رابطه ( قول معاك كام و انا اقولك تجيب ايه بفلوسك )

[hager aly]

ممكن اسالك كام سؤال معلش هتعبك معايا

لو انا عايزه اجيب كيا بيكانتو 2005 اوتوماتيك ... يكون سعرها كام ؟؟
وياترى هى ولا رينو كليو 2004 اوتوماتيك ؟؟؟ وياريت بردو تقولى سعرالكليو يكون كام

والفيات بونتو 2002 تكون عامله كام ؟؟
وايه رايك فى اسبرانزا a311
وياترى صحيح لو جيبت مستعمل مانويل هكون كل شوية عند الميكانيكى .. اصلى بنت ومش هينفع معايا الحوارات دى ؟؟؟

ومعلش سؤال تانى ... هو الشيفورليه سبارك 2008 قد البيكانتو ولا اصغر ؟؟؟
وشكرا لتعبك مقدما

[ahmed mohamed.]

عايز عربية في حدود 60 او تزيد شوية بس تكون المانى

[asdsief]

استاذي الفاضل
امامي عيون صفية 1992 اتوماتيك فبريكة برة وجوة استخدام سيدة ثاني يد حالة جيدة .طالبة فيها 33000
أو
نوبيرا 1997 اتوماتيك كانت معاقين وفكت حظر.فبريكة برة وجوه بس طلمبة البنزين محتاجة تتغير وغطا الزيت كمان عايز تغيير (علي حسب كلام صاحبها). عاملة 178000 كم وطالب فيها 43000
ايه رأي حضرتك علما بأن دي أول مرة أشتري وممكن أغير العربية بعد شوية وأشتري جديد قسط .حاجة كمان انا كل اللي معايا حاليا 40000
وأخيرا أشكرك لسعة صدرك

[YahiaAshraf]

المشاركة الأصلية كتبت بواسطة hager aly ممكن اسالك كام سؤال معلش هتعبك معايا لو انا عايزه اجيب كيا بيكانتو 2005 اوتوماتيك ... يكون سعرها كام ؟؟ وياترى هى ولا رينو كليو 2004 اوتوماتيك ؟؟؟ وياريت بردو تقولى سعرالكليو يكون كام والفيات بونتو 2002 تكون عامله كام ؟؟ وايه رايك فى اسبرانزا a311 وياترى صحيح لو جيبت مستعمل مانويل هكون كل شوية عند الميكانيكى .. اصلى بنت ومش هينفع معايا الحوارات دى ؟؟؟ ومعلش سؤال تانى ... هو الشيفورليه سبارك 2008 قد البيكانتو ولا اصغر ؟؟؟ وشكرا لتعبك مقدما

اوك تمام

بالنسبه للكيا بيكانتو اوتوماتيك 2005 تعمل 53 الف جنيه
و صاحب السياره ماسك شويه مش هتزيد عن 54 الف
و هى عموما كويسه بالنسبه للبنات

بالنسبه للرينو كليو 2004 اوتوماتيك تعمل 47 الف

هى طبعا اقوى من البيكانتو و افضل

بس على رغبة حضرتك عاوزه سيدان او هاشتباك

بالنسبه للفيات بونتو 2002 فمفيش منها غير مانوال بس
و سعرها يعمل من42 الف الى 43 الف جنيه

و هى عربيه فوق الممتازه


بالنسبه للاسبيرانزا a113 مفيش منها غير مانوال برده
و سعرها على حسب الموديل

يعنى 2007 - 2008 من 33 الف فما فوق
و هى تعتبر احسن موديل فى الاسبيرانزا

بالنسبه للشيفورليه سبارك انا منصحش بيها اوى لان البيكانتو افضل منها
و كمان السبارك مفيش منها اوتوماتيك


بالنسبه للمانوال مفيش حاجه اسمها هبقى عند الميكانيكى على طول
بالعكس
ده الاوتوماتيك هو اللى عمره الافتراضى اقل من المانوال

بس فى الاخر كل واحد على حسب استخدامه

و انا عن نفسى لما ببقى سايق بشوف بنات كتير سايقه مانوال كويس قوى


بس فى الاخر سواق مانوال ام اوتوماتيك مش هياثر

لكن الاول تشوفى حضرتك عاوزه مانوال ام اوتوماتيك
و كل واحد على قد سواقته


يعنى انا فى الاول مكونتش بحب المانوال

دلوقتى بالنسبالى ساهل جدا مع التعود

بس الاوتوماتيك ميزته فى الزحمه زى عندنا فى الاسكندريه بس مش اكتر


و اى استفسار انا تحت امر حضرتك

[msm_classic]

انا داخل اقول ربنا يباركلك
مشكور جدا على الموضوع الجامد والمتابعه الحلوة
بس كنت عاوز اعرف رايك في مقارنه بين فيات بنتوا 2002 -2004 و الفولكس بولو 2000 -2002
من وجه نظرك ايهما افضل