رجة ملحوظة في يارس 2007

[fadymedhat]

حضرتك نضفت الرشاشات و البوابة.....ممكن يكون فى حساس فاصل....لو استمرت المشكلة اكشف كمبيوتر.....

[mr_astra]

انا شاكك ان البطارية دى ضعيفة
لو تعرف تجرب ببطارية حد معرفة ونشوف النتيجة

[dr_eslam_66]

المشاركة الأصلية كتبت بواسطة f3lix من الاحسن الكشف على العربية بالكومبيوتر ولو في اي حساس بايظ او اي مشكلة هتبان

المشاركة الأصلية كتبت بواسطة eng/walaaeldeen السلام عليكم نظف بوابة الهواء والحساس ونظف الرشاشات واكشف علي الخراطيم الي داخله على سيرفو الفرامل والله المستعان

انا كنت لسة منضف الرشاشات لاني كنت حاطط منظف رشاشات التموينة الي فاتت وكانت كل حاجة مظبوطة والعربية كانت فايقة جداا.

المشاركة الأصلية كتبت بواسطة fadymedhat حضرتك نضفت الرشاشات و البوابة.....ممكن يكون فى حساس فاصل....لو استمرت المشكلة اكشف كمبيوتر.....

المشاركة الأصلية كتبت بواسطة mr_astra انا شاكك ان البطارية دى ضعيفة لو تعرف تجرب ببطارية حد معرفة ونشوف النتيجة

بس العين الي في البطارية لونها أخضر عموما دا احد الاسباب الي انا برجحها بردو.

النهاردة هييجي ميكانيكي ياخد مني العربية وهوا قالي انا هكشف عليها كهربا بالكامل وهقولك العيب منين علشان وانا بوصفله الوضع في التليفون قالي احتمال تكون المكنة متلتة واحتمال يكون فيه كام قاعدة للماتور عايزة تتغير ولما اكدت عليه اني العيب اكبر من مجرد كراسي مكنة لاني السحب ضايع وصوت الماتور غريب قالي ماتشغلشي بالك كدة كدة من غير ماتقول انا هكشف علي المهربا بالكامل.
ربنا يخليكو اجدع اعضاء في اجدع منتدي
وانشاء الله لمجرد توافر اي رد او معلومة جديدة هقولكوا طبعا ونتفاهم مع بعض.

[dr_eslam_66]

طبعا أنا زي ما سألتكوا وكلفتكوا وقت في قراية سؤال ومجهود محاولة مساعدتكم لازم أعمل تحديث بكل المستجدات خطوة بخطوة,
اليوم وبعد ماوصلت للمكتب وعىلا موعد بيني وبين الميكانيكي مسبقا جه الباشا وعاين العربية كان الحوار كالآتي,,,
عاطف (الميكانيكي): خير يا هندسة مالها العروسة.
أنا: والله بعافية شوية يا عام عاطف, وقومت فاتح الكبوت وقولتله خليك هنا وبص كدة وقولي رأيك, دورت العربية والزلزال إبتدى نقلت الفتيس كذا نقلة على كل الغيارات وطبعا الرجة بتزيد شغلت المكيف ودا كان كفاااية.
عاطف: خلاص خلاص يا هندسة بطل العربية مش محتاجة,
أنا وأنا مندهش: ليه هيا هتموت قريب.
عاطف: عايزة طقم سيرفس كامل.
أنا: ياعني إيه؟
عاطف: إنتا عمرك غيرت البوجيهات أو سلوكها؟ عمرك نضفت الرشاشات أو غيرتها؟
أنا: لأ طبعا علشان دي عربية شغل وأنا مش المتحكم في القرار.
ومن هنا أ،ا فهمت منه إني ممكن يكون بوجيه أو إتنين أو رشاش أو إتنين مش شغالين وهوا خد العربية للكشف الكامل وقالي هبلغك في التليفون على السبب والمطلوب من قطع غيار ومصنعيات.
وإنتوا معايا بردو هبلغكوا بكل جديد أول بأول.

[dr_eslam_66]

الجزء الثاني:::
من متابعة الجزء الأول مش محتاج أعرف شخصيات المسرحية تاني (عاطف, أنا, والبطلة لمسرحية النهاردة اليــــارس)
الهاتف بيرن أنا رديت ألو
عاطف: أيوة يا هندسة العربية محتاجة بوجيهين وطقم سلك وحاجة تاني غريبة كدة ماعرفتهاش هيا إيه.
أنا: إيه دي يا عام عاطف ماعرفهاش أنا دي؟؟؟؟:w6w200504112236376 d
عاطف: دي الفيشة الي بيركب عليها البوجيه يا هندسة.
أنا: ودي غالية دي يا عام عاطف؟
عاطف: مستتعمل ولا جديد ياباشا؟
أنا: قولي إنتا الأسعار وأنا أحدد.
عاطف: الواحدة تعمل 130 درهم مستعمل وتعمل في حدود 280 جديد أصلي, إيه رأيك؟
أنا: المستعمل يقوم بالمهمة ولا يبوظ كمان شوية؟
عاطف: لا عيب عليك يا هندسة أنا عمري عملتلك شغل ماعجبكش؟
ملحوظة: أناماعملتش معاه شغل قبل كدة أصلا. المصري مصري والله لو كان فين.
أنا: توكل على الله وهات المستعمل ونبقى نتحاسب.
عاطف: وبعد مرور تلات ساعات أنا تحت المكتب ياباشا إنزل العربية جاهزة.
أنا: نزلت جري ألله العربية جميلة ونضيفة وبتبرق وكان فاتح الكبوت وكانت العربية مغسولة فوق وتحت (في عقلي آآآه شكله هيديني سعر الزباين)
ماشي ياعام عاطف بسم الله ماشاء الله الله ينور جربت العربية وسلمت عليها وخدتها لفة وآخر التعارف الي إحنا عارفينه دا وحشتيني وتقولي كدة تسيبني كل دا من غير تصليح وأقولها معلش ماكانشي بخاطري إنتي عارفة القرار بش بئيدي وعيطنا وإتصالحنا ورجعت لعاطف. الحساب بقى ياباشا أن أن أن .... تا تا تا.
عاطف: ياباشا بسيطة دا كلها حاجة صغيرة خليها علينا وماإستناش حتى أقوله لأ أبدا على
طول بدأ بالتفنيد,,,
150*2=300 فيش البوجيهات والقدام أهم,
25*2=50 بوجيهين والقدام أهم,
30 غسيل عربية,
50 طقم سلك والقديم أهو,
ويبقى المجموع = 430 درهم
ومش هقولك مصنعية 250 لأ أ،ا هقولك 200 بس ويبقى كله 630 درهم وشاي للواد 20 يبقى كله 650 درهم.
ملحوظة تاني: الواد دا يبقى إبنه وهوا الظاهر جايبه معاه مخصوص علشان الشاي.
أنا: عام عاطف إنتا عارف إني مش أنا الي بدفع ودي فلوس الشغل ولو كانت عربيتي ماكنتش هقولك تلت التلاتة كام كفاية إنك مريحني من اللف والمرواح والمجي آخر الكلام علشان مانطولش على بعض.
عاطف: ياهندسة والله تعبت ولفيت وروحت وجيت.
ملحوظة: على فكرة هوا واخد مني مفتاح العربية من الساعة 11 صباحا والعربية ماتحركتش من تحت المكتب قبل الساعة 3 العصر ياعنيماخدتش شغل تلات ساعات على بعض.
أنا: عاطف (لاحظ إني مافيش عم بقى خلاص) آخر الكلام تاخد 500 دلوقتي ولا تحب تراجع المحاسب في المكتب لما ياخدلك موافقة على التصليح وتناقش المبلغ ويوافقوا عليه وتستنى شيك تاخده كمان إسبوع.
ملحوظة تاني: إذا كان هوا عمل فيها مصري فا أنا لازم أثبتله إني أكتر منه وطنية.
عاطف: ياهندسة الي تشوفه بس دا ماكانشي إتفاقنا أ،ا دافع فلوس للحاجة الي ركبت دي.
أنا: وبدون أي ذرة تأنيب ضمير لأني عارف إنه بيشتغلني لا ياعام وأنا مايرضينيش آدي 500 درهم بمصنعيتك وآدي 50 درهم للواد شاي ولو مش عاجبك تعالى نروح نخلع الي إنتا ركبته وأنا عايزها بايظة.
وبصيت بصة سريعة كدة على العربية بطرف عيني لقيتها هتعيط قومت غامزلها فهمت.
عاطف: تمام ياباشا كل الي يجي منك زي الفل عاجباك العربية ياباشا.
أي أي أي (هنا حسيت إني لسة مدحوك عليا وقولت ياربي كنت رجعت في الشاي بتاع الواد دا) بس يلا الله يباركله فيهم والحمد لله إنها جت على قد كدة.
أنا: تمام ياعم عاطف (رجعنا تاني نقوله ياعم) الله ينور عليك وماتنساش تعدي على المكتب تسيب فاتورة بالمبلغ إجمالي علشان أحاسبهم عليه.
وتوتة توتة خلصت الحدوتة ونزل الستار ورجعت زوبة لقواعدها سليمة معافاه.
: CONGRA~238:
زوبة.
مع إنها مش عربيتي الأساسية بس فيه بينا عشرة وشمس وحر ومشاوير وياما شالتني في أزمات لما كانت عربيتي بتبقى عطلانة.