مطلوب مساعدتكم شباب مصر محتار بين كم عربية وعندى كم سؤال

[عبدالله منصور]

والله ماعارف اشكرك إزاى يابوحميد انت جاوبتنى على حجات كتير اوى

بالنسبة للرخصة فأحب أقولك ربنا يبارك فيك يارب

بالنسبة للأى تن والبيكانتو انا داخلة دماغى الهيونداى ولو ان كتير بيقولى موتور الكيا بشكل عام افضل من الهيونداى

على فكرة عندنا فى المحلة تفييم الإزاز بيبقى تمام أوى وبيتكلف حوالى 50 جنيه لل 4 زجاج وفى ناس بتوصله لفوق ال 150 لاكن دا سعر واحد لسا عارفه بليل

بالنسبة للتعديلات فيارتنى فى السعودية , التعديلات هناكـ رخيصة جداً وشكلها ولا أحلى وانا واثق لو عربية معدلة على الطريقة السعودية نزلت شوارع مصر هتكون هى الاكثر تمييزاً بين العربيات كلها

اما باقى الحجات اللى ذكرتها بصراحة حاسس انى هصرف على اد تمن العربية عليها

عشان كدا هكتفى بوحدة صوت تكون تمام كدا وممكن طقم زينون متوسط

بالنسبة للرينو فعلاً عربية جميلة جداً بس مشكلتها 1600 وانا عاوز حاجة موفرة فى البنزين خصوصاً انى هسافر الكلية مثلاً يومياً بيها وهلف فى البلد فعاوز حاجة موفرة فى البنزين

والفيرنا كمان عربية جميلة وانا من عشاقها من يوم نزولها لاكن بصراحة ابتديت أمل من شكلها وبيقولوا انها خفيفة اوى وهبلة على الطريق يعنى هواء التريلات يدخلها الطريقـ المعاكسـ وربنا يستر

اما الرينو بصراحة عجبانى شكلاً وموضوعاً خصوصاً ان احد اصدقائى منزلها جديدة بقاله كم شهر


اما الصدقة وكدا فبإذن الله هتطلع بس نجيب العربية


مليون شكر ليك يابوحميد وتم تقييمك ودا اقل حاجة والله

[عبدالله منصور]

ان شاء الله هتلاقونى معاكم فى رمضان على طول

انا اصلاً عندى موقع وشركة استضافة وببيعهم حالياً لظروف الدراسة وكدا

ان شاء الله هكون متواجد معاكم بإستمرار .,

[عبدالله منصور]

المشاركة الأصلية كتبت بواسطة احمد بدر1978 وعليكم السلام ورحمة الله وبركاتة بص انا عن نفسى ارشحك الهيونداى i10 ودى سعر المانيوال 64500 كاملة فول ابشن وسعر الاتوماتيك 72500 كاملة فول ابشن وفية الفضى من غير تكييف ولا زجاج كهربا تقل 5000 سواء كانت مانيوال او اتوماتيك بالنسبة للتعديلات انا معرفش فيها ولا باسعارها حتلاقى مواضيع كتير عن التعديل الحاجة اللى حيعترض عليها المرور الزينون والفامية

تسلم يابوحميد ربنا يخليك بس اعتقد الاسعار دى غالية شوية على حسب علمى فى اقل من كدا
وخلينا فى الفول اوبشن
تستاهل التقييم يابوحميد

المشاركة الأصلية كتبت بواسطة Injection مبدأيا أنا من رأيى الأربعة ماينفعوش شاب عايز يظبط وعايز عربية جامدة, وأنا أنصحك بالفيرنا ثم ال i10 والأسعار موقع كونتاكت كارز عليه أسعار العربيات والفئات كلها contactcars.com ال i10 تقبل تعديلات شبابية بس شكلها وموتوره مش كويسين ومعظم الi10 والبيكانتو مع بنات. الفاميه ممنوع تماما وده مفيهوش كلام وفيها سحب رخص أو هيوقفك ويقولك أنزل شيله, والأسعار من حوالى 70 جنيه, وممكن تركب ستاير كبس للزجاج الخلفى كله والزجاج الجانبى الأمامى تفيمه وتنزله فى اللجان لتحت وتشد الستاير. طقم الزينون كل الموجود هنا تقريبا صينى, والأسعار من 250 حتى 800 حسب عالى وواطى ولا عالى بس, واللون وهكذا, أهم حاجة تاخد معاه ضمان على الجهاز واللمض, والضمان أهم من الجهاز نفسه. والزينون فى حد ذاته مش ممنوع, الأنوار المبهرة كلها ممنوعة, راعى بس تطفيه قبل اللجان ومتستخدموش فى الرذالة على حد علشان ربنا يكرمك. طقم الصوت حسب ميزانيتك, يعنى ممكن تبدأ ب سماعتين كينوود ب 350 جنيه وصولا الى 12 سماعة وصبين و 6 أمبليفاير, المهم الميزانية, والكاسيت نفس الحكاية, من سى دى بايونيير ب450 جنيه ل سونى دبل دين بفوق 1000. فتح الأبواب الأربعة بيتطلب شغل سمكرة فى العربية, عموما المفصلات بتبتدى من 500 الأثنين وصولا الى 2000 والمهم السمكرى اللى هيركبهم. طقم الجنوط فيه محلات كتير وأشكال أكثر وفيه من أول oz الى الصينى الى بيتكسر, بس راعى أن حجم الجنط لازم يكون مناسب للعربية, والموضوع أزواق شخصية. أنا مش من المحلة فاللأسف معرفش حد هناك. ونصيحة منى ورأى شخصى خليك فى الفيرنا, رخيصة وجميلة وموتور جبار وقطع غيار وسهولة تصليح مافيش بعدها, وأمكانيات رهيبة فى التعديل, والعربيات اللى ذكرتها بصراحة مش زى الفيرنا فى أى حاجة و التعديلات صعب فيها . بس نصيحة على الماشى كده, طلع صدقة على العربية علشان ربنا يباركلك فيها وفى مشروعك, ودى بصراحة أول حاجة تعملها بعد ماتجيب العربية الجديدة. وربنا يوفقك.

بص ياعم انجكشنـ

انا مش هعمل التعديلات اللى فى دماغك يعنى مش هسقط العربية ولا اغير فى الفرش ولا الطارة من جوا ولا الحجات دى يعنى كبيرى طقم زينون وطقم صوت وبعد ماعرفت اسعار رفع الابواب وكدا كمان رفضتها خالص لإنى حاسس انى كدا هصرف على العربية تمنها وزيادة فهكتفى بطقم زينون وجنوط ولو السماعات حلوة مش هحتاج طقم صوت

وبعدين انا معاك الفيرنا عربية جميلة الشكل لاكن صراحة ابتديت امل من شكلها رغم انى كنت من اشد المعجبين بيها لما نزلت بس على حسب علمى انها خفيفة اوى على الطريق السريع يعنى هواء التريلات يدخلها الطريق المعاكس وربك يستر طبعاً
وبصراحة عاوز حاجة ماكينتها متكونش عالية اوى يعنى عشان البنزين انا عاوز عربية تشم البنزين شم

على فكرة التفييم عندنا سعره كويس جداً ممكن محل كماليات على اده كدا يعنى يفيم ال 4 ازاز ب 50 جنيه ودا سعر لس عارفه انبارح بليل من المحل نفسه وخامته مش ولابد والله ونسبة تفييمه عالية
بالحق موقع كونتاكت كارز دا مش شغال حاول تتأكد من اللينك

الف شكر افدتنى كثيراً والله وتستاهل التقييم والله

المشاركة الأصلية كتبت بواسطة hazem_khidr احمد باشا بدر و انجكشن باشا قالوا كل اللي يتقال و بالتحديد انجكشن وضح كل حاجه علي فكره انت بلدياتي انا كمان من المحله و دا رقمي لو احتجت اي حاجه قولي و نتصرف سوا 0122949398

منور ياحازم باشا

انا سيفت رقمك وان شاء الله يبقى فى بينا اتصال قريب

انا عارف معظم العربيات اللى فى شكرى وكدا لو بتنزل فى شكرى ولاحاجة قولى

وتلاقيك ممكن تكون عآرفنى كمان والله أعلم ..,..,. لإنى بنزل بسيارة الوالد كتير

[hazem_khidr]

بص انا كبرت علي شكري من زمان
بس احتمال تلاقيني يوم الخميس بالليل واقف عند دوللي شويه
و عموما لو لقيت عربيه لانسر كريستاله سوده ارقامها 77772 يبقي انا

[عبدالله منصور]

خلاص ان شاء الله هتصل بيك