هل الافضل 128 ام 125

[m_aist]

اشكركم يا جماعة على سرعة الرد اشكرك يا ابوحسام على ردك وانت كمان يا ابوسلامة انا بصراحة لسة محتار ...طيب ايه يا جماعة مميزات وعيوب 125 وعيوب 128 برضو؟ وشكرا
وشكر خاص ليك يا ابو سلامة على دعاءك لى ان ربنا يهدينى للاصلح ويارب يكرمك يارب

[حسام البورسعيدى]

انصحك طبعا بـ 128 قطع غيارها منتشرة ورخيصة جدا .. حجمها كويس وسواقتها خفيفة وسهله .. سهله جدا ومطلوبة عند اعاده بيعها (وممكن تكسب فيها كمان) ..

[didos]

بص يا باشا انا كان معايا 125 وعلى الرغم من عشقى لها وكرهى ل 128 الا ان 128 افضل لان ال 125 مشاكلها كتير ومصاريفها كتير وفى نفس الوقت لازم تخسر فى بيعها غير ال128 اللى الناس بتحبها يعنى مثلا الات الجر بتاعة ال 125 بعد الموتور
300 عمود كردان +1000 كرونة استعمال = 1300
انما 128 200 جنيه جوز كبالن وعيش وقيس على الباقى غير ان اى شغل بيبان فيها
انا عن نفسى لو مكانك اجيب حاجة لادا 1200 او 1500 سعرها من 6 ل 8 الاف لو كانت تاكسى ومن 8 ل 12 لو ملاكى ممكن تجيب حاجة ب 9 وتخلى الالفين الباقى للمصاريف بتاعتها

[m_aist]

شكرا شكرا شكرا بجد يا ديدوس لان اللى جرب افضل واحد ينصحك وبما انك جربت 125 فان كلامك يبقى له وزنه عندى وبرضو بشكرك على نصيحة اللادا بس اللادا انا باسمع انها بتسخن وان اصلها 124 يعنى اللى يشترى124 كانه جاب لادا واعرف ان 124 مش بتسخن معلش ممكن اسألك هل بتسخن فعلا ولا لأ وايه عيوب اللادا يا ديدوس باشا . وبجد شكرا على النصيحة
اما انت يا حسام باشا اولا الف مبروك على افتتاح مقهى مصر موتورز لصاحبه المعلم حسام البورسعيدى
ثانيا بجد بشكرك على النصيحة الغالية لانها ترجح كافة 128

[didos]

المشاركة الأصلية كتبت بواسطة m_aist شكرا شكرا شكرا بجد يا ديدوس لان اللى جرب افضل واحد ينصحك وبما انك جربت 125 فان كلامك يبقى له وزنه عندى وبرضو بشكرك على نصيحة اللادا بس اللادا انا باسمع انها بتسخن وان اصلها 124 يعنى اللى يشترى124 كانه جاب لادا واعرف ان 124 مش بتسخن معلش ممكن اسألك هل بتسخن فعلا ولا لأ وايه عيوب اللادا يا ديدوس باشا . وبجد شكرا على النصيحة اما انت يا حسام باشا اولا الف مبروك على افتتاح مقهى مصر موتورز لصاحبه المعلم حسام البورسعيدى ثانيا بجد بشكرك على النصيحة الغالية لانها ترجح كافة 128

موضوع ان اللادا بتسخن ده اى ميكانيكى شاطر يظبطهولك ماهى قدامك شغالة تاكسى 24 ساعة ماقالتش اى اما عن عيوب صناعة اساسية فى العربية مفيش غير موضوع ان البيض بيملص والموضوع ده انا بسمع عنه بس عمرى ما شوفته ولو انت بتتابع العفشة عمرها ما تحصل معاك انما الكلام ده مع واحد بقاله سنة معملش حاجة فيها انا عن نفسى كل شهر كنت بروح لظبط الزوايا واشوف لو فيه اى شغل فى العربية اعمله
باقى العيوب غير مؤثرة يعنى مثلا صوت الموتور وحش او الدركسيون تقيل والكلام ده و نصيحة بلاش 124 خليك فى اللادا لاسباب كتير منها انها احدث وبعدين لو جيت تسقط موتور لل124 بقيت مجبر تجيب موتور من سنه 1980 استيراد انما اللادا ممكن تركب موتور 2005
اما عيوب ال128 الاساسية ان الشاسيه ضعيف بيتشرخ وان الكبالن بتبوظ كتير بس سواقتها انعم وادائها اعلى
انا عن نفسى ارجح اللادا