رابطة ملاك ومحبى السفينه فيات 132

[mOuStaFa_ERTU]

السلام عليكم ورحمة الله وبركاتة ...
كل عام وانتم بخير ...
وتحية طيبة وبعد ...

احب اتوجة بالشكر لكل من دعالى بالخير وافتكرنى فى غيابى الفترةاللى فاتت دى
واختص بالشكر كلا من :
* ايمن
* هشام الجزار
* محمد القاضى
* كار ادمايرز
* احمد صادق
وكل اعضاء الرابطة الكرام

الفترة اللى فاتت دى الدنيا كانت ملطشه معايا بالاوى وكنت شايب الشغل ومفيش نت ومراتى كانت تعبانة اوى وانا كمان السكر مبهدلنى بس الحمد لله على كل حال ..
المهم دلوقتى الدنيا بقت احسن بكتيير وفعلا رمضن كريم والله اكرم

انا رجعتلكوا تانى وان شاء الله نفضل اخوات وصحبة حلوة باذن الله على طول

[mOuStaFa_ERTU]

البوست ده ل هشام مخصوص عشان اكتر واحد كان بيتصل بيا وانا مكنتش برد علية خالص وكان على عينى والله بس لو عرف السبب بطل العجب

من ساعة اخر مرة كلمتك وقولتلك على الفرامل وكان ميعادنا الجمعة نروح نظبطها انا استنيتك كتير وقعدت اتصل بيك بس معرفتش اوصلك

تعبت انا بقة السبت ورحت كشفت وكانت الغدة عاملة معايا السليمة وعملت عملية عشان اشيلها والعملية دة مصيبة عشان الرقبة بتتفتح والغلطة بفورة
فانا من عند الرقبة مفتوح اكنى مدبوح وطبعا مش بتكلم خالص لمدة كبيرة اوى وطبعا مش عارف اتكلم ولسه بس النهاردة روحت فكيت السلك وطلعلى صوت
فلو فتحت عليك زى ما فتحتش بس الحمد لله على كل حال
وانا بقيت كويس اهو

واحب اقول

انا بحب صحابى انا بحب صحابى

[mOuStaFa_ERTU]

يا رجاله
احنا متقابلناش فى رمضان
وقلت ماشى
انما العيد لو متجمعناش بقه هعملكم برنامج
مصطفى ثعلب الصحراء وهخطفكم من بيوتكم واحد واحد
واحشنى والله وعايزيين نتجمع بقه

[mOuStaFa_ERTU]

:Wkis s5:
:playing_musi c:

[shoman011]

المشاركة الأصلية كتبت بواسطة mostafa3tef كده هاتجيب للراجل احباط يا ايمن واحنا فى دخلة عيد بص يا سيدى بالنسبة للمهلة ليك 30 يوم من بعد انتهاء الرخصة ولو اتأخرت عن الشهر السماح ده هتدفع غرامة 91 جنية زيادة عن ثمن الضريبة الاصلية اللى هى 274 جنية بس. مش 370. نيجى بقه للتكالييف 1- 5 جنية ورق عبيط كده مثل * ملف ورقى. * تصوير رخصة السيارة وبطاقتك الشخصية * بيان صرف لوحات. * حافظة ضريبة والكلام ده. 2- نموذج فحص ب 15 جنية فقط مش 45. 3- تدفع التأمين الاجبارى 113 جنية ولو تاريخ الرخصة خلص هاتدفع 124 جنية وده للسنة الواحدة. ضريبة العربية اللى هى 274 جنية ولو الشهر السماح خلص هايبقى 274 + 91 = 365 جنية. 4- لو عليك مخالفات ولو معلكش بتدفه 5 جنية بس. دى المصاريف تقريبا الترتيب بقة 1- تروح على كشك التصوير وتشترى اول حاجة دول * ملف ورقى. * تصوير رخصة السيارة وبطاقتك الشخصية * بيان صرف لوحات. * حافظة ضريبة والكلام ده. وتطلع على شباك التجديد وتديلة الرخصة هيملالك هيديك ورقة تدفع بيهم الضريبة تروح بقة تدفع الضريبة فى الخزنة وبالمرة تشترى نموذج الفحص ابو 15جنية بس مش 45. نموذج الفحص يتكون من 3 ورقات هم * ورقة للطفاية صغيرة كده * ورقة الفحص الفنى * ورقة الفحص البيئى 2- تروح تدفع التأميين الاجبارى باسمك انت متنساش. 3- تطلع شهادة المخالفات. 4- تروح تفحص المحروسة باسمك انت ماتنساش. 5- تروح للامور اللى على الشباك وتديله الملف ده وشكرا 6- تستلم الرخصة. 7- تروح تنام لحد المغرب وكفاية عليك كده

اولا حمدالله على سلامتك والف سلامة عليك وكل سنة وانت طيب
وبجد الف الف الف شكر على المعلومات دى انت كده طمنتنى بس بالنسبة لموضوع المثلث والشنطة ده لازم اجيبهم ولا عادى وبالنسبة للطفاية انا عندى طفاية فى المحل لسه جديدة بس هى كبيرة شوية ينفع اروح افحص بيها
ومعلشى كنت عايز اعرف حاجة تانية انا كنت عايز احول من مرور القوات المسلحة لمرور العجمى عندنا علشان العربية عندى مرور القوات المسلحة فكنت عايز اعرف اعمل ايه . اروح مرور القوات المسلحة وأسأل ولا اروح على مرور العجمى على طول وهل فى ورق اجيبة تانى غير الى انت قولتلى علية
معلش انا هتعبك معايا بس والله اصلى انا اول مرة امشى فى الحوار ده وضارب لخمة اوى فيه .
والف شكر ليك مرة تانية