شارك برأيك.. هل توجد حقا سيارة "حريمي" وأخرى "رجالي"؟

[islam_galal]

أنا مع رأي حازم بك شاهين
الزوق هو الفيصل في شراء السيارة للسيدات ، يعني أهم حاجة إنها تكون حلوة من وجهة نظرها و عادة حلوة ببترجم للشكل الخارجي و اللون لأن معظم استخدام السيدات للسيارات في مصر كصالون فقط و شكل اجتماعي

أما الرأي القائل أن السيدات بيحيوا العربية تكون صغيرة عشان تحافظ عليها ، فمعظم سيارات السيدات لا تمتد لها يد النظافة و الاصلاح إلا للأساسيات (عشان تمشي بس)

هو طبعا الحجة الأساسية تجنب التعامل مع الصنايعية ، لكن الحقيقة علشان في واحد طيب حيصلح و احتمال يدفع كمان (سامعني يا أحمد يا طيب )

[فادى]

أعتقد ان السيدات بينقسموا لاتجاهين,
نسبة منهم بتفضل السيارة الصغيرة و الأنيقة سهلة القيادة,
و نسبة أخرى بتتجه الى السيارات الكبيرة الحجم و ضخمة القياس و دى لاحظتها كتير, مش عارف هل هى عقدة نقص مثلا؟!
فى مصر فان هناك سيارات رجالية بامتياز زى الشاهين مثلا, و التى تنفرد بشكل و طريقة قيادة رجولية للغاية, و تحتاج الى مجهود أكبر فى القيادة من معظم السيارات الاخرى (حتى القديمة منها),و هى السيارة التى تكرهها النساء دائما, و فى المقابل هناك سيارات نسائية بامتياز مثل الجيتز و البيكانتو و السبارك و السى3, و كلها تتميز فى صغر الحجم و سهولة القيادة و السعر المعقول.
و لا يوجد فى مصر ظاهرة تفضيل النساء لسيارات الSUV ليس لأن سيدات مصر لا يحبونها, بل لأنها فى العادة تكون مرتفعة الثمن فى بلادنا.

[AHMEDCAR]

المشاركة الأصلية كتبت بواسطة islam_galal هو طبعا الحجة الأساسية تجنب التعامل مع الصنايعية ، لكن الحقيقة علشان في واحد طيب حيصلح و احتمال يدفع كمان (سامعني يا أحمد يا طيب )

اه و الله جيت على الجرح فعلا انا بدفع من جيبى بس بحاسبهم بعد كده المهم هاخد حسابى امتى لما يقبضوا كل اول شهر

و الله سعات كتير بدفع و يقولولى لما نقبض هاندفع ليه هيه جمعيه هههههههه

بس احب اقول فى ستات بيسوقوا احسن من رجاله و دى قله قليله جدا جدا جدا ممكن لو شفنها نقول فى معجزه حصلت بجد

و انا فعلا لما بكون ماشى وراء عربيه بعرف اللى سايقها راجل ولا ست من الطريقه على طول

برضو العربيه مهمه جدا للست العمليه اللى محتجاها لشغلها و للاولاد

يعنى انا مستحمل اللى بيحصل فيا لانها بجد شايله بلاوى كتير منها الاولاد اللى بيروحوا الحضانه و شغلها و حاجات تانيه كتير

محدش يقولى اخوك فين اخويا الله يكون فى عونه مفحوت فحت ازلى ربنا معاه

[bostato]

اظن ان حضرتك فسرت كويس اوي تفضيل معظم السيدات لموديلات معينه من السيارات
وده لخوفهم وحذرهم وبالتالي بيشوفوا الحجم الصغير وبردو الهاتشباك والعربيات الي كابوتها صغير دي الماتريكس مثلا عشان متتعبهمش في الركن وابعادها سهله
بس انا متهيألي ان اكتر من 80% من السيدات الي بيسوقو ,سواقتهم على قدها اوي ,الا من رحم ربي
وانا بصراحه ببعد عنهم عشان ديما بيرموا على الي جميهم من غير ما يبصو
وانا بعتذر لكل الستات الي بيعرفو يسوقو طبعا
لأن فيه ستات بتسوق بمهاره عاليه اوي وبيحبوا كمان ال4*4
وانا شفت بعيني

[mahmoudnada80]

موضوع جميل واحب اشكر صاحبه
اعتقد ان جميع الاراء متقاربه يعني لما تشوف انسه جميله راكبه 504 تحس اني في حاجه غلط ومش عارف ايه هيه
ونفس الكلام لما تشوف العربيه النسائيه الاولي في مصر الماروتي راكبها راجل كبير تحس اني في حاجه غلط
او عربيه روشه ولونها بمبي وراكبها واحد لابس جلابيه برده في حاجه خلط
انا راي ان في عربيه حريمي وشبابي ولكبار السن برده