نيسان تيدا أم ميتسوبيشي لانسر أم كيا سيراتو ؟!!! - حاجة تحير

[Alioz]

المشاركة الأصلية كتبت بواسطة alymonir أولاً شكراً على ردك الجميل العفو يا باشا ثانياً أنا دورت في منتديات و غير منتديات و سألت ناس كتير .... طب كويس حضرتك بتقول الكورولا ممتازة , و انا برده مرتاح للتويوتا عموماً ..... بس المشكلة الأخيرة بتاعت تويوتا دي هازّة السوق بتاع تويوتا , فالواحد قلقان منها ..... المشكلة الأخيرة دي كانت في الجيربوكس الخاص بالMMT موديل 2008 و 2009 و دة مش موجود في 2010 و ماعتقدش شركة بتعترف بأخطائها عالميا و تكلف نفسها مليارات سمعتها تتهز اما متطلباتي بالنسبة للعربية .... فالواحد اكيد لازم ح يدور على عربية نضيفة , يعني الشكل كويس و الجودة نضيفة و الامكانيات قوية و الواحد يعني ميندمش لما يشتريها او لما يجي يبيعها .... الكلام دة موجود في عربيات كتير جدا ضيق مجال بحثك شوية و انا شايف ان التلات عربيات دول اجمل من بعض ( باستثناء الكورولا ) ... و دول في حدود الفلوس اللي معايا حالياً يعني .... على فكرة الكورولا 2010 1300 CC تمنها 128 ألف بس الكيا السيراتو منظر و شكل جبار ....... الا ان عيوبها ( من اللي سألتهم يعني ) : عفشتها بتبوظ بسرعة إزاي و ماحدش كمل بيها 100000 كم ؟؟ و صاجها مش قد كدا العربية دي واخدة خمس نجوم في اختبارات التصادم الأوروبية ... و في نفس الوقت قطع الغيار اسعارها معقولة و المفروض انه يكون ليها سوق ( لانها انتشرت بشكل غير طبيعي ) جداااا اللانسر ..... خامات عالية و مكونات يابانية و تقفيل ياباني 100% ..... ليها سوق من زمان ..... و لو ان شكلها قديم و متعارف عليه , يعني مفيش غير تعديلات بسيطة جوا العربية بس ..... و تقريباً لحد دلوقتي مسمعتش عيوب , لان المعظم نصحني بيها يعني ... رأيي الشخصي ابعد عن اللانسر لأن ملهاش سوق دلوقتي و أنا سمعت إن الشكل القديم مابينزلش إلا في مصر و بعض الدول المتقدة زينن كدة بالضبط زائد إن عغشتها ناشفة شوية و الفرامل فيها سريعة البوظان ( عن تجارب ناس ) النيسان التيدا ... شكل العربية مش روش قد كدا , باحس انها ناشفة ...... مكونات ياباني و تقفيل ياباني ..... النيسان ليها سوق برده زي اللانسر او يمكن اقل منها بحاجة بسيطة .... صالونها محترم و اجمل من اللانسر ( موضوع اذواق ) .... اوسع من اللانسر من ورا و من قدام ..... و اغلى من اللانسر الجديدة ....... التعليق الوحيد : لم تنتشر معرفش ليه ودي حاجة تقلق لوحدها قطع الغيار - على حسب معلوماتي يعني - اعتقد ان قطع الغيار الأصلي للانسر أو للنيسان متقاربة في الاسعار الى حد ما .... قطع غيار الكيا اسعارها معقولة ..... التويوتا زي ما قلت لحضرتك .... انا كنت عاوز اجيب ياريس مافيش منها دلوقتي و لو اني سمعت إن ال1500 حاتنزل قريب بس مشكلتها في الثبات, لأن الكورولا الجديدة مش حلوة قد كدا ..دي أذواق أنا رأيي إنها جميلة جدا... بس مشكلة التويوتا الأخيرة دي عملت قلق ...... و الصراحة انا قلقان اشتريها يعني ...... الموضوع محير ...... و الاسعار مرة فوق و مرة تحت ...... انا بس عاوز اشوف آراء حضراتكم بالنسبة للعربيات دي ... لو في حاجة احسن و في نفس الرنج ما بين 100 ل 130 ألف ياريت تقولوا ....... في انتظار آرائكم ..... لازلت باقولك إقرأ أكتر في المنتدى شوية صبر على القراءة مش أكتر

[/QUOTE]

احلى حاجة في ردك الجميل دا ... انك بترد عليا واحدة واحدة ...

و الله يا باشا ... انا ح اشوف التويوتا تاني ( حاسس اني مرتاح للتويوتا عموماً يعني ) ...

اما التيدا ..... فمش عارف , انا شفت منها كتير في مصر ..... و بيشكروا فيها يعني ......

و اما بالنسبة للسيراتو ..... فاحاول اوسع مدار البحث بتاعي شوية ..... و لو اني مش مطمن لها برغم امكانياتها ......

الف شكر يا باشا على ردك الجميل

[alymonir]

العفو يا باشا إنت تأمر
أصل أنا كنت في نفس موقفك دة من حوال شهرين
وبعد ما دخلت المنتدى استفدت كتييير جدا
لو فيه أي استفسار بعد كدة أنا تحت أمرك

[Alioz]

المشاركة الأصلية كتبت بواسطة ابو يمني بص يا باشا انا لما بحب اشتري عربية اجيب عربية لية وللسوق عشان لما احب اغير وبكدة يبقي طبعا اللانسر بدون منافس عربية افضل من كل الاوجهة وسيبك ان الشكل قديم العربية دي عن تجربة مش هتكرر تاني ولو ركبتها عمرك ما هتفكر تركب السيراتو والنيسان حلوة بس لا تباع وبتخسر جامد جدا في اعادة البيع فخليك في المضمون وبعدين اللانسر قطع غيارها في كل مكان واي ميكانيكي بيفهم فيها ولو بتقارن صح يبقي تقارن اللانسر والتيوتا والهوندا مع فارق الاسعار طبعا

اولاً الف شكر لردك الجميل

و مبدأ ( اشتري ليا و للسوق ) ... دا اللي احنا ماشيين بيه ....

و الله يا باشا ان جت للحق .....

اللانسر مش بطالة .... و النيسان مش بطالة ....

بس حكاية ان النيسان ملهاش سوق دي ... فمش عارف ..... انا ملاحظ ان النيسان سواء صني او تيدا منتشرة في مصر ( خصوصاً الصني ) و يمكن التيدا مش منتشرة بس شفت كتيير راكبينها ...

و برده بعض الناس بتشكر في اللانسر : من نحية أمان - قطع غيار - معروفة - مفيش عيب ظاهر لحد دلوقتي

و البعض الآخر بيشكر في التيدا : أمان أعلى - ملقوش عيوب إلا إن الشكل الخارجي مش مقبول قد كدا - معمرة و اوسع من اللانسر ..... الا ان التيدا عائلية اكتر ما هيا شبابية ... يعني اللي يشتريها يحافظ عليها ....

العربيتين احلى من بعض صراحة ... و على العموم الاسئلة الكتيرة متضرش برده ...

و جزاك الله خيراً على ردك المفيد و المتواضع

[ابو يمني]

ايوة با باشا النسيان منتشرة بس سوقعا صعب في البيع

[Alioz]

المشاركة الأصلية كتبت بواسطة ابو يمني ايوة با باشا النسيان منتشرة بس سوقعا صعب في البيع

و الله يا باشا انا احترت جداً في الموضوع دا ....

هوا عموماً العربية لوالدي مش ليا .....

و الوالد بياخد رأينا يعني قبل ما ياخد قراره بنفسه ...

و الصراحة دوخنا على معارض كتييير و جربنا و شفنا .....

و الوالد عاجباه حالياً اللانسر و التيدا .... بس اللانسر زيرو صراحة سعرها عالي جداً , يعني 125 ألف كتير عليها قوي ...... لان مفيش تطوير الا في حاجات بسيطة ......

و التيدا كذلك ......

و احنا بنبص برده لحكاية اعادة البيع احتياطياً يعني ...... و احنا ناس عشريين شوية ( يعني احنا حالياً معانا لادا 2105 روسي موديل 94 ) عربية انتيكا قوي ...... بس زعلانين انها ح تتباع لأني صراحة مشفتش عربية في قوتها ( برغم شكلها و قلة امكانياتها ) الا انها عربية اقتصادية جداً و قوية جداً جداً .....

لكن زي ما تقول كدا العصر الجديد بيفرض عليك نظرية التغيير من حين لآخر ....... علشان كدا الوالد عاوز يجيب عربية تكون عشرية برده ..... يعني منزعلش او منندمش عليها بعد كدا ....

و بعد اللف في منتديات كتير برده ... يعني انا لقيت ان معظم الآراء ( بالنسبة لسيارة عائلية ) كلها تتجه الى التيدا .........

الا اننا برده مقررناش .... و لازم نسأل أكتر ......