|
منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم |
|
أدوات الموضوع |
#6
|
||||
|
||||
رد: وداعا عصاية الفتيس و دواسة الدبرياج و دواسة البنزين - مرحبا بالطيار الألى
مفيش تعقيد ولا حاجه ممكن اضيف ميزة الاوامر الصوتية لو تحب عشان متقعدش تدوس على الزراير بس تقول اينجين ستارت العربية تدور لا مفتاح ولا وجع دماغ و اسم البرنامج اللى انت عاوزه بس هيكون في مشكلة ان النظام ساعتها مش هينفع يطبق لأكثر من مستخدم واحد عشان نبرة الصوت
الجى بى اس هيعقد الموضوع لأن مش فى كل حته بيلقط القمر الصناعى خلينا بالمستشعرات احسن ماشى كلامك خلى المانيول موجود برضو لكن عشان تكون صرحه مش هيكون ليك سيطرة على عصاية الفتيس غير من خلال البرنامج لا يا عم احنا هنجيب العربيات اللى موديل 80 و 70 كمان و نطبق عليها عشان الكل يتبسط هتفرق فى ستيبرات امبير اعلى شوية ايه يعنى كله يهون اه الواحد خلاص يا راجل حاسس ان هو فى العصر الحجرى و عامل زى فلينستون راكب مجسم عربية و بينزل رجليه من تحت يجرى بيها عاوز اقتراحات بناءة عشان لو اشتغلت تنفيذ مش هينفع ارجع اعدل الموارد محدودة جدا بالنسبالى
__________________
|
#7
|
|||
|
|||
رد: وداعا عصاية الفتيس و دواسة الدبرياج و دواسة البنزين - مرحبا بالطيار الألى
أستاذ رامي مواضيعك وأفكارك اكتر من رائعة !.. أنا أحب الدماغ النضيفة إللي بتفكر في إيجاد حلول للمشكلات بطريقة مبتكرة ... واضح جداً إننا هانبقى أصحاب ( رغم إن خبرتي في الهندسة وشغل الإليكترونيات ده محدود جداً ) ، لكن هاحاول علي قدر إستطاعتي التفكير معاك لتطوير أفكارك ...
وبالنسبة لفكرة الفتيس الآلي .. أعتقد إن الأوامر الكتيير في قائمة البرنامج هاتسبب نوع من الإرتباك أثناء القيادة .. وبخاصة موضوع الإستعداد للمطبات .. شوارع مصر كلها بين المطب والمطب هاتلاقي تلات أربع مطبات !! ده غير الحفر والبلاعات المفتوحة ! فأنا رأيي الإقلال من الأوامر ... يعني زي الفتيس الأوتوماتيك D , R , P مع إضافة خيار للتسارع ... أو لتحديد السرعة .. ، والباقي بقي يبقي دور الكمبيوتر والسنسورز في تحديد السرعة المناسبة بين السيارات .. أما موضوع المطبات .. فأيه المانع من إستخدام نظام سنسورز يعمل بصدى الصوت للإحساس بالأجزاء المرتفعة علي الطريق زي المطبات .. وبكده يبدأ الكمبيوتر في حساب المسافة وإختيار السرعة المناسبة حتي التهدئة والوقوف علي المطب إن لزم الأمر .. تعرف حضرتك .. أنا وأنا سايق ممكن جداً ماخدش بالي إن أنا داخل علي مطب أو حفرة منخفضة في الأرض مثلاً وخاصة إن أنا نظري ضعييف شوية ولابس نضارة .. بس كنت باعرف إن أنا داخل علي مطب من خلال رؤيتي للسيارات أمامي ترتفع وتنخفض ( مطب ) أو تنخفض وترتفع ( حفرة ) أو ترتج وتتمايل يمينا ويساراً ( جزء غير ممهمد من الطريف ) .. ، فأيه المانع من إستخدام كاميرة لمتابعة التغيرات في إرتفاعات وإنخفاضات السيارات لتوقع وجود مطبات أو حفر .. خاصة في الطرق المزدحمة والتي يمكن فيها أن تقوم السيارات أمامك بإعاقة عمل السنسورز التي تستشعر المرتفعات في الطريق ! مش عارف ..قد تبدو أفكار عبيطة بس يمكن تفيدك ! تقبل تحياتي |
#8
|
||||
|
||||
رد: وداعا عصاية الفتيس و دواسة الدبرياج و دواسة البنزين - مرحبا بالطيار الألى
مرحب بيك ممكن نخلى السينسور يتعامل مع المطبات لكن السينسور مش بيكون صوت بسبب معدل الديسيبيبل المرتفع عشان كده الليزر هو الخيار الأفضل لو مشكلة المطبات معاك بالليل ممكن موضوعى عن الرؤية الليلية يفيدك لو المشكلة معاك الصبح انصحك بأستشارة طبيب و هو هيعملك نظارة قيادة تناسب المشكلة دية مش وحشة والله فعلا الاوامر كتير عشان كده بفكر اخليها صوتية يا اما هصمم دركسيون مخصوص فيه زراير بكل امر و شاشة فى وسط الدركسيون و طبعا هيكون الاتصال بينه وبين الكبيوتر بتاع الطيار لاسلكى عشان محصلش اعاقة فى السواقة
__________________
|
|
|