ركبت الفوجات + ذراع النور

[ابوجنى2112]

المشاركة الأصلية كتبت بواسطة hanyyyyyy هما مش بطاليين وفكرت اركب عليهم زينون فقالى بقلاش وعملى تجربة صغيره كده وهو بيزود مياه البطارية قالى سيب نور الشابورة شغال وبعد شوية صغييرين قالى حط ايدك عليهم كده فلقيت ان فيه شوية حرارة او صهد بسيط طالع منها فقالى ما بالك بقى لو ركبت زينون اكيد مش هيستحملوا لأنهم طبعا بلاستك ووش الفانوس بلاستيك مش زجاااااج وكلمته بعد ما مشيت على اضائة النور بتوع الشابورة انهم مش عاجبنى اوى فقالى تعلالى فى اى وقت بليل علشان اظبطلك نورهم على الارض ويبقوا يفرشوا ادامهم بدال ما بينورا الجانبين عندك وليهم رجلاش متقلقش (مش بقلوكم سكككككككككر راجل كبير بس مش زى الناس الكبار المتنشنه بالعكس والله هتحبوووووه وعلى فكرة كان شغال فى الكويت فى توكيلات عربيات وعاشر اجانب وبينطق قطع غيار كتيره بالانجليزى

مبروك ياهانى باشا.

[peter magdy]

انت اللى حبيبى يا استاذ هانى - و ربنا يديم المعروف
الف مبروك على الحاجات الجديدة
و بعدين من غير شكر ولا حاجة -- حضرتك جميلك على راسى علشان انك اللى كنت بتشجعنى على العربية جامد و خصوصا و انا متردد و مكنتش بتبخل عليا فى اى معلومة كنت بسألك عليها
ثانيا المنتدى هنا علمنى ان اى حد بيبقى عندة معلومات او افكار جديدة مش بيبخل بيها على التانى
و ثانيا شخلول دة اسعارة فعلا ارخص من التوفيقية و عن تجربة
و ناحية الجودة - عم حمدى لما شاف الفوجات شكر فيها جامد من غير ما يعرف انا اشتريتها منين
و لما استاذ هانى يركب التيل و يقولنا رأية اية هيبان ساعتها جودة الحاجة اللى عندة
و عم حمدى الكهربائى دة فعلا عسل مع انة كبير فى السن بس قعدتة حلوة مش رخم
و كمان فاهم شغلة و عارف يتعامل مع العربية حلو قوى و عندة ضمير
و اقوى ميزة فية انة بيعرف يصلح الامبوليزر بتاع العربية و بيصلح حاجات كتير بردو
يا جماعة من الاخر الراجل دة دكتوراة فى كهربا العربية دى
و مرة تانى الف مبروك على الحاجات الجديدة دى و تتهنى بيها

[hanyyyyyy]

امبارح بنور نور الشبورة ليلا لقيت المبة ابتاعة الفانوس الشبورة اليمين مش عايزة تنور روحت مكلم عم حمدى الكهربائى قالى ولا يهمك ممكن تكون المبة اتحرقت او مهزوزه لأى سبب يعنى مش بايته كويس تعالالى فى اى وقت ونشتريلهم لمبتن المانى 55واط افضل واقوى من اللى بيجوا فيهم(وبينى وبينكم الموضوع كان فى بالى انى اغيرهم لألمانى) طبعا انا كنت عارف انهم مش هيقعدوا وقت كبير لكن مش بالسرعة دى 3 ايام بس لأن المبة صينى وفاشلة وده حصل مع اخويا فى عربيته الدايو الانوس لما ركب فانوسين شابورة كل مايغير لمبة متقعدش شهر وتتحرق لحد ما جاب المبات الالمانى والموضوع بقى تمااام

[ehabpopo]

المشاركة الأصلية كتبت بواسطة hanyyyyyy امبارح بنور نور الشبورة ليلا لقيت المبة ابتاعة الفانوس الشبورة اليمين مش عايزة تنور روحت مكلم عم حمدى الكهربائى قالى ولا يهمك ممكن تكون المبة اتحرقت او مهزوزه لأى سبب يعنى مش بايته كويس تعالالى فى اى وقت ونشتريلهم لمبتن المانى 55واط افضل واقوى من اللى بيجوا فيهم(وبينى وبينكم الموضوع كان فى بالى انى اغيرهم لألمانى) طبعا انا كنت عارف انهم مش هيقعدوا وقت كبير لكن مش بالسرعة دى 3 ايام بس لأن المبة صينى وفاشلة وده حصل مع اخويا فى عربيته الدايو الانوس لما ركب فانوسين شابورة كل مايغير لمبة متقعدش شهر وتتحرق لحد ما جاب المبات الالمانى والموضوع بقى تمااام

حصل خير ان شاء الله ... ماتزعلش
وابقى طمنا على اللمبات الجديدة ... وطبعا السعر كام ... ونورهم ابيض ولا اصفر ... وجبتهم منين ... ورقمهم h3 ... ولا ايه ؟؟؟؟ لان غالبا هايحصلنا الكلام دة

[mahshahin]

الف مبروك وعقبال ما زنقتي تتفك واركبهم