مشكله غريبه فى العفشه

[احمد الجارحـي]

المشاركة الأصلية كتبت بواسطة mr_astra دة الطبيعى يا باشا والله العظيم الطبيعى انك تجيب حاجة وتطلع بايظة مش فى العربيات بس .... ابدا فى كل حاجة فى حياتنا لو اتكلمنا عن حاجات العربيات انا غيرت عفشة كاملة فى عربيتى مساعدين وجلب مقصات وكبالن !!!فى واجب يتعمل اكتر من كدة مع عربيتك الكبالن طقطقت بعد 3000 كم من التركيب المساعدين حجرت بعد 4000 كم عربية تانية وانا بجبلها عفشة كاملة حتى الطنابير قلت اجيب حاجة اغلى من اللى جبتهم فى عربيتى مساعدين جداد ومقصات جداد وطنابير جداد واتياش سكاترا جديدة (ابقى شوف الموضوعين فى قسم 516) تعالى بقى اركب النهردة العربية تقدر تقول عليها محتاجة عفشة كاملة تانى والكلام دة فى حدود 8000كم جبت مجموعة دبرياج كامة لعربية ريتمو فكيت الفتيس تانى بعد 1000كم عشان الاسطوانة باظت طب فى باقى حياتنا العادية رحت اشتريت سخان غاز عشان اوفر استهلاك الكهرباء وعشان انا مبفهمش فى انواع السخانات اغلى حاجة كانت معروضة اشترتها ولكن زى الباشا اتصلت بالصيانة عشان السخان عامل مشاكل جبت شاشاة LCDفول اتش دى بعد شهرين جم خدوها وغيرو الشاشاة بالكامل جبت لاب نوعة توشيبا وحضرتك عارف يعنى اية توشيبا والله بدلتة مرتين موبايل سامسونج بدلتة مرة لو فضلت اتكلم للصبح مش هابطل كلام هى كدة ....حياتنا كدة ....

انا أشك ان المشكلة فيك انت بصراحة أعذرني بحب أهزر بس انت صح لكن مش للدرجة انا خايف تقولي ان لو عندك ابن هتقولي انك اكتشفت انه بيدخن بعته التوكيل تغيره ههههههههههههههههههههههههه ه

[mr_astra]

المشاركة الأصلية كتبت بواسطة احمد الجارحـي انا أشك ان المشكلة فيك انت بصراحة أعذرني بحب أهزر بس انت صح لكن مش للدرجة انا خايف تقولي ان لو عندك ابن هتقولي انك اكتشفت انه بيدخن بعته التوكيل تغيره ههههههههههههههههههههههههه ه

الدواء اللى بنشترية مغشوش
قارن بين اى علاج بيجى من الخارج حتى لو السعودية وشوف المادة الفعالة اللى فية ونفس نوع العلاج فى مصر وقارن!!!!!!
حتى الاكل والشرب
احنا كلنا دود على انة جمبرى
اتحداك لو عرفت تاكل بطيخة الصيف اللى فات
تحب نتكلم عن المجمدات ( لانشون - سوسيس ....الخ ) ولا بلاش

[حسن شرف]

يا جماعة احنا خرجنا من سياق الموضوع الاساسى ودخلنا فى موضوع تانى خالص
ياريت نرجع لموضوعنا الاساسى ونشوف الراجل عمل ايه فى المشكلة بتاعته
طمنا يا استاذ فلانتينوا ايجيبت عملت ايه

[valantino_egy]

ههههههههههه .. والله يا أستاذ حسن بعد اللى شفته وقرأته ده ... يبقى اللى يشوف مصايب الناس تهون عليه مصيبته
ان شاء الله أجيب مساعدين كورى وخلاص مش لازم يكونو أصلى .. فى ناس قالتلى هات مساعدين اسمهم مونرو .. بس الراجل قاللى ناشفين جدا لدرجه انهم ممكن يكسرو الفجوه من فوق ...
ان شاء الله اركبهم واروح أظبط زوايا عند واحد كويس وهو اللى يعرف العيب فين بقى .. والله المستعان

[valantino_egy]

mr_astra

أتفق معك تماما ...... عندك حق فعلا