مساعده فى باور الاكسنت مازال ثقيلا

[احمد على 1999]

معرفش الفيرنا بس معظم الهايونديى الجديد باور كهربا
و اللى اعرفه ان من طرق التخلص من مشاكل الباور الكهرباء فى النيو اكسنت مثلا هى تغييره لزيت هههههههه
فمن الواضح ان الحلو ميكملش

[Emgrand]

عشان الباور الكهرباء الله اعلم بيقولوا بيفصل على الطريق والله اعلم تانى عشان محدش يخاف

المهم اى حد معاه اكسنت 1500 يقولى اخبار الباور ايه

[damdam41]

انا معايا اكسنت 99 1500 و الباور كويس معايا و مش تقيل

[حسام البورسعيدى]

فى اسباب كتير تخلى الباور تقيل معاك ..

بافتراض ان طرمبه الباور سليمة والاسكترا (علبة الدريكسيون) مفهاش مشاكل ..

ممكن تبقى العجلات الاماميه محتاجه تزويد .. وممكن تكون محتاج ظبط زوايا ...

لو كل ده تمام تأكد ان سير الباور مشدود كويس .. ولازم طبعا يبقى السير الاصلى (الكورى ب 15 جنيه) .. وتقدر تتأكد من كده بأنك تحاول لف بكره سير الباور (اللى فى الطرمبه) يدويا باستخدام مفتاح 18 على ما اذكر .. المفروض ان الموتور كله يلف معاك .. لكن لو البكره لفت بدون السير يبقى فى تفويت فى السير هو اللى مسبب تقل الباور .. بس انا مستبعد كده لان السير جديد .. الا لو كان مش اصلى ..


خلاصة الكلام اتاكد الاول من ضغط الكاوتش (35 ممتاز اوى) ولو مفيش برضو يبقى اطلع على مركز ظبط زوايا محترم وباذن الله هتظبط معاك ...


بس يا ريت تتأكد ان الباور عندك فعلا تقيل مش طبيعته كده ..


اما بالنسبة للفيرنا هى فيها باور هيدروليك (زيت) عادى جدا بس نعومه الباور تختلف من عربية للتانية .. ولو انى شايف ان باور الفيرنا مش خفيف اوى يعنى .. امال باور السيفيك يبقى ايه بقى ....