اسئلة تهم المبتدئين فى عالم السيارات

[mansho]

ممكن اعرف هى العفشه عباره عن ايه

[AbOnOrA]

العفشة هى كل الاجزاء المسئولة عن تعليق السيارة (منظومة التعليق)
ومكوناتها الاساسية (المساعدين - المقصات - السوست - بارات اتزان ... الخ ) حسب تصميم السيارة

وبالتالى هى المسئولة عن ثبات السيارة فى المنحنيات ومرونتها مع الطرق الوعره

[Payoo]

المشاركة الأصلية كتبت بواسطة محمد التهامى السلام عليكم ارجو الافادة انا معى 20000جنية وعاوز اشترى عربية تكون جامدة لاننى تاجر ادوات منزلية وعاوز احمل عليها بضاعة ارجوكم انصحونى اشترى اية؟

أنا بنصح حضرتك بالعربية البيجو 405
بإذن الله هاتلاقي فيها القوة والمتانه إللي حضرتك بتدور عليهم

وربنا يوفقك لما فيه الخير

المشاركة الأصلية كتبت بواسطة أبو عامر ما شاء الله موضوع رائع سؤالي ايه هو الـ APS وايه هي فوايده؟ وهل له اضرار؟ ولو مش موجود في العربية ممكن اضيف لها ولا لا؟

الـABS له فائد واحده فقط وهي فائده عظيمة جدا ألا وهي منح فرصة لقائد السيارة السيطرة على الدريكسيون أثناء ضغطه على الفارمل حتى وغن كانت الأرض بها زيت او ماء او تراب أو أي شيء يجعل السياره تتزحلق
أي أن الـABS يمنع السيارة من الزحلقه عند ضغط الفرامل
وطريقه عمله شرحها لك صديقنا الفاضل "شركة الأهرام"

أما عن امكانية تركيبه في أي سيارة ام لا ؟ فاستطيع ان اقول لك أنه نظريا يمكن أن يتم تريكب هذا النظام على أي سيارة ولكن عمليا لا يمكن .... وهذا يرجع لارتفاع سعره (مع العلم أنك لن تجده يباع جديد وستشتريه مستعمل "مخلوع من أي سياره).... عدم وجود مكان مخصص له في السيارة مما يضطرك إلى تخليق مكان له باي شكل ..... إتصاله بكل عجلة من عجلات السيارة مما يصعب عملية التركيب ....ز يجب تركيبه من قبل متخصصين وليس صتايعيه عاديين

[waelsalah]

السلام عليكم
معايا سيارة 128 مو 77 1100 سي سي مره او اتنين اللى عملت 180 كم فى الصفيحه وبعد كده 125 كم وده داخل المدينه وكمان كنت الاقي العربيه مره بتسحب حلو ومرة مخنوقه وروحت للميكانيكي قالى عيب كاربرتير وهنضفه وان شاء الله هيظبط ولكن برده لسه الحال زى ما هو والعربيه مشت يومين حلو وبعدين مخنوقه فى سحبها وساعات تفصل على السرعه الهادية ما الحل وارجو الافاده علما انى غيرت نوع الزيت من بترومين اكسترا سوبر الى كاسترول<!-- google_ad_section_end --> <!-- / message -->

[khaled_1993m]

المشاركة الأصلية كتبت بواسطة AboNoRa 1- العربية بتشتغل ازاى - اية اللى بيحصل بعد لما نحط المفتاح و ندور - . ؟ العربية بتشتغل عن طريق عمل مجموعة من عدة انظمة تعمل كلها بشكل متكامل لتشغيل السياراه على سبيل المثال - لا الحصر - مجموعة كهرباء البطارية - المارش - الدينمو - الفوانيس - المساحات - الكماليات الخ الخ - مجموعة حركة والات جر يعنى كل الحاجات اللى بتجر العربية بداية من الموتور نفسة مرورا بالفتيس والدربياج - مجموعة توجية وتعليق وفرامل يعنى كل الحاجات اللى بتتحكم فى اتجاة العربية وبتوقفها وطريقة تعليق العربية على الارض (العفشة) كل مجموعة من ديه بتتعامل مع باقى المجموعات فى تناغم لتحريك العربية والتحكم فيها اولا خلينا نتكلم عن مجموعة مكونات مهمة فى الجزئية ديه مجموعة الكهرباء وديه بداية من البطارية اللى بتدى كهرباء لكل الاجزاء اللى بشتغل بالكهرباء زى الفوانيس والكلاكس و والكاسيت والراديو والاريال والولاعة الخ الخ بس فى المجموعة ديه حاجات ممكن الاستغناء عنها زى اللى قولتهم و اهم من كل دول مايلى : الدينامو (شاحن البطارية) وده المسئول الاستفادة من حركة العربية اثناء السير وتحويلها لكهرباء تخزن مرة اخرى فى البطارية يعنى هو اللى بيشحن البطارية ولو باظ البطارية هتفضى المارش (مبدء الحركة) عبارة عن موتور صغير بيشتغل بالكهرباء (من البطارية) مهمته يدى الموتور الدفعة الاولى علشان يقدر يشتغل بعد كده (فاكرين زمان فى الافلام بتاعة شارلى شابلن كانت العربيات بتدور عن طريق (منفلة) الاول كمان لو تفتكروا الطيارات (ماقبل النفاثة) كان لازم حد يلف المروحة بتاعتها اول لفة علشان تدور هو المارش وظيفتة كده اول زقة بس ملحوظة هامة: لان المارش موتور صغير بيدور موتور كبيييييييير اوى ومصمم لانة يادوب يدى اول زقة بس فلازم وانت بتدور العربية ايدك تبقى خفيفة على الكونتكت يادوب تسمع صوت المارش متبوع بصوت دوارة الموتور وترفع ايدك فورا (الكلام ده كله فى ثانية او اقل) علشان المارش ميبوظش تعالى بقى نشوف ايه احداث تشغيل العربية 1- المفروض اول ما اخش العربية واقعد هبص لو كانت فرامل اليد مرفوعة انزلها (وديه منظومة فرامل دورها كلبشة العجلات الخلفية فقط وده مهم جدا علشان لو المنظومة الاساسية اللى بتكلبش كل العجل باظت او لو انا واقف على مطلع او ارض مش مستوية) 2- لو العربية واخدة غيار همورها (يعنى العصاية تبقى فى النص) علشان لو الموتور اشتغل والغيار متعشق هيزق العربية وتتحرك وانا مش عايز اتحرك انا عايز العربية تدور بس 3- بتدخل المفتاح فى الكونتكت وادورة اول سنة بتشغل النظام الكهربى كله وتبقى العربية جاهزة كهربياً على التدوير التكة التانية بيحصل مايلى بتناغم 4- المارش بياخد كهرباء من البطارية علشان يزق الموتور الزقة الاولى اللى اتكلمنا عليها 5- طلمبة البنزين بتسحب من التنك كمية مناسبة لتغزية المحرك 6- لوالعربية انجكشن وحدة الكمبيوتر بتحدد مقادير خلط الهواء بالبنزين ودفعة عن طريق الرشاشات لداخل الموتور 7- فى اجزاء (الموبينة والاسبيراتير) دول مسؤلين عن تغزية البوجيهات (شمعات الاشتعال زى الاشعال الزاتى اللى موجود فى البوتجازات او السخانات الغاز او زى اللى موجوده فى الولاعات ) تقوم البوجيهات تعمل شرارات تحرق بيها خليط البنزين مع الهواء فيحصل الاحتراق (انفجار) يزق مكونات المحرك الداخلية للحركة (البساتم - الكرنك الكامات .. وعلشان كده اسمها محركات الاحتراق الداخلى) 8- فى نفس الوقت طلمبة الزيت تبداء تدفع الزيت للموتور علشان يلين عملية الحركة والاجزاء الداخلية للموتور متتاكلش ملحوظة اصعب حاجة على الموتور فى حياتة هى لحظات الدوارة الاولى علشان التزييت بيبقى قليل والزيت بيبقى لسه بارد فنسبة التاكل بتبقى اكبر والاجهاد بيبقى اكبر وده السبب اللى بيخلينا نسخن العربية الاول قبل ما نتحرك بيها علشان الزيت يتحرك فى كل مكان ويسهل حركة الموتور 9- بعد ما يدور المحرك تتولى مجموعة تغزية الوقود (سواء حقن الكترونى او كربراتير) تنظيم تغذية الوقود بالشكل اللى يخلى الموتور يشتغل باقل عدد لفات كافى لتدويرة وديه اللى بنسميها سرعة السلانسية وكده العربية دارت اترك المجال لباقى الزملاء لاستكمال الشروحات والرد على باقى الاسئلة

والله انت اكتر واحد انا بستافيد منه في المنتدي ده و كل يوم بتزودلي معلوماتي في موضوع العربيات