4 اسئله مدوخنى فى الكاوتش

[queen]

المشاركة الأصلية كتبت بواسطة epnmasr مميزات النيتروجين إنه بيفضل أطول فتره ممكنه في الكاوتش ومش بيحتاج تزويد بإستمرار زي الهوا يعني طول ما الكاوتش سليم مش بتحتاج تزوده على الأقل كل 6 شهور وده المعدل بتاعي شخصياً ومش أي بتاع كاوتش ممكن تثق فيه لازم يكون مجرب لأن في منهم معندهمش ضمير وكمان لازم يكون نسبة النيتروجين أكتر من 96% بالنسبه لضغط الإطار نتبع الكتالوج أفضل والتيوبلس شرحه الزميل محمد قيصل ولكن أضيف إن الكاوتش العادي لو دخل فيه مسمار مثلاً الفرده بتنام فوراً ولازم تتغير في نفس الوقت أما التيوبلس ممكن يدخل فيها مسمار وتكمل مشوارك وبعدين تلحم العجله وغالباً لا تكتشف إن العجله دخل فيها مسمار إلا بعد فتره أو تاني يوم تنزل تلاقي العجله مريحه أما الإستبن فمن يحدد صلاحيته بتاع الكاوتش الثقه وليس الميكانيكي وإحنا هنا كلنا عشان نفيد ونستفيد ومفيش إطاله إن شاء الله وربنا يستر طريقنا جميعاً

يعنى افهم من كده ان موضوع النتروجين ده كبير(وهل ينفع ازوده فى العجله وهى مليانه هوا ولا لازم تتفضى الأول) واعتقد بلاش منه حالياً لحد ما افهمه كويس واعرف حد ثقه

وبخصوص التيوبلس هو لما بيتقطع بيتلحم عند بتاع الكاوتش مش بيتغير صح!!
بس سؤال لا قدر الله لو اتقطع وانا ماشيه اركب الاستبن لغايه ما الحمه ولا ايه مش فاهمه.
ربنا يستر طريقنا كلنا ان شاء الله

[محمد فيصل]

المشاركة الأصلية كتبت بواسطة amr elsisi 1 م. محمد فيصل

جزاك الله خيراً يا م.عمرو السيسى

[محمد فيصل]

المشاركة الأصلية كتبت بواسطة queen يعنى افهم من كده ان موضوع النتروجين ده كبير(وهل ينفع ازوده فى العجله وهى مليانه هوا ولا لازم تتفضى الأول) واعتقد بلاش منه حالياً لحد ما افهمه كويس واعرف حد ثقه<اى مركز بريدجستون معتمد >يفى بالغرض بالعكس كل ما هو عليك الذهاب لمحل كاوتش ثقة وتفريغ الهواء وإعادة الملو بالنيتروجين والاداء سوف يجعل الاحساس بالمطبات انعم والسيارة احلى فى القيادة وبخصوص التيوبلس هو لما بيتقطع بيتلحم عند بتاع الكاوتش مش بيتغير صح!! كلام صح 100% وإن كان موضوع القطع صعب بعض الشىء الا فى الحوادث لا قدر الله اما اى خرم من مسمار او زجاج او ما شابه فالحام سهل جداً وهنا تكمن ميزة التيوبلس عن التيوبد الاول ممكن المشى به حتى اقرب محل كاوتش اما الثانى فالوقوف يكون حتمى ...اللهم يسر لنا جميعاً طريقنا.... بس سؤال لا قدر الله لو اتقطع وانا ماشيه اركب الاستبن لغايه ما الحمه ولا ايه مش فاهمه. كلام مظبوط ربنا يستر طريقنا كلنا ان شاء الله

الرد داخل المحتوى

[queen]

شكرا جزيلا أ / محمد فيصل على التوضيح وجزاكم الله خيراً

بس اخر استفسار هو النتروجين ده بيتكلف كام؟ وهل هو مضمون ومنتشرولا بلاش أغامر عشان العربيه جديده بس الحقيقه هى عفشتها ناشفه اوى والمطبات أو اى خرم فى الاسفلت بيرج العربيه كلها بزياده.

[epnmasr]

المشاركة الأصلية كتبت بواسطة queen يعنى افهم من كده ان موضوع النتروجين ده كبير(وهل ينفع ازوده فى العجله وهى مليانه هوا ولا لازم تتفضى الأول) واعتقد بلاش منه حالياً لحد ما افهمه كويس واعرف حد ثقه وبخصوص التيوبلس هو لما بيتقطع بيتلحم عند بتاع الكاوتش مش بيتغير صح!! بس سؤال لا قدر الله لو اتقطع وانا ماشيه اركب الاستبن لغايه ما الحمه ولا ايه مش فاهمه. ربنا يستر طريقنا كلنا ان شاء الله

لا قدر الله لو إتقطع الكاوتش خلاص مينفعش تاني . ولكن الكلام عن الأخرام العاديه ففي حالة الأخرام العاديه والمسامير وخلافه طبعاً بيتلحم عند بتاع الكاوتش أما لو إتقطع لا قدر الله فبيتغير علطول
وعلى فكره هو طبعاً مش بيتقطع وإنتي ماشيه لا قدر الله إلا لو في حاجه جامده جداً جداً وده صعب جداً ولكن لازم يكون عندك سرعة رد فعل في هذه الحالات لا قدر الله حتى لا تتسبب لك في مشاكل على الطريق لا قدر الله
أما عن موضوع النيتروجين فهو مش صعب ولا حاجه لكن لو مرتاحه في الهوا العادي فخلاص مش هتفرق معاكي أوي
أما في حالة ما إذا كنتي هتستعملي النيتروجين فالجهاز بيسحب الهواء الموجود بالإطار ثم يعيد ملئه بالنيتروجين والحكايه بسيطه لأن الجهاز ده بيسحب الأكسجين وبخار الماء من الهواء الداخل للإطار لكي يكون معظمه نيتروجين بنسبه أكثر من 96% على الأقل
والله ولي التوفيق . وربنا يستر طريقنا كلنا ان شاء الله