ال 128 بتاكل بنزين جامد

[mantheman]

المشاركة الأصلية كتبت بواسطة wael nabil elsied نفس المشكله حصلت معايه وانا معايه 128 موديل 90 بص يا سيدى اولا لو العربيه بتتأخر فى الدواره الصبح فده عيب من البوجيهات الجديده وممكن تكون مرطبه ويا ريت لو تخلى ميكانيكى نضيف يبصلك عليهم ويزدضبط الخلوص بتعهم على 70 .ثانيا لو العربيه مكتومه فده حيكون عيب ابلتين وكوندنسر فيا ريت تجيب لتنين انجليزى بعشرين جنيه وتغيؤهم وبلاش الفرنساوى.ثالثا سيادتك حتلروح لواحد بتاع كربراتير يفك الكربراتير وينضفه ويبصلك على البيكات عشان انا البك الى كان عندى كان وسع وده كان بيخلى العربيه تسف البنزين مش تكله بس..رابعا وخامسا وسادسا بلاش لعب فى التكاهات لو ما اتلعبش فيها قبل كده عشان التكاهات ديه اطباق ولو ما ظبطهاش واحد محترف حتدخلك فى موال السخونيه والهجس ده...على فكره انا كمان بمون92 لان ال80باه عامل زى الجاز مش البنزين....وربنا يلطف بينا:da nceW7:

طيب ممكن حضرتك تقولي علي ميكانيكي متخصص كربراتير

[sabrykamel]

طيب انا ارجوكم تفيدونى
انا عربيتى موديل قديم شوية 1972 بس موتورها لسه متغير استيراد 1300 نظيف
غيرت الفلاتر والبوجيهات و عملت الكرابتير اتغير له اكس و باب و مسمار هوا
بس لسه بتاكل بنزين جدا
مشوار 13 كيلو يعمل 5 لتر بنزين ازاى
قولىلى اعمل ايه تانى بقى لانى فعلا تعبت جدا

[طبيعى مستنير]

الاكس والباب ( عقيم ) - المقترح الكاربيراتير السبب
افحص البكات اولا ( هى المرشح التالى لسبب للمشكلة )
ركب بوجيه متوافق مع الموديل نفسه
سيحدث تحسن بنسبه تزيد عن 50 فى استهلاك البنزين

[zing0]

هتضبط كربراتير عند معتز المصرى بتاع دار السلام (عالم الكربراتير)
ده أستاااااذ بجد, رشحهولنا الأستاذ سيد عصام مشرف قسم الفيات و جربته بنفسى فى اللادا بعد ماروحت شبرا لـ 2 و طلعو نصابين
لو مكنتك مش خفيفة مش هتمشى من عنده غير لما تعرق من الشاكمان و هينضفلك البوجيهات عالفرشة و يضبطلك الكهربا (الإسبراتير)

كربراتير ====== بيانات البشمهندس معتز المصرى تليفون:01222648701 العنوان :12ش زهير العتال من مصر حلوان الزراعى بجوار الشبراويشى وامام كشرى كهرمان - دار السلام من الكورنيش, هتدخل فى الشارع إللى بين المحكمة الدستورية و مستشفى القوات المسلحة (إللى كانوا بيهدوا فيه العمارات المخالفه) و آخر الشارع هتدخل شمال فى الشارع الزراعى لحد متلاقى ألبان رزة على شمالك, تدخل الشارع اللى قدامه (يمين هتلاقى الورشة (عالم الكربراتير)

لو لسه بتاكل بنزين و عاوز محترف تاكيهات يبقى حماصة اللى فى فم الخليج, أشطر واحد فى القاهرة الكبرى فى ضبط التاكيهات

تظبط تاكيهات عند واحد اسمه محمد حماصه الراجل ده فى فم الخليج قبل الكوبرى اللى بيودى للمدبح ومنطقة المدابخ هو حضرتك قبل ما تطلع الكوبرى هتلاقى صف عربيات فاتحه الكبوت بتاعهم ده مش بيظبط غير تاكيهات بس فعلا اسطورة فى ظبط التاكيهات اخر مره ظبطها عنده كان ب 40 جنية بس فعلا ممتاز جدااا فى ميدان فم الخليج عند نزلة كوبرى طريق مجرى العيون اللى فوق مترو الأنفاق.

و ياريت تغير فلاتر الهوا و البنزين و طقم البوجيهات أو عالأقل تنضفهم

أعانك الله

[sabrykamel]

انا شرح لكم مشكلتى فى الرسالة السابقة وزودت على كدا انى زبطت التاكيهات و غيرت البيك بواحد مقاس 100 بدل 112
و لسه برضه بتاكل بنزين اعمل ايه تانى يا ريت حد يجاوبنى