عربية من 10000 ل 15000 يا ترى اجيب ايييييه؟ ساعدونى

[محمد التهامى]

بص يا توبجى الاستاذ كورسر عمرة ما هيغشك واكيد شايف ان عربية صاحبة كويسة والادا عامة احسن من 128 لو تعرف تخلص فيها ان شاء هتكون خير
وتمنياتى لك بالتوفيق

[hero_hamada]

ربنا يوفئك يا باشا
بس رايي الشخصى بيجو 504
لان تحملها عالى وقطع غيارها مش غالية اوى
واحلى من 128

[tobgy]

الف شكر يا استاذ كورسر على النصيحة و العرض
بس اكيد اللادا ال2107 مش حتوصل ل15000
و انا بصراحة مقدرش اعلى اكتر من كدة
فشكراااا تانى

استاذ احمد بدر شكرا على نصيحة البيجو و هى فعلا عربية حلوة

استاذ تهامى اكيد اللادا احسن من ال128 و اكيد يربضو استاذ كروسر مش هيغشنى بس زى ما قولت فوق اللادا مش فى حدود امكانياتى الحالية و شكراا لحضرتك

استاذ حمادة
انا ملاحظ انه كله بيقولى بلاش ال128
هى وحشة للدرجادى ولا امكانيتها اقل من امكانيات العربيات التانية؟
مع ان كان جه عليها فترة كانت العربية الاولى فى مصر
و شكرااااا

[مهند سالم]

يا جماعة 15 ألف مش ممكن يجيبو بيجو 504 بحالة كويسة، المبلغ ده اختياراته محدود، يعني 132، 127، 128، أو لادا، وبيتهيأ لي اللادا هيحط كام ألف كمان عشان يجيب حاجة كويسة.
لكن عموما لو مش عايز يحط تاني يبقى قدامه 127 ودي أحسن في السفر من 128، وقدامه 132 ودي أقواهم بس بتحرق بنزين، بس ممتازة في السفر. وشكرا ليك

[tobgy]

استاذ مهند شكرا على النصيحة
و زى ما حضرتك قولت ان المبلغ ده اختياراته محدودة جدا
و للاسف ال132 مش من ضمن اختياراته
عشان هى اغلى من 15000 بس هى فعلا عربيبة حلوة جدا
و شكرا على رايك و ردك و اقتراحك