طلب مساعدة في شراء سيارة مستعملة ...... ارجو المساعدة

[Hazemomar]

المشاركة الأصلية كتبت بواسطة simsim_scorpion اولا متشكر جدا علي ترحيبك واحب ااكدلك ان المنتدي ده مميز جدا وده بيرجع لخبرة اعضاءه وتفاعلهم الدائم مع الاعضاء الجدد ثانيا بالنسبة لسعر قطع الغيار مش هتفرق لو كانت غالية المهم تكون معمرة وبالنسبة للنيسان صني 1994 عربية جميلة فعلا بس هل دي هتكون في حدود 35.000 الي 38.000 ودي اقصي حاجة اقدر ادفعها وايه رايكم في الكرايسلر نيون 97-2000 والهوندا سيفيك 1992 SI كاملة اتوماتيك ومتوسط سعرها كام ؟ اسف اسئلتي كتير وده لاني واثق في اعضاء المنتدي تحياتي للجميع ومتشكر جدا لكل من شارك في الموضوع

يا راجل اسأل ميهمكش ... و ده الهدف من المنتدى .. المساعدة
اولا السيفيك 92 نادر لما تلاقي منها خرج بيت ... كلها متبهدلة جري و تعديل و مش هتلاقي عداد اقل من 200000 كم .. و هي موديل قديم و السعر ده يجب حالة ليست بالجيدة - اعتقد -
ثانيا النيون كعربية .. حلوة ... انما كوجود و انتشار .. !!!!! ... العربية في ناس اصلا متعرفهاش ... مش عارف بس ليها ناس اكيد بيبيعولها قطع غيار بس هيبقوا قليلين و غالبا مش هيكون متخصص في الكرايسلر .. بيبقى لامم كام موديل امريكاني ... و معلوماتي قليلة عنها .. بس منصحكش فعلا ..
النيسان تيجي حالة جيدة جدا 94 طبعا بالسعر ده ... و اعتقد من افضل الخيارات ... النيسان عموما .. معمرة جدا ... اعرف صني 2005 عاملة 400000

و دي صورها
و ربنا يوفقك الى ما فيه الخير ... تقبل سلامي

[simsim_scorpion]

المشاركة الأصلية كتبت بواسطة Hazemomar يا راجل اسأل ميهمكش ... و ده الهدف من المنتدى .. المساعدة اولا السيفيك 92 نادر لما تلاقي منها خرج بيت ... كلها متبهدلة جري و تعديل و مش هتلاقي عداد اقل من 200000 كم .. و هي موديل قديم و السعر ده يجب حالة ليست بالجيدة - اعتقد - ثانيا النيون كعربية .. حلوة ... انما كوجود و انتشار .. !!!!! ... العربية في ناس اصلا متعرفهاش ... مش عارف بس ليها ناس اكيد بيبيعولها قطع غيار بس هيبقوا قليلين و غالبا مش هيكون متخصص في الكرايسلر .. بيبقى لامم كام موديل امريكاني ... و معلوماتي قليلة عنها .. بس منصحكش فعلا .. النيسان تيجي حالة جيدة جدا 94 طبعا بالسعر ده ... و اعتقد من افضل الخيارات ... النيسان عموما .. معمرة جدا ... اعرف صني 2005 عاملة 400000 و دي صورها و ربنا يوفقك الى ما فيه الخير ... تقبل سلامي

متشكر جدا علي مساعدتك و هحاول اشوف عربية نيسان صني بإذن الله وياريت لو حد قدامة واحدة في حدود 35.000 او 38.000 اقصي حاجة ياريت يقولي شرط متكونش محتاجة مصاريف نهائي
تحياتي للجميع

[dr.ahmed gohar]

ممكن اوبل فكترا برضو عربيه حكايه وثبات وشكل بس ال B وألماني ومعمره وقطعها متوفره وجرايه بكتير
لو 40 ألف أو 42 ألف ممكن تلاقي وحده موديل 96 او 97 عربيه جميله جدا وشكل شبابي

[sameh samer]

المشاركة الأصلية كتبت بواسطة simsim_scorpion بسم الله الرحمن الرحيم في البداية تحياتي لكل اعضاء ومشرفي المنتدي اما بخصوص موضوع الشراء فكلكم اكيد عارفين اللي اي واحد بيمر بيه لما يفكر يشتري سيارة مستعملة وخصوصا لو كان معندوش اي خبرة في الموضوع ده زي كده ،كل ما استقر علي عربية معينة وابتدي اسأل عنها الاقي ان العربية كلها عيوب علشان كده فكرت اعمل الموضوع ده واستفيد من خبرة الاعضاء في تحديد العربية المناسبة لامكانياتي ومتطلباتي * الميزانية : 30.000 الي 35.000 كحد اقصي . * سعة المحرك : من 1000 CC الي 1500 CC * الكماليات : تكييف ، باور ، زجاج كهرباء . * استعمالي للسيارة هيكون مشوار يومي لايتعدي 80 كم ذهاب وعودة ( حوالي 70 كم منهم علي طريق سريع ) . * عايز عربية جراية وثابتة علي الارض وموضوع الثبات ده مهم جدا بالنسبالي ، سهولة الصيانة ، توافر قطع الغيار وبالنسبة لسعر قطع الغيار مش هيفرق لو كانت غالية بشرط تكون متوفرة ومعمرة بالاضافة للكماليات اللي ذكرتها اما بالنسبة للشكل يفضل انه يكون شبابي سواء كان نمط السيارة سيدان او هاتشباك . بالمناسبة ياريت تكون اراء الاعضاء بعيد عن الهيونداي اكسيل لاني مش حببها خالص . اسف للاطالة وفي انتظار ارائكم تحياتي للجميع

اللى حضرتك كاتبوه ده هو مواصفات الابيزا و البولو و أنا على فكرة معايا ابيزا 94 و هاتنفاعاك أوى هى أكبر سنة بسيطة من البولو لاكن البولو شكلها أفضل شوية عموما أنصحك بأى واحدة فيهم حسب الحالة مهم جداااااااااااا تكون حالتها نظيفة

[hamaad]

انا من راى لكيا ريو لوجود قطع غيار ولحبى انا شخصيا فى كيا ريو طبعا احسن من هيونداى اكسيل من ناحية الثبات ومن ناحية قوة الشاسية ومن ناحية صرفه قليل الى حد ما