استهلاك بنزين بقي عالي قوي يعني ماشي مشوار من الفيوم الي الجيزة حوالي 90. كيلو أخذت نصف التنك إلا شرطها
العربيه آخرها 160 كليو في ساعة لمبه التشيك تنور مني
|
تعمل سكان تانى عند حد تانى لان الاولانى اللى قاللك العربية تمام لسبب ما معرفش يستخدم السكان صح او معرفش يقراه يا انت روحتله قبل اللمبة ما تنور اول مرة
بلاقي زيت عند الكرسي بتاعي بعلم ان غيرت حاجه كده 10 جنيه عند بتاع العفشه*
|
عند الكرسى !! ؟
متقدرش تحدد جاى منين ؟
لانه غاليا جاى من علبة الباور و لو كده فعلا حتحتاج تغير اويل سيل علبة الدركسيون
لما بكون وأخذ معايا ناس كتير بسمع صوت تزيقها في الخلف الشمال*
|
لو مش عالى اوى مش مشكلة و يفضل تروح لعفشجى كويس يحدد سبب الصوت
العربية في الفترة الاخيرة لما بكون ماشي فوق 100 بلاقي راعشة بالعلم لسه عامل ترصيص عند غطاطي بتاع فيصل
صحيح العربية كانت به تحديف مني يمين روحت ليه بتاع العفشة قال ليه الزوايا تمام أنتا رصص كويس لما رصصت العربية بقت بتحديف شمال*
|
بالنسبة للرعشة يا فى جنط معوج و محتاج استعدال يا الكاوتش فيه عالى و واطى
بالنسبة للحدف هل بتحس ان الدركسيون عايز يلف و تضطر تمسكه جامد و لا الكلام ده لما تسيبه
و هل دايما لما تسيبه تحدف شمال و لا ساعات يمين ؟ لو ساعات شمال و ساعات يمين يبقى العربية مفيهاش حاجة
الفيتيس بيعلق معايا ع الاول او لما ارجع ليه الخلف*
|
طبيعى فى اللانوس الاول بيعلق بالاخص لو كنت ماشى و هديت لكن لو بطيىء قوى او كنت واقف بيجى نوعا ما سهل
المارشيدير فى كل الماركات ساعات يعلق ساعتها شيل رجلك خالص من الدبرياج و ارجع دوس تانى
طبعا الكل عارف ان فرامل العربية زباله عايز اعدل فيها اعمل ايه*
|
فى ناس بتغير لطنابير نوبيرا و فرامل و ماستر و سيرفو نوبيرا
أنا بحط زيت موبيل وان 3000 لو في زيت أحسن برجاء النصيحة*
|
تقصد موبيل xhp ؟
عن نفسى بحط شيل هيلكس الترا و بغيره على 20 الف بس المهم المتابعة و التزويد عند الضرورة
مش حقولك اعمل زيى بس ممكن لو زيت تخليقى محترم المفروض على الاقل يقعد 15 الف
صحيح الافضل أحط بنزين 90 ولا 92 أنا حاليه بحط 92
|
92
أحسن زيت ليه فيتيس ايه
|
انت عايز تغيير زيت الفتيس ليه ؟ و لا عايز تزود ؟
أنا غيرت فلتر هوا - بنزين- بوجيهات السلك بتاعها - طقم رشاشات عند 100000الف - كوتش*
عملت تشيك ع العربية ع كمبيوتر قال العربية سليمه
|
بما ان الكاوتش جديد يبقى تشك اكتر ان الجنوط معوجة عشان كده بترعش بالرغم من الترصيص و احتمال تانى ان ممكن الطنابير فيها مشكلة