غيرت جوان وش السلندر وقلقان

[كنتوش]

المشاركة الأصلية كتبت بواسطة احمد على 1999 حاجة تقلق ما نوع العربية ؟ اسباب تلف الجوان المرة الاولانية و التانية؟ مين الي حدد ان الوش مكنش قفع هو و لا خراط؟ ممكن يكون عنده حق في موضوع اثار الطحينة بالذات لو المية مبتنقصش و هل لما بتزود بنذين المية بتنفخ؟ و جرب تبقي باصص علي المية لحظة التدوير كل الي فات كوم و موضوع لمبة الزيت كوم تاني ده الي ميتسكتش عليه

بالنسبه للعربيه بولونيز موديل 81
سبب تلف الجوان غير معلوم ممكن يكون عمر افتراضى لانه بقاله سنه والموتور اتفك بعدها ولكن ما غيرتش الجوان ده اعتقادى
اللى قال انه مش محتاج خرط الميكانيكى وتقريبا شافها خراط على حد اعتقادى
الميه بتنقص بس لما املا الريداتير على اخره وبتبقلل حاجات خفيفه لغاية ما منسوبها يقل بس اللى لاحظته ان الموتور بقى يسخن ازيد من ما كانت عليه وده ممكن يكون سببه انه ظبط تاكيهات واعتقد انه ممكن يكون حملها ازيد من اللزوم وخصوصا ان اليومين دول حر الا لو كان فيه سبب تانى حد يفيدنى بيه
موضوع اللمبه تقريبا اتحل لانها كانت معلقه لما غسل الموتور بالهوا والجاز ولكنى ظبطها والحمد لله بطلت
بس هو دلوقتى موضوع السخونيه الزياده عن اللزوم ده وكمان السحب بقى قليل ولو فيه اختبار يبين مدى كفائة الجوان وتركيبه يا ريت حد يقوللى عليه

[احمد على 1999]

هل لما الميه منسوبها يستقر مبتنقص تانى؟
و جرب افتح القربة و دور و راقب النفخ لحظة التدوير
و لما تغير زيت راقب الطحينة (بس ممكن طبيعى تعمل اثار طحينة خفيفة على الغطاء فى بداية اى مشوار و بيختفى بعد 10 دقايق)
و راقب حوالين الجوان من بره لو فى اثار نشع زيت
و لازم يظبط تاكيهات تانى فعلا احتمال تكون سبب السخونية و قلة السحب
و بالتوفيق ان شاء الله
و منتظرين راى الاستاذ سمير

[كنتوش]

هو انا لاحظت ان الميه منسوبها بييجى لحد معين ومش بينقص بعدها
وبالنسبه للقربه لحظة التدوير لو سليمه ايه اللى هيحصل ولو مش تمام ايه اللى هيحصل واعرف درجة الخطورة ازاى
وبالنسبه لنشع الزيت ده محتاج مشوار ولا عادى بيبان من غير مشى لان انا يادوب مشيت حوالى 10 كيلو تقريبا بعد تغيير الجوان
وبالنسبه لظبط التاكيهات لو تقدر تفيدنى المفروض انه يظبطها على مقاس كام فى الفلر علشان ما تكونش محملة
وحاجه تانيه لاحظتها وهى انى لما بدوس فرامل العربيه صوتها بيوطى وساعات بتبطل مش عارف ليه ودى حاجه جديده مع العلم ان الفرامل سيرفو
واخيرا متشكر جدا على اهتمامك ويا رب ما اردهالك فى اى عطل واردهالك فى الفرح ان شاء الله

[احمد على 1999]

انا اسف علي التأخير
كويس ان المية مبتنقصش
و لحظة التدوير لو المية نفخت يبقي معناها ان في تهريب من كبس السيلندر الي شميز الميه و ده بسبب تلف الجوان او عيب في الوش او غلط في رباط الوش او تلف بوش البلوك

اما نشع الزيت ف 10 كم قليلة و الموضوع نسبي
و الفرامل محتاج يظبط كاربيراتير سلانسيه و هواء
و التاكيهات مش عارف

[كنتوش]

الميه رجعت تنقص تانى والزيت عمل طحينه تانى يا ترى كده يبقى الجوان ضرب تانى ولا اتركب غلط ولا المسامير عاوزه ربط ولا اييييييييييييييه مع العلم انى مشيت عليها حوالى 300 كيلو بعد تغيير الجوان وكتركب جوانين مش واحد