ياريس ولا لانسر 1300

[hazem_khidr]

لعلمك يا ميدو انا معايا الكورولا ال 2007 و الياريس 2008
الياريس اثبت من الكورولا و عن تجربه
الياريس بتبدأ تفقد ثباتها علي 140 اما الكورولا من 120
بالنسبه لملفات جمصه انا باخدها بالياريس علي 120 و عادي جدا ولا فيه اي تأثير من اي حاجه.
و سبب ثبات الياريس هو انها اقصر من الكورولا ب 10 سم و اقل بالعرض ب 1 سم فقط
و دا بيجعل شكلها اقرب للمربع عن الكورولا و بيديها ثبات اعلي.
بالنسبه للوسع بصراحه انا ما شوفتش قاعده ورا اريح من الياريس
و بتاخد تلاته مستريحين علشان ما فيش مقب في النص و الارضيه مسطحه كلها فبتدي وسع لمساحه الارجل.
بالنسبه للموتور انت عندك حق موتورها تجميعه قوي جدا و للعلم هو نفس موتور الكورولا ال 1300 بالحرف.
دا للتوضيح فقط و لو عاوز تتناقش اهلا و سهلا

[dr_youssifomar]

الف مليون شكر على ردودكم الاكثر من رائعة
بصراحة انا حبيت العربيتين
وان شااء اللة هجيب واحدة منهم

[medo akef]

المشاركة الأصلية كتبت بواسطة hazem_khidr لعلمك يا ميدو انا معايا الكورولا ال 2007 و الياريس 2008 الياريس اثبت من الكورولا و عن تجربه الياريس بتبدأ تفقد ثباتها علي 140 اما الكورولا من 120 بالنسبه لملفات جمصه انا باخدها بالياريس علي 120 و عادي جدا ولا فيه اي تأثير من اي حاجه. و سبب ثبات الياريس هو انها اقصر من الكورولا ب 10 سم و اقل بالعرض ب 1 سم فقط و دا بيجعل شكلها اقرب للمربع عن الكورولا و بيديها ثبات اعلي. بالنسبه للوسع بصراحه انا ما شوفتش قاعده ورا اريح من الياريس و بتاخد تلاته مستريحين علشان ما فيش مقب في النص و الارضيه مسطحه كلها فبتدي وسع لمساحه الارجل. بالنسبه للموتور انت عندك حق موتورها تجميعه قوي جدا و للعلم هو نفس موتور الكورولا ال 1300 بالحرف. دا للتوضيح فقط و لو عاوز تتناقش اهلا و سهلا

هي وجهات نظر يا مان و من جانب اخر وزن الكورولا اكبر و عفشتها مختلفه و الي نرفزني لما نزلت تحت اليارس بشوف نظام تعليقها ايه لقيته متصل!!!!!!اكس ماسك العجلتين مكنتش مصدق ان تيوتا لسه بتنزل النظام العقيم ده وده بيخلي العربيه تعوم من ورا جامد طبعا
و في النهايه هي وجهات نظر لكن تقديري الشخصي الكورولا 2/10 و اليارس2-/10
و هو فعلا عدم مجود مقابض وره مكبر المساحه اوي بحس اني اعد في اوضه مش عربيه لكن موضوع زرار فتح الازاز ده هو المستفز اوي بيحسسني اني راكب عربيه ميكروباص
تشرفت بمعرفتك يا مان

[مهند سالم]

زود 3 ألاف جنيه وهات كيا ريو زيرو وريح دماغك.

[hazem_khidr]

هي وجهات نظر يا مان و من جانب اخر وزن الكورولا اكبر

وزن الكورولا ازيد ب 50 كيلو فقط و بالنسبه لحجم الياريس و حجم الكورولا تعتبر الياريس اتقل من الكورولا

و عفشتها مختلفه

الاختلاف من ناحيه ايه بالضبط؟؟

الي نرفزني لما نزلت تحت اليارس بشوف نظام تعليقها ايه لقيته متصل!!!!!!اكس ماسك العجلتين مكنتش مصدق ان تيوتا لسه بتنزل النظام العقيم ده وده بيخلي العربيه تعوم من ورا جامد طبعا

لو كنت قبل ما تنتقض نظام تعليق الياريس لصالح نظام تعليق الكورولا كنت انزل تحت الكورولا (زي ما نزلت تحت الياريس كده) و شوف نظام تعليقها عامل ازاي
حتلاقيه صوره طبق الاصل من نظام تعليق الياريس !!!!!
نعم...فهو متصل ايضا مش مستقل و دا برضه سبب يخليها تعوم.

و هو فعلا عدم مجود مقابض وره مكبر المساحه اوي بحس اني اعد في اوضه مش عربيه

مقابض ايه اللي مش موجوده ورا في الياريس دي؟؟
انا بقول مقب,,,,, و دا معناه الحته اللي بتبقي بارزه في نص العربيه علشان الديفرانس او الشكمان و دي مش موجوده في الياريس ودا اللي قصدي عليه و بيدي مساحه واسعه للقاعده
اما موضوع المقابض اللي بتتكلم فيها دي بالتأكيد حضرتك شفت عربيه تانيه مثلا لان حتي ال 128 فيها مقابض ورا تخيل؟؟؟

لكن موضوع زرار فتح الازاز ده هو المستفز اوي بيحسسني اني راكب عربيه ميكروباص

زرار ايه يا استاذ اللي بتتكلم عليه؟؟
انت متأكد انك ركبت الياريس ؟؟؟!!!!!!!
زراير زجاج الياريس موجوده في المقبض زيها زي الكورولا و زي اللانسر كمان
انا ركبت العربيات دي كلها و متأكد
انا عاوز اعرف شكل الزراير اللي بتقول عليها دي عامل ازاي