احكي عن حادثه حصلتلك...؟؟؟

[horas3000]

المشاركة الأصلية كتبت بواسطة وائل قطب الشملي الحادثة بقى طبعاسيارة بابا وقتها كانت تويوتا كامري موديل 99 وكان لسة شريها من اسبوعين وانا مهتم بيها بقى وبخاف عليها وفي يوم رايح وواحد صاحبي اسمة حسن بيغير الشريط وحط الشريط بالعكس واتحشر جوة التسجيل انا عصبت طبعا وحبيت اطلعوا وانا سايق طبعا الطريق كان مفتوح بس فجاة بقدرة الله لقيت سيارة قدامي والشارع بقى زحمة طبعا كنت بجري شوي ممكن 120 وفية اشارة حمراء ومافيش اي حل قدامي الا اني ادخل في السيارة مافيش بقى فرامل توقفها لان المسافة مش بعيدة وكمان يميني كان مشغول فقررت اني اضرب فرامل وادخل في السيارة اللي قدامي كانت اية بقة السيارة اللي قدامي سوزكي سويفت وسايقها بنت طبعا الحمد لله مش حصل لنا حاجة لا انا ولا صاحبي ولا البنت بس البنت اربكتني اتخضت وبتعيط وانا مش عارف اسكتها وكل الناس بقى كل واحد بكلمتوا وانت اللي غلطان وكدة بقى وانتم عارفين الشارع المصري المهم قولت للبنت اسكتي بقى بعصبية وهصلحها لك وطبعا انا مش عندي فلوس بالوقت ده لسة باخذ المصروف وبابا بقى كنت متوقع انه هيموتني لكن مش اتكلم ولا كلمة قال لي حمد لله على السلامة ومش شاف العربية الا لما اتصلحت طبعا كانت ضايعة من قدام فوانيس وردايتر وكابوت وزجاج المهم اتصلحت وبابا قال لي مش تركبها تاني ولا تسوقها لغاية ماتشتري لك عربية لما تشتغل ابقى اركب عربيات عاقب بقى والحمد لله من وقتها مش حصل معاي اي شي ولا حكة حتى بس حسن السبب مش هنسى له الموقف كل ماافتكر اضايق لاني وقتها كنت مفكر نفسي طيار ووقت الحادثة زعلي كله ازاي اعمل حادثة وطبعا كنت بفكر بغباء وقتها مش فاهم حاجة لسة ان السواقة حظر وعدم تسرع وهدوء بس لسة بجري ومش بحب سيارة غير المرسيدس وبس كدة وربنا يستر بقى واسف على الاطالة بس حسن السبب خليكم فاكرين وسلامتكم

حادثتك دي فكرتني باول و اخر (لله الحمد) حادثة كبيرة عملتها لان فيهم تشابة كبير
كانت بكرولا 2002 و كنا برضة لسه جايبنها مبقلناش اسبوعين و برضة كان عندي 20 سنة. سافرنا بيها الساحل و اخدت العربية و رحت اشتري حاجات من جوة القرية نفسها و في سكة العودة كان ورايا هيونداي اكسنت و فيها كام شاب و كان كابس عليا طول السكة و انا داخل الشارع الفرعي اللي فيه الشالية بقفل التكيف و نسيت ادي اشاره و كسرت عشان ادخل الشارع في نفس الوقت اللي الواد اللي في الاكسنت قرر يتطلع مني و طرااااااخ رشق في الباب الوراني. طبعا والدي سمع الخبطة من الشالية و طلعلي و اهل الشباب جم و كانت حدوتة بس نظرا لان نص الوش القدماني للاكسنت كان ادمر ابويا اتفق ان كل واحد يصلح لنفسة و دي كانت اخر مرة اسوق فيها الكرولا اللي بقيت اخاف منها و خلتني مع البيجو ال 505 الحصن المنيع بتاعي لغاية 2005

[Ahmed_lol2007]

أنا يا جماعة عندى 18 سنة الا شهرين فمش بخرح بعربية برة المنطقة كتير
المهم نزلت أنا وصاحبى من كام يوم بعربيتهم (ربنا يبعدها عننا يارب ) بونتياك فونكس أمريكى موديل 80
زى اللى فى الصورة بالظبط http://www.barraclou.com/photo/autom...ac_phoenix.jpg
ودى عليها صاج لو دخلت فى حيطة هتكسرها وتطلع من الناحية التانية ( اللهم لا حسد )
المهم أنا اللى كنت سايقها ومرة واحدة كدة وقفت أدامى حتة 504 أنا قلقت قلت أكمل ولا العربية تتخربش وابوه يعد يهزانا
المهم وقفت على جاية ( تك تك ) ورايا بسرعة جدا ( أوعى السريع ) وراح طخ فى العربية من ورا نزلت أتخانق مع سواق ال تك تك لقيت العجلة اللى من قدام فى التك تك بقت تحت الراجل اللى سايق والصاج اللى فى ال تك تك من أدام بقا زى علبة الكانز
رحت انا للراجل ( إنت يا تيت يا إبن التيت مش تحاسب ) رد عليا انا اللى احاسب الله يخرب بيوتكو بوظتو ال تك تك رحت أنا بصيت على العربية الحمد لله حتى الدهان متجرحش وصاحبى راح ضرب السواق بتاع ال تك تك وركبنا تانى ومشينا

[drsherif]

thx ya gma3a 3la elredood
w rbena yestor 3alena ya gma3a wlahe el 3azeem men shar el tare2



wait 7wades aktr ya gma3a <<<kolo ye7ky m7desh yetkesef yla>>>

[AbOnOrA]

والله يا دكتور الحوادث مفيش اكتر منها بس انا بدورلك فى دماغى على حادثة مكونش حكيتها قبل كده ptmnlo123per1127

خد عندك

كنت ماشى فى طريق المهاجرين وده بيربط بين المرج وطلعة الدائرى من ناحية مؤسسة الزكاة واللى يعرف الطريق ده هيعرف قد ايه انه طريق لعنة بكل ما تعنية الكلمة من معانى هو متسفلت بس فيه مطبات وتكسير فى اماكن متفرقة وباشكال متنوعة ده غير انه بيجمع بين عربيات ومتوسيكلات وميروباصات اجره من اول الصغيرة السوزوكى والصينى اللى معرضين الكاوتش والجنوط وطايرين دائما على الطريق للميكروباصات الكبيرة المدغدة وملهاش فوانيس ولا اكصدمات من كتر الحوادث اللى بتعملها لعربيات النقل الثقيل للبشر للتكاتك لكل شىء

وكله بيجرى وكله بيخبط فى بعضه بشكل عجيب لدرجة انك لو بتستخدم الطريق ده رايح جاى كل يوم مش هيعدى اسبوع بالكتير الا لما تعمل فيه حادثة او تشوف فيه حادثة معتبره

انا عن نفسى عارف الطريق وحافظة الى حد ما وكنت مستعجل ومش عايز اخش من عين شمس فحبيت اخده لحد حديقة بدر من وراء كده تخريمة رغم غباوه الطريق بس بتوفر زحمة جامد

وكان معايا صديق لى وكان مشوار مهم واول ما دخلت الطريق قولتله اربط حزامك انت عارف ده طريق الموت (وده كان اسمه بين اصحابى فعلا) فربط حزامة بشكل تلقائى جدا وبدأت المعركة

حتى لو انت عايز تمشى فى حالك فى الطريق ده مش هتعرف تمشى بامان لان الطريق رايح جاى وكله بيجرى وفيه اماكن تعدى عربيتين مقابلين لبعض واماكن تعدى 3 واماكن تعدى عربية واحدة بس وكله بيفتكس وكله قلبه حديد واللى خايف يركب فوق الرصيف

انا مشيت لحد نص الطريق تمام وجت حتة فاضية شوية فسرحت على الدواسة لحد 70كم وسرحت فعلا سبحان الله لحد ما لقيت اللى قدامى بمسافة بيقف جامد فاخدت شمال منة وبدأت اهدى لقيت واحد واخد شمال من اللى قدامة برضو والتلاتة بيهدو علشان فيه مطب جامد وانا مستحيل اقدر افرمل خالص قبليهم خاصة ان الارض اسفلت وعليها تراب يعنى العربية مش هتقف ابدا وهتسحف بمزاجها ممكن تاخد العربيتين اللى قدامى بالعرض

وفى لحظة اخدت القرار الافتكاسى الرهيب بانى اعدى اللى قدامى وكنت فعلا عديتة وامرق كالصاروخ من الفتحة الصغيرة اللى بين العربيتين وده معناه انى هاخد المطب على الطاير بس يارب متعملش ساندوتش بين العربيتين
وفعلا عدلت نفسى بين العربيتين وهووووووووب طيرت من فوق المطب وانا باخد غرزة اطلع بيها ديل العربية من بين العربيتين فاخدت المطب على الطاير والعربية مش عدلة بس انا كنت مش مصدق انى طلعت من بين العربيتين من غير ماسمع طاخ او بوم بس اول ما نزلت العربية من على المطب عملت خمسة بعرض الطريق للتحول مقدمة العربية للخلف وتصبح مؤخرة السيارة فى اتجاه القادم من الامام على الطريق المقابل بشكل اذهل كل من على الطريق وخلى كل الناس تفرمل على الاخر لان المنظر كان بيوحى بعربية هتتقلب فى اى لحظة

لكن العربية متقلبتش ويادوب خبطت فى الرصيف بالعجل اللى ورا ووقفت بالعكس لكن سواق تاكسى كان جاى فى المقابل مقدرش يفرمل تماما ودخل فيا من ورا بوشة

بصراحة انا نزلت مخطوف ومش مصدق انى نزلت سليم اساسا بصيت على العربية من ورا لقيتها سليمة يادوب الاكصدام الفيبر اتكسر لكن الاسنفنج اللى تحتة والكمرة الحديد شالت الصدمة

اما التاكسى الرينو فكان الوش متطبق والريداتير ركب فوق الموتور والميه غرقت الدنيا ده غير الكبوت طبعا والصدر

دفعت للراجل 300 جنية فى ساعتها (وده اكبر مبلغ تعويض دفعتة حتى الان) ومشيت وانا مبسوط وبحمد ربنا انها جت على اد كده

اهم حاجة اتعلمتها من الحادثة ديه ان الطريق مش يمين وشمال وورا وقدام وبس فيه عامل طبيعة الارض ده مهم جدا وشوية ميه او رملة او مطب او حفرة ممكن يغير اى حسبة انت عاملها مهما كانت متقنة

[amr_Sahoka2006]

والله يا جماعه انا بالنسبه للخبطات بتاعتكوا دي تبقي حادثه بسيطه بالذات لحادثه ابو نورا (يا رب احفظنا)
المهم انا عندي 18 سنه الا شهرين ولسه مش معايا رخصه المهم بمشي في المدينه بالعربيه كده زي الحراميه ولا اكني سارق العبيه مش بتاعه ابويا طبعا علشان الرخصه المهم احنا عندنا حته كده بيبقي فيها تخميس في الافراح المهم انا معدي لا بيا ولا عليا شوفت الناس اللي بتخمس فقلت ااقف اتفرج وكان معايا عربيه ابويا لانوس موديل 99 المهم طبعا كله عارف ان الواحد بيخن فقلت ادخل اوريهم نفسي كده هرفع هندايه وامشي
المهم دخلت فعلا رافع الهند وخدت خمسايه كده حلوه وماشي المهم وانا ماشي فباخد دريف علي ملف يعني دريف 180 بحيث العربيه وشها ينقلب علي الطريق التاني المهم العربيه خدعتني وجابت دريفت90 المهم اصبح جنب العربيه كله علي الطريق علي جيت واحد معاه باسات بسرعه راح راقعني في ضهر العربي و الخبطه جت في الشاسيه وكان يوم فقر جامد بس انا طبعا معرفتش ااعمل حاجه علشان الرخصه وكمان كنت انا الليغلطان بسانا ودتها لواد سمكري دمام كده تخيلوا يا جماعه انه عمل الخبطه دي علي البارد مش علي الساخن والعربيه كمان اتحطط علي زرجينه بس الحمد لله الموضوع خلص
بس هو فعلا ينفع يكون في خبطه في الشاسيه وتتعمل علي البارد؟؟؟ اصلي مش مصدق والله