العربية بتنتش على الاول

[سيداحمد]

زى مقال حبيبنا احمد على غير طقم البوجيهات والسلوك وهاتبقى فل الفل انشاء الله

[احمد سويلم]

ان شاء الله بسيطه ومش هتتعدى البوجيهات بأمر الله

[ahmed5050]

المشاركة الأصلية كتبت بواسطة ahmed5050 شكرا مره اخرى على ردك ....... سوف اراجع الميكانيكى وانشر الرد لتعم الفائده

استاذ احمد على : تم عمل الاتى
1- تغيير زيت فتيس نوعه فالفولين
2- تغيير البوجيهات
3- تركيب علبة البيئه لانها كانت مش متركبه والميكانيكى قال انها مهمة
4-تنظيف تانك البنزين وفحص الطرمبه والموتور ولا يوجد عيوب بهم

لازالت العربيه بتنتش على الاول وعلى السلانسيه وممكن تبطل احيانا .

انا حاسس ان الصنايعية مش فاهمين وكل واحد يقولى رأى - اخر ميكانيكى قالى ده عيب رشاشات وسألت عليهم لقيتهم ب 800 جنيه

مش عايز اغيرهم والاقى نفس المشكلة برضو.

ممكن حضرتك تقولى اعمل ايه علشان زهقت والعربيه لسه عامل بيها حادثة بسبب التنتيشه دى كلفتنى رفرف جديد .

شكرا مقدما لحضرتك

[mr_astra]

1- تغيير زيت فتيس نوعه فالفولين

مش العربية عند حضرتك اوتو ؟ ولا جبت زيت اسمة كدة فالفولين؟


عداد الـ RPM على السلانسية بيكون كام لفة / دقيقة ؟

[ahmed5050]

المشاركة الأصلية كتبت بواسطة mr_astra مش العربية عند حضرتك اوتو ؟ ولا جبت زيت اسمة كدة فالفولين؟ عداد الـ RPM على السلانسية بيكون كام لفة / دقيقة ؟

العربيه اوتوماتيك موديل 2004

نوع الزيت اسمه فالفولين زى موبيل وشيل بس الميكانيكى قالى ده انضف واحسن.

عداد ال RPM على السلانسيه بيكون تحت الالف لفه بشرطه (يعنى ممكن تقول 800 او 900) اول ما ادور.
بعد ما ادور واسيبها دقيقه مثلا بلاقيها بدأت ترعش وتتبرجل كده ساعتها ال RPM بيقل وممكن يوصل 500.

بضطر ازود وانا على السلانسيه علشان الرعشه دى تروح.

الموضوع ده برضو بيحصل على السرعات البطيئه يعنى تقريبا على الغيار الاول (اول ما امشى بيها أو لو بعدى مطب أو لما اركن).

على فكرة كان فى خرطوم مفكوك من الاول (وانت فاتح الكبوت بيكون على الشمال فوق) .... سألت الميكانيكى عليه قالى ده بتاع المنافول وبعدين ركبه بعديها بيومين او تلاته الموضوع ده حصل .... ممكن يكون ليه تأثير؟؟
شكرا مقدما