مشكلة في فرامل الماتركس.....بدوس جامد والعربية بتزحلق ولا كأني دايس

[Badr Salah]

السلام عليكم اعضاء المنتدى الكرام

الحمد لله المشكلة اتحلت على ايد متخصص فرامل ابن حلال

طبعاً المشكلة مطلعتش في الماستر خالص ولا ليها علاقة بالزيت


واحد صحبي عنده ورشة اخدني لورشة متخصصة في الفرامل والسيرفو

الصنيعي طلع معايا يجرب العربية ولاقى اللي انا بقوله مظبوط العربية بتمسك فرامل كويس على السرعات العالية بس لما ابقة ماشي براحة في الزحمة واجي ادوس الاقي دواسة الفرامل حجرت تحت رجلية والعربية بتزحلق ولا كأني دايس فرامل.

المهم قلي ده عيب المانافول مبيطلعش ضغط هوا كويس للسيرفو علشان ممكن يكون فيه بلف ضعيف


المهم فتحنا الكبوت وشال الخرطوم اللي بيدخل هوا من المانافول ورايح للسيرفو لقى فعلاً الضغط ضعيف جداً وهو بيركبه تاني طلع الخرطوم مقطوع من النص وبيسرب الهوا

راح مغيرة بخرطوم تاني واطلع جرب يا استاذ بقة العربية زي الفل والحمد لله

والراجل مرضيش ياخد فلوس خالص واتحيلت علية مرضيش

وهو ده السبب الخرطوم المقطوع بيسرب الهوا اللي داخل للسيرفوا علشان كده على السرعات البطيئة للعربية مفيش هوا بيدخل للسيرفوا يقوم البدال يحجر والفرامل متمسكش كويس


ارجو ان اكون افدتكم ولكم كل التقدير

[محمدصلاح القاضى]

بس معنى كلامك كدا
ان المكنه مبرجله ع طول
ومع الدوسه الجامده لازم العربيه تطفى

[Badr Salah]

مفيش اي برجلة في المكنة

الخرطوم اللي بيدخل هوا للسيرفو كان مقطوع وبيسرب هوا والسرفوا في السرعات البطئية بيحتاج ضغط هوا جامد علشان يمسك كويس

بس مفيش اي برجلة في المكنه ولا حاجة لأن على السرعات العالية ضغط الهوا بيكون شديد وبيعوض اللي بيتسرب علشان كده العربية بتمسك كويس على السرعات العالية

[محمدصلاح القاضى]

ياباشا
لو فى تفيس بسيط فى دوره هوا الفرامل ( الخرطوم الواصل بين المانفو والسيرفو )
لازم المكنه تبرجل على الاقل ومع كبسه الفرامل الجامد تطفى
حتى اسأل اى حد ؟؟؟؟؟؟

[Badr Salah]

الحمد لله المكنة مكنتش بتبرجل


وبعد تغيير الخرطوم المشكلة اتحلت واختفت خالص شكرا لأهتمامك