عيوب لانسر (شارك - بومة)

[mesho70]

المشاركة الأصلية كتبت بواسطة hanysgf البومه عربيه بتكنولوجيا 2003 ظلم شويه نقرنها باللنترا الجديده او السيراتوا الجديده في الاوبشنس ورغم كده هي بتتفوق في حاجات كتير عن العربيات ديت

- البومة منذ بداية انتاجها والشكل واحد والامكانيات اظنها لم تختلف
- الا بداية من موديل 2010 بتغير شكل العدادات والفتيس الجديد ستريبترونك وشكل الطارة تشبة الشارك وارتفعت عن الارض
- واتفق معك فى تفوقها لانها كانت اختيارى بعد مقارانات عديدة
- من حيث متانتها وثباتها على الطريق وبتجربة حتى سرعة 180 كم / س بالرغم من الطرق فى مصر لا تصلح للسرعات العالية

[Iron_Head]

معايا EX شارك 2009 هاى لاين

مميزتها:
- تحسن كبير فى مستوى العزل عن البومة
- الصالون واسع
- تسارع الموتور كويس اوى بعد ال 60
- عفشة ناشفه شوية بس بتدى ثبات خرافى
- تابلوها شيك وخاماته نظيفة
- كماليات الهاى لاين غنية, ودلوقتى التوكيل الجديد بقى بينزل البيزك بكماليات كتير بردو
- استهلاك بنزين اكثر من رائع, على الطريق السريع ممكن تعمل 370 كم كل 20 ليتر لو سواقه معقولة
- تكييف ممتاز

عيوبها:
- الشنطة ضيقة على حساب وسع الصالون
- بوية الاكصدام ضعيفة, اى حكة بسيطة اللون الاسود بتاع الفيبر بيبان
- مفيش مثبت سرعة فى ال1500 هاي لاين, بينزل فى ال 2000cc

[moatazrhm]

عيوب البومة من وجهة نظرى :
- عدم وجود فتحات تكييف للصالون الخلفى
-قلة الاضاءة
-عدم وجود وحدات رفع للزجاج مش فاهم ازاى يبقى فيها ريمون للسنترلوك ومفيش وحدات رفع اوتوماتيك للزجاج
-ضيق نسبى للصالون .
-التابلوه تكنولوجيا قديمة .

[ahmed_eng2001]

البومة 2008 :-

العيوب :
التكنولوجيا الى فيها مش كتير زى العربيات الى نفس المستوى السعرى . بس انا قنوع جدا و التكنولوجيا الى فيها عجبانى
السعر عالى شوية
التوكيل سيى حبتين

[bakerkassab]

الشارك بقت اقوى و اثبت بعد ما بقت 1600 سي سي