هل الكورى أصبح منافس قوى لليابانى

[fineart607]

هو مناسف شرس وخاصة فرق السعر مع نفس مستوى التصميم والخامات والجودة

[HaMaDa-ToUBaR]

المشاركة الأصلية كتبت بواسطة Jubaa بجد بيعجبني اوووي فكر حضرتك يا استاذنا تقبل خالص تحياتي

يابشا من بعض ما عندكم ... انت خيرك عليا وتسلملى يا صديقى العزيز ع ردك الجميل دة

[محمود سامى محمود]

أنا معاكو طبعا إن اليابانى شركات كتير .. تويوتا و متسوبيشي و هوندا و لاكزس و سوزوكى و نيسان .. بينما الكورى يعتبر محصور بين شركتين فقط هيونداى و كيا .. عشان كده المقارنة لازم تكون منطقية .. يعنى ما نقارنش سيارة suv يابانى مع سيدان كورى .. خلينا نقارن بين السيارات اللى احنا بنستخدمها و تنفعنا .. مثلا لانسر مع سيراتو .. كورولا مع النترا .. ريو مع التيدا مع ملاحظة فروق الأسعار و الامكانيات اللى بتتمتع بيها كل سيارة ... و خدمة وكيلها و قطع غيارها و إعادة بيعها .. و بعدين شوف الكورى فعلا نافس اليابانى ولا لا .. أنا من وجهة نظرى الكورى قرب جدا للتفوق على اليابانى .. تحياتى

[hanysgf]

الكوري بينافس الياباني في التصميم و السعر و رخص سعر الصيانه
لكن الياباني بيتفوق بمراحل في
الجوده
و تحمل العربيه
و العمر الافتراضي للعربيه
و للقطع الغيار نفسها
و ثبات العربيات
و نظام التعليق
و المحركات
و اهتمام الشركه بوسائل الامان
و جوده المكونات الداخليه للعربيه نفسها المواد المعمول منها التبلو
و الكسوه
و لو الياباني بيتباع بنفس سعر الكوري لنفس الفئه و الكماليات
محدش هيشتري الكوري
مش معني كده ان الكوري مش كويس الكوري كل شويه بيتقدم وممكن بعد كام سنه الكوري يبقي احسن
و بصراحه سعر العربيات الياباني في مصر مبالغ فيه جدا
و العربيات الكوري كانت معقوله قبل السنه ديت و مش عارف ايه الحصل في الاسعار السنه ديت
تقدر تقول جنون الاسعار

[AbOnOrA]

اولا كمنافسة طبعا وبلا شك الكورى عموماً بينافس اليابانى عموماً
بل ان عربيات هيونداى تحديداً يتقارن فى الصحافة العالمية المتخصصة وفى الاسواق الامريكية والاوروبية بالسيفيك والكرولا وبتتفوق عليهم كمان

وحتى فيما يخص الاعتمادية الالنترا القديمة اعتماديتها اعلى من الكرولا الشكل الحالى وتقرب الى اعتمادية الكرولا القديمة ( الدبة) ويمكن فعلا احتلت مكانها فى السوق المصرى ده واقع

والشاهد ان الاسواق الكبرى زى امريكا واوروبا والخليج ومصر حتى حطت السيارات الكورية فى موضوع منافسه حقيقى مع اليابانى
وادينا شايفين اسعار الالنترا الجديدة اهوه مقارنة بالعربيات اليابانى فى نفس الفئه والناس بتشتريها وبشراهه

من ناحية تانية لو حسبناها بموضوعية هنلاقى ان اليابانى فى مصر بقى درجات زى ما الكورى درجات
اولا الكورى فيه مجمع محليا زى الانوس والبرايد والفيرنا والافيو
لو قارنا العربيات دول بعربيات يابانى زى التويوتا ايكو والتيوتا ستارليت هتلاقى ان البرايد والانوس متوفقة عليهم فعلا وهتلاقى النيو اكسنت متفوقة عل الهوندا سيتى والمتسوبيشى الكولت والمازدا 2 والتيوتا ياريس

وفيه كورى مستورد زى والالنترا والسيراتو
ودول برضو مبياعاتهم تجاوزت مبيعات الانسر والتويوتا والسيفيك

فهل بعد كل ده لسه فيه شك فى اهلية السيارات الكورية لمنافسة اليابانية !!!

قولو بس يارب العربيات اليابانى تنجو من شراسة منافسة نظيراتها الكورية
وان كنت شايف فى رائى الشخصى ان اليابانى بقى اختيار الغاوى فقط
يعنى واحد غاوى سيفيك غاوى مازدا ثرى غاوى امبيريزا فقط
لكن الخيار التقليدى والافتراضى للمستهلك المصرى بقى الكورى فعلاً