وزي السترويين وزي اغلب الالماني باستنثناء المرسيدس والبي ام طبعاً حتي الصيني انا شايف انه منجحش في مصر بشكل كبير مع ان المفروض العكس دي طبيعتنا كشعب بنختار الي احنا بنشوفة مع الناس بعيد عن عوامل الامان والسلامة
والاسم وقطع الغيار وطبعا كشب استهلاكي غير منتج بندور علي العربيات الي بعد 10 سنين تتباع وتجيب فلوس ودا صح مش غلط وانا مؤمن جداً بأن العربية لازم تكون بياعة وليها سوق وعليها طلب سواء جديدة او مستعملة .
من الاخر الي هيحدد اختيار اي واحد مقبل علي الشراء حاجتين
1- قطع غيار معمرة وتكون رخيصة ومتوفرة بشكل كويس
2- سعر اعادة البيع بعد 5 سنين هيكون في صالح مين وخصوصا ان السوق المصري وصل لمرحلة تشبع من الهيونداي فيرنا والناس ابتدات تدور علي اي حاجة جديدة بصرف النظر عن امكانيتها وانتشرها وتوافر قطع الغيار ودا اثرجامد جداً وللاسف ناس كتير تضررت من كدا زي الي اشتري(الجين تو -الكليو - الميجان - البريليانس ) عربيات جميله وممتازة بس بيع وقطع غيار كارثة مصيبة جالطة وغالباً دي اهم حاجة اثرت في العربيات الالماني والفرنسي و قليل من الامريكاني وفتح مجال بيع هائل امام الياباني والكوري لتوافر قطع الغيارانا بدون شك معجب بالعربيتين لانهم فعلا ممتازيين بالنسبة لسعرهم واذا كنت ميال اكتر للوجان بس .....
فا بصراحة العربية الي هيتوافر فيها النقطتين دول هشتريها ان شاء الله
ومتشكر جداً علي تعاونكم وعلي معلوماتكم الي انا بتعلم منها.

[oceanboy425]

هات الفيرنا وتوكل على الله