العربيه بتعوم بعد تغيير الركبه

[AMMI]

المشاركة الأصلية كتبت بواسطة صقرمصر اخي العزيز سيد في ركبتين واحده شمال وواحده يمين دول ماسكيين في جسم العربيه من تحت وراكب فيهم المقاصات وجلد الميزان ومنهم للعجل الامامي وكل ده ماسك في الاسقطره الا بتتحكم فيها من خلال الدركسيون يمين وشمال فلو هناك جلد متاكل بتلاقي العربيه بتعوم معاك اخوك في الله صقر:140109~34 7:

انا حاولت اجيب صوره لعربيه فيات وحددت دائره على مكان الركبه الشمال والركبه اليمين
يعنى لو فتحت الكبوت وبصيت من يمين الريداتير هتشوفها
http://www.m5zn.com/uploads3/2012/4/...daqatsudn8.jpg

[samirayad]

غيرت ركبة العربيه الشمال بركبه جديده والعربيه بتعوم وانا ماشى جامد.

هل مساعد الركبه الجديده دى جديد برضه ولا المساعد القديم

لو كله جديد فى جديد

يبقى هتحتاج تغير مساعد الركبه اليمين

بمساعد جديد برضه

[AMMI]

المشاركة الأصلية كتبت بواسطة samirayad هل مساعد الركبه الجديده دى جديد برضه ولا المساعد القديم لو كله جديد فى جديد يبقى هتحتاج تغير مساعد الركبه اليمين بمساعد جديد برضه

شكراً يا باشمهندس سمير على تشريفك بالموضوع
المساعدين الاتنين قدام وانا عديت تانى يوم على عفشجى لقى ان كاوتشة الميزان مش موجوده فى مكانها ولقى جلبة المقص الشمال متاكله وغيرها.

[AMMI]

للأسف العربيه رجعت تعوم تانى

بعد ما الميكانيكى ربط على كاوتشة الميزان العربيه ظبطت لمدة يومين فقط ثم عاد التعويم مره اخرى

المشكله من الاول كالتالى ان كان فيه شرخ فى الركبه وانا معرفش وطبعا ادى ذلك الى ان نقشة الكاوتش الامامى من الجهه الداخليه اتمسحت تماما ( يعنى لو افترضنا ان عرض فردة الكاوتش 15 سم فان 5 سم من نقشة الكاوتش اتمسحت - ده بالنسبه للفردين الاماميين ) وبعدين لما انكسرت الركبه اشتريت ركبه جديده والسمكرى ركبها
دلوقتى طول ما انا ماشى العربيه تحدف مره يمين ومره شمال. الملاحظه الغربيه ان وانا ماشى برضه لما بشيل رجلى من على البنزين علشان انقل السرعه سواء لاعلى او لاقل العربيه تحدف ناحية الشمال.
هل ممكن يكون سبب ذلك علبة الدركسيون ام ماذا.
وجزاكم الله خيرا

[samirayad]

تقريبا عندك الشاسيه فاتح من عند البطاحات

وهتحتاج التشييك على شروخ من عند منطقة البطاحات

ويتلم الشاسيه وتركبك زراع أفقى بين الركبتين الأماميتين

بعد ضبط زوايا السياره الأماميه بأنواعها