عايز اركب انذار لل 516

[mrm200000]

انا ركبت انذار ولف كان سعره 150 جنيه
والكهربائي اخد 70 جنيه بالظبط
وكل حاجه تمام التمام

[mr_astra]

بصراحة ما انصحكش تركبة فى ال 516
العربية فيها سنتر كويس وانذار ضد السرقة بس صوت الساريتة هو اللى واطى ....يبقى تجيب سارينة فقط ب20 جنية وتركبها مكان السارينة الاصلية .....يبقى كدة ملعبناش فى حاجة واخت اللى انت عاوزة كمان مش معقول هاتمش بمفتاحين او ريموتين

[mwm1020]

مشكله الانذار اللي في العربية انة مفيش فية حساس حركة يعني هو ع دوارة العربية وفتح الباب انما مش ضد السرقة ولا حاجة يعني ممكن اي حد يكسر زجاج اي باب ويدخل العربية ويفك اللي هو عايزة ويفتح الكبوت ويفصل البطارية والانذار ولا هيقول اي حاجة لانةمفيش فية سينسور حركة اصلا زي ماقلت بس خوفي ان تركيب الانذار الجديد يأثر علي كمبيوتر العربية

[mohamed elghzaly]

mwm1020 مع احترامى الكامل لو انت مشغل الانذار بالريموت الاصلى لو تم فتح الكبوت الانذار يشتغل لو فتح الشنطه الانذار يشتغل لو فتح الباب الانذار يشتغل غير كدا العربيه مش حيعرف يدورها لو وقف على دماغه الا بمفتاحها الاصلى عشان المفتاح مشفر وحتى لو دور عمر الانذار ما حيفصل الا لما يفصل الانذار بالمفتاح الاصلى اللى فيه الريموت وكمان والعربيه واقفه اللى تعملوا انك تغير السرينه اللى عامل زى الكتكوت وتجيب سرينه تانيه اعلى مش حيكلفك حاجة والعربيه معايا بقالها 6 سنين موديل 2007

[mwm1020]

يا استاذ mohamed elghzaly والله المكتوب في كتالوج العربية ومجمع علية كل الاسبرانزوية اللي زي حالتنا ان الانذار الاصلي بتاع العربية اللي راكب فيها علي الدوارة وفتح الباب والكبوت تمام زي الفل بس انا كلامي انة مفيش فية سينسور حركة يعني اي حرامي يكسر لك الزجاج ويفتح بس الكبوت ثواني يفصل البطارية ويعيش بقي يقلب العربية كلها او من غير البطارية يقلب جوة العربية براحتة