الفريق / احمد شفيق مرشحأ لرئاسة الجمهورية

[AbOnOrA]

انا قولت مش علق على شفيق شكلا ولا موضوعاً وملتزم بكده بس فى سياق الكلام عن مصر للطيران نفسها احب اشهد شهادة مع كامل احترامى وتقديرى للكثيرين من العاملين بالشركة ولى اصدقاء منهم
وشهادتى من واقع تدريسى انا وزملائى لبعض العاملين (وعلى درجات عالية وظيفياً) فى عام 2003 اثناء عملى كاستشارى ومحاضر فى شركة IT Valley بمدينة نصر

بالمناسبة ديه كانت شركة مساهمة وكانت تربطنى علاقات صداقة مع اصحاب الشركة مباشره بما يكفى لمعرفة تفاصيل العقد واقر اننا اخدنا الشغل (كورسات التدريب فى اكتر من مجال لعدد كبير من العاملين) بدون مناقصة ولا مزايدة بالاسناد المباشر

بس مش ديه القضية الفكرة اننا كنا بندرس ونقدم استشارات لناس كتير وبالرغم من القواعد اللى المفروض تبقى صارمة عادة فى قاعات التدريس كنا بنسمح بتجاوزات دائما لعملاء الشركات
فمثلاً لما كنا بندرس لفودفون كنا بنسمحلهم يتفتحو موبيلاتهم ويردو فى اى وقت ويستاذنو ومش ملتزمين بساعات حضور وهكذا كانت كل شركة ممكن يبقى ظروف خاصة تسمح بتجاوز النظام لكن غالباً لمصلحة العمل
اما موظفى مصر الطيران فكانو بيغيبو بمزاجهم والا انك تلاقى واحدة جايه بشبب وقالعاه وبتهوى رجليها فى المحاضرة او واحد قاعد بيقزقز لب وانت قاعد بتشرح
طبعاً انا مقصدش التعميم ولا حتى الاسائه ليهم شخصياً لكن كانطباع عام كان واضح مدى الامبالاه والبيروقراطية تماما زى موظفين وزاره الكهرباء ووزاره الاوقاف اللى سبق لينا التعامل معاهم قبل كده وكان ليهم حكايات ونوادر برضو

ده غير المعروف من مشاكل التعيين سواء التثبيت او نظام التعيين بالوسائط وغير المعروف عن الاداء العام للشركة مقارنة بتاريخها مقارنة بشركات وليدة اخرى عربيه او حتى افريقيه

والشاهد ان مصر الطيران زيها زى باقى القطاعات حكومية الطابع بيروقراطية المنهج فاشله بالثلث وعبىء على الدولة كمان للامانة وكيان احتكارى كمان والمفروض تتحول لقطاع مختلط وادارة جادة تعمل للربحيه وممكن تدخل شركات خاصة وممكن الحكومة تبقى تدعمها من ان لاخر يعنى مش وصله من العمومى كده

[Explorer]

فيديو يكشف عن قضايا فساد لشفيق من موظفى وزارة الطيران

http://www.youtube.com/watch?v=mYVXCiPN6zA

[mostafa_elkholy]

المشاركة الأصلية كتبت بواسطة tonsy1979 اسمه الفريق/احمد شفيق يا باشا حكم العسكر مش بالزى العسكرى حكم العسكر بيجى بعد طلوع السادة اللواءات مناصب هامة وحساسة فى الدولة وده بيتم بسبب انتمائتهم العسكرية لضمان ولائهم وطاعتهم العمياء للحاكم العسكرى واتباعه لتكتمل منظومة الفساد لو حضرتك ركزت فى كلامى هتلاقيه منطقى وسليم وموجود حوالينا فى كل مكان وانا شغال فى مكان حكومى مدنى صرف وفيه لواءات على المعاش وحشرين نفسهم فى ترأس هيئات وقطاعات بدرجة نائب وزير فى حين ان فيه مدنيين متخصصين وكفاءات مركونين على الرف ده حضرتك تسميه ايه وبالمناسبة في لواء من هؤلاء محبوس على ذمة قضية فساد مع شلة بورتو طرة وسلملي على حكم العسكر ملحوظة هامة انا بحب الجيش المصرى جدا واقدره واوقره لاننا من غيره لا شئ فهو خير اجناد الارض فارجوا كمتعلمين ومثقفين الفصل بين حبنا للجيش ورفضنا لحكم العسكر كما شرحت سلفا .. وتقبل تحياتى

كلامك صح ياباشا بعض اللواءات الى هما على المعاش الى هما شغالين فى الحكومه انا معاك فى الكويس وفى الوحش بعض اللواءات اما كانوا فى الجيش بعد التخرج من الكليه الحربيه كانوا بيروحوا مثلا جامعه القاهره ويخدوا بكاليريوس مثلا بكاليريوس تجاره + بكاليريوس علوم عسكريه وبعد مايطلع معاش يعد فى البيت بعد ما عمل كل ده يبقى حرام

[mostafa_elkholy]

المشاركة الأصلية كتبت بواسطة walidelmorsi السلام عليكم ارجو من سيادتك ان لا تعمم كل من كانو فى مصر للطيران لانى واحد منهم والحديث على اننا نقول على شفيق انة راجل محترم هذا غير صحيح لاننا عانينا من الظلم والمحسوبية والقهر فى عهدة بما فية الكفاية ولم يستفيد غير اللواءات المعينين مستشارين ولا يظهرو اطلاقا ولا نعرف لهم مهام وظيفية وكانت رواتبهم تصل الى 500000 جنية نعم 500 الف جنية شهريا وكانت ايام سودا . حسبى الله ونعم الوكيل

انا مقولتش كل موظيفى مصر الطيران الى انا قولته موظفين فى مصر الطيران

[mostafa_elkholy]

وانا تانى صوت