عاوز اسافر الغردقه بعد العيد ... حد يفيدنى !!!

[sherifabden]

المشاركة الأصلية كتبت بواسطة Felefel Ahmed السلام عليكم طريق القاهره - الغردقه من امتع الطرق فى مصر (انا بسافر عليه مره كل شهر تقريبا بروح اأنتخ) نمسك كل حاجه بالترتيب والتفصيل (هتكلم علي السفر عموما وبعدين افصصلك الطريق مطب مطب) 1) تجهيزات العربيه (المفروض تعمل كده بدون سفر حتى) - ظبط زوايا - اعمل ترصيص (للأربع فرد) - يفضل كاوتش مش ممسوح - تتأكد من التيل سليم مش مصفر - الزيوت وميه العربيه - سيور العربيه مش بيظيين - التكييف تمام 2) تجهيزات الخاصه (للي عايز راحه بال) - منفاخ كاوتش كهرباء (ب 200 جنيه) علشان لو فرده نامت فى الصحراء زود وأمشي متنزلش الشنط فى الشارع وأستبن ومفتاح وخنقه) مجرد حط الفيشه فى الولاعه وأنفخ العجله وأمشي لأقرب بنزينه - كورييك تمساح (ب 125 جنيه) - كشاف اناره للرأس (استيك وفيه لمبه بيتلبس علي الرأس)محدش يضمن الليل (ب 25 جنيه) - مفتاح صليبه (يا رييت محدش يشتري المفتاخ أللي فيه بنط لحام مسامير) (ب 25 جنيه) - حبه مفكات و عده لزوم الطوارء نمسك الطريق طبعا فولت عربيتك -المرحله الأولى الي العين السخنه - أول الطريق من القطاميه الدائري بعد كرفور المعادي بشويه(القطاميه - العين السخنه) الطريق من أوله حتي العين السخنه 119 كيلومتر - السرعه علي الطريق الرسميه 120 ك/س - الطريق بعد الكارته (محطه التحصيل) بيصوب فى طريق الغردقه - السويس - بتلاقى كمين قبل منطقه الجبال (اول العين السخنه) تهدي جدا ولو منور النور تطفيه لأن ديه مخالفه فى القانون - المرحله الثانيه (داخل العين السخنه الي الزعفرانه) - هنا الطريق هيكون من غير فاصل بين الأتجاهين - الطريق 84 كيلو 3/4 طريق جبلي - طول ما انت سايق (البحر علي شمالك والجبل علي يمينك) - الطريق كله منحنيات وفيه اربعه ملنحنيات اكثر من 90 درجه - متحاولش تجري علشان انت اول مره - وأنت سايق حتلاقى البحر حصيره و 80 % هتشوف سرب دولفين في البحر - بعد ما الجبال تخلص هتشوف مسطح مهول من طواحين الهواء (منظر يحسسك انك بره مصر) متدقش ان نصهم بايظ - طبعا طول ما انت سايق سواء صبح او ليل لازم اشاراتك شغاله مع اتجاهك - يفضل اول مره تركب ورا عربيه تانيه ويكون الصبح - بعد بورتو السخنه هدي اكتر مع المرتفعات علشان فيه تعريج بسيط فى الأسفلت مع النزله متقلقش الطريق ممتع جدا لو بتسوق بعقلك ثالثا وصلنا الزعفرانه خلي بالك الطريق بيرجع اتجاهين عادي (اوعي تكمل طوالي فى المخالف) - هتلاقي كمين تاني - فيه بنزينه وريست علشان الحمام والأولاد وكده - كوب القهوه ب 7 جنيه والحمام ب جنيه - متنساش تحط بنزين (متضمنش فى راس غارب تلاقى أو لأ) رابعا الزعفرانه - راس غارب - الغردقه السرعه علي الطريق 110 ك/س المسافه حوالي 250 كيلو متر هنا الطريق تحفه وحته واده فى راس غارب بس فيه كمين و3 بنزينات طبعا فيه رادار قبل راس غارب ب 35 كيلو وواحد بعديها ب 20 كيلو توصل لكمين الغردقه (تعرف انك تهت خلاص)

: Wkiss5:

[alaaeldeinm]

المشاركة الأصلية كتبت بواسطة Hisham.Elgazzar طريق القطامية -العين السخنة وبعدين على طريق الغردقة الزعفرانة عند العين السخنة لازم تهدئ السرعة طريق الغردقة كويس ونضيف لكن اتأكد من الكاوتش والإستبن الغردقة جميلة والممشى السياحى تحفة ، وفى هناك شواطئ وكورنيش تحفة بالليل الأسعار معقولة مش كلها سياحى رحلة سعيدة وموفق بإذن الله

ياباشا الله يكرمك ومتشكر جدا على مجهودك

[alaaeldeinm]

المشاركة الأصلية كتبت بواسطة aimooo انا كمان ان شاء الله مسافر الغردقه بعد العيد بأسبوع وانا ساكن من الجيزه وطبعا سألت ناس كتير سافرو الغردقه قريب علشان انا مروحتش بعد الثوره الطريق بيقولو امان الحمد لله وانا هسافر ان شاء الله بعد الفجر من القطاميه للعين السخنه حوالي 90 كيلو وبعد كده من السخنه للزعفرانه بس خلي بالك متحاولش تزود عن 80 كم علشان من السخنه للزعفرانه طريق مزدوج وكله ملفات بعد كده الطريق من الزعفرانه لحد الغردقه جميل مفرد حوالي 250 كيلو وياريت تريح في بنزينة وطنيه اللي في الزعفرانه وبعد كده تكمل والغردقه جميله جدا وخصوصا الممشي السياحي وطريق المنتجعات بس الخوف يكون الجو يكون حر هناك بعد العيد ولو عاوز تحجز في مكان ابعتلي علي الخاص وانا اقولك وياريت يكون معاك جركن مياه وجركن بنزين علشان الطريق من القطاميه للسخنه مش فيه بنزينه ولازم تفول في الزعفرانه

ياباشا انشاء الله اجازة سعيده انشاء الله و باذن الله يكون الجو حلو
انا نازل هناك ف شقه بتاع واحد صاحبى
وهو قالى انه هيظبطلى ف فندق هو شغال فيه بحيث انى اقضى اليوم كله هناك باسعار كويسه خدمه منه يعنى

[alaaeldeinm]

المشاركة الأصلية كتبت بواسطة aimooo لو حابب ممكن ابعتلك علي الخاص اقولك ان مسافر امتي ولو حابب ممكن نتقابل علي الطريق ونروح مع بعض لحد الغردقه وبعد كده كل واحد مع نفسه وياريت تعرفنا عربيتك نوعها ايه

انشاء الله هسافر اول اسبوع فى شهر 9
انا عربيتى لانوس 2006 بس انا بفكر اسافر بعربيه والدى
هى كريستاله 99 بحس انها أأمن ف السفر
لو حضرتك هتسافر ف نفس التوقيت يارت نتقابل و تكون فرصه كويسه نسافر سوا ونس على الطريق

[alaaeldeinm]

المشاركة الأصلية كتبت بواسطة Felefel Ahmed السلام عليكم طريق القاهره - الغردقه من امتع الطرق فى مصر (انا بسافر عليه مره كل شهر تقريبا بروح اأنتخ) نمسك كل حاجه بالترتيب والتفصيل (هتكلم علي السفر عموما وبعدين افصصلك الطريق مطب مطب) 1) تجهيزات العربيه (المفروض تعمل كده بدون سفر حتى) - ظبط زوايا - اعمل ترصيص (للأربع فرد) - يفضل كاوتش مش ممسوح - تتأكد من التيل سليم مش مصفر - الزيوت وميه العربيه - سيور العربيه مش بيظيين - التكييف تمام 2) تجهيزات الخاصه (للي عايز راحه بال) - منفاخ كاوتش كهرباء (ب 200 جنيه) علشان لو فرده نامت فى الصحراء زود وأمشي متنزلش الشنط فى الشارع وأستبن ومفتاح وخنقه) مجرد حط الفيشه فى الولاعه وأنفخ العجله وأمشي لأقرب بنزينه - كورييك تمساح (ب 125 جنيه) - كشاف اناره للرأس (استيك وفيه لمبه بيتلبس علي الرأس)محدش يضمن الليل (ب 25 جنيه) - مفتاح صليبه (يا رييت محدش يشتري المفتاخ أللي فيه بنط لحام مسامير) (ب 25 جنيه) - حبه مفكات و عده لزوم الطوارء نمسك الطريق طبعا فولت عربيتك -المرحله الأولى الي العين السخنه - أول الطريق من القطاميه الدائري بعد كرفور المعادي بشويه(القطاميه - العين السخنه) الطريق من أوله حتي العين السخنه 119 كيلومتر - السرعه علي الطريق الرسميه 120 ك/س - الطريق بعد الكارته (محطه التحصيل) بيصوب فى طريق الغردقه - السويس - بتلاقى كمين قبل منطقه الجبال (اول العين السخنه) تهدي جدا ولو منور النور تطفيه لأن ديه مخالفه فى القانون - المرحله الثانيه (داخل العين السخنه الي الزعفرانه) - هنا الطريق هيكون من غير فاصل بين الأتجاهين - الطريق 84 كيلو 3/4 طريق جبلي - طول ما انت سايق (البحر علي شمالك والجبل علي يمينك) - الطريق كله منحنيات وفيه اربعه ملنحنيات اكثر من 90 درجه - متحاولش تجري علشان انت اول مره - وأنت سايق حتلاقى البحر حصيره و 80 % هتشوف سرب دولفين في البحر - بعد ما الجبال تخلص هتشوف مسطح مهول من طواحين الهواء (منظر يحسسك انك بره مصر) متدقش ان نصهم بايظ - طبعا طول ما انت سايق سواء صبح او ليل لازم اشاراتك شغاله مع اتجاهك - يفضل اول مره تركب ورا عربيه تانيه ويكون الصبح - بعد بورتو السخنه هدي اكتر مع المرتفعات علشان فيه تعريج بسيط فى الأسفلت مع النزله متقلقش الطريق ممتع جدا لو بتسوق بعقلك ثالثا وصلنا الزعفرانه خلي بالك الطريق بيرجع اتجاهين عادي (اوعي تكمل طوالي فى المخالف) - هتلاقي كمين تاني - فيه بنزينه وريست علشان الحمام والأولاد وكده - كوب القهوه ب 7 جنيه والحمام ب جنيه - متنساش تحط بنزين (متضمنش فى راس غارب تلاقى أو لأ) رابعا الزعفرانه - راس غارب - الغردقه السرعه علي الطريق 110 ك/س المسافه حوالي 250 كيلو متر هنا الطريق تحفه وحته واده فى راس غارب بس فيه كمين و3 بنزينات طبعا فيه رادار قبل راس غارب ب 35 كيلو وواحد بعديها ب 20 كيلو توصل لكمين الغردقه (تعرف انك تهت خلاص)

ياباشا و الله نت كده عملت احلى واجب فعلا
حاسس انى رحت هناك 0 مرات بس مش مقلقنى غير التوهان اللى ف الاخر ده
جزاكم الله خير و دعواتك