حقك علينا يا ريس

[zoomaa&mizaa]

حقك علينا يا ريس ؟
واحنا حقنا على مين يا خويا ؟
حقنا على أهالينا عشان خلفونا أصلا صح ولا حقنا على نفسنا على شان أحنا ولاد ستين فى سبعين ومعندناش ضمير ولا أخلاق ولا عرفان بالجميل دة الراجل ما سبش حاجة هو ورجالتة طول ال30 سنة ألا وعملوها لمصر .
(سرقة .فساد .قتل .أرهاب .ترويع .خيانة .قتل للدين .نشر للفاحشة) وممكن أكتبلك قائمة بأنجازاتة لا تستطيع أن تكمل قراءتها .

كدنا نيلا شعب أهبل وعبيط على كدة بقة لو كان عيط كنا نموت نفسنا علشان الدمعة بتاعت سيادتة بلا قرف .

[احمد الشناوى1981]

المشاركة الأصلية كتبت بواسطة فادى الرئيس مبارك شئنا ام ابينا هو الرئيس المصرى المنتخب شرعيا من الشعب المصرى, يعنى افهم من كده ان تم اختياره من الشعب من بين مرشحين كبار على قد اسم مصر و الا مصر مفيهاش ؟و الظروف الى مسك فيها الحكم من 30 سنه كانت انتخابات شرعيه ؟ الثورة التى تطالب برحيله هى ليست ثورة على مبارك أو على النظام, بل هى صورة على الشعب المصرى و اختياره, حتى دون تزوير, فان مبارك كان سيكتسح الانتخابات. لا نوافق على الانقلاب على الشرعية و القانون, من قال ان المرابطين فى ميدان التحرير ايا كان عددهم يمثلون الشعب المصرى؟! مصر بلد مستهدف, و الشباب تم التغرير بهم لصالح جهات خارجية يعلم الله ما هى اغراضها.

طيب ليه مفكرتش فى الجهات الداخليه الى غررت بيهم زى الفساد و السرقه و النفاق و السفاله و البجاحه الى ملت البلد
و الا حضرتك مش عايش فى مصر !!!

[SALAHHAKIM]

السلام عليكم
ضد الفساد ونعم مبارك
والغريب ان نطالب بالديمقرطية لنا ولا نتطبقها على المتعاملين معنا والاغرب نهاجمهم
لا يوجد دليل واحد على اى شائعة من التى كانت تقال قبل او بعد التظاهر كله كلام في كلام
انا اعتذر يا سيادة الرئيس

[MIDO-SPICY]

انا عايز اقول انى لسه شايف على التليفزيون المصرى دلوقتى مداخلهمن شاب اسمه تامر مقدرتش اعمل او اقول حاجه بعدها غير انى اخد سيجارتى واخرج اقف فى البلكونه علشان ادارى دموعى وحرقة قلبى واللى مقدرتش انى اوقفهم ..

الشاب بيتوسل للتليفزيون وهو منهار تماما من كتر البكاء انه يتواصل مع الشباب قبل بكره ويقولهم يروحوا

هو واحد من اللى بقالهم 10 يام فى الشارع ولما احتكم لصوت العقل روح هربان علشان ماحدش يقول عليه انهخاين

ومعرفش قرار الحربيه بامكانية انهم يروحوا غير لما راح عند اقارب ليه فى غمره

وبيتوسل للتليفزيون انه يوصل التحرير دلوقتى ويبلغ الشباب بالقرار دا

فين ناس كتير جدا عايزه تروح وخايفه من امن الدوله

بيقسم بالله العظيم اكثر من مره ان فيه ناس مش مصريين دلوقتى جوه المظاهرات وكانوا معاهم من اول يوم بيتكلموا معاهم وكانوا بيتظاهروا معاهم وبيجيبولوهم وجبات وشاى وسجاير وبيعملولهم اللافتتات اللى هما عايزينها وقاعدين ياثروا عليهم طول الليل

وقال انهم قالولهم ان بكره جمعه الوداع .. وداع لمين ؟؟؟

وانهى مكالمته وهو فى حالة اعياء من كتر البكاء

بالماسبة مزيع القناه طلب منه انه يجى دلوقتى على التليفزيون علشان يتكلم معاه وحولوا الخط على الكنترول علشان ينسق معاهم هيجى ازاى بس الولد مابداش قبول او رفض

_________________________ _________________________ ____

انا حاسس يا جماعه ان مصر بتسقط .. مصر تعدت مرحلة الثورة واصبحت فى حالة حرب .........

وحرب على مين ... حرب علينا احنا مش على شويه مبانى ولا على شويه فلوس نقدر بتعبنا وعرقنا اننا نعوضهم واحنا فخورين باللى عملناه

دى حرب ابادة للشباب اللى انا فى قمه حزنى انى ماكنتش معاهم علشان افضل فخور بنفسى باقى عمرى ادام نفسى وادام بنتى وادام عيلتى وبلدى

حرب اباده للشباب اللى رفعوا اسم مصر فوق قوى .

حرب اباده للشباب اللى ماحدش قدر يعمل زيهم مش من 30 سنه لا يمكن من 50 سنه او اكتر

حتى ثوره يوليو الشهيره اللى عملها مش شويه شباب عزل .. لا دى قياده جيش ليهم سلطه ونفوذ فى البلد ومعاهم سلاح ثقيل

مش عارف اعمل ايه للناس دى علشان احاول اجنبهم ولو ا % من اللى ممكن يحصلهم بكره

دمهم هيروح هدر

مش لاقى غير انى اقوم اتوضى دلوقتى واصلى وادعى ليهم ان ربنا يحميهم بكره من عنده ويبعد عنهم اى شر ويبيد الظالمين

الناس دى مش عايزه حاجه اكتر من انها تحس انها ليها كرامه فى بلدها ودى ابسط حقوقهم وكون ان الحكومه تنفذلهم دا فدا مش تفضل منهم وانما دا واجب عليهم

يارب حافظ علينا وعلى بلدنا وابعد عنا اى شر ..

اللهم اضرب الظالمين بالظالمين واخرجنا منهم سالمين

يارب رجع لاخواتنا فى ميدان التحرير دلوقتى رشدهم وعقلهم قبل ما تحصل الكارثه اللى كلنا هتسيب جوانا شرخ كبير

وبطلب من جميع الاعضاء اللى فى المنتدى انهم بكره فى صلاه الجمعه ان امام المسجد يدعوا فى صلاته ليهم وان ربنا يخرجنا من اليوم دا سالمين

يارب

انا بكتب المشاركه دى فى اكتر من موضوع دلوقتى علشان اكبر عدد من الاعضاء يقروها ويدعوا معايا للشباب دى ويدعوا وهما بيصلوا من دلوقتى لبكره فى صلاة الجمعه

حقك علينا ياريس اننا لم نحترم سنك وقدرك
حقك علينا لاننا غلطنا فيك بكل قلة ادب متاحة
حقك علينا لان اليوم خلاص مابقاش الصغيرين يحترمو الكبار
حقك علينا لاننا يوم الثورة 23 يوليو52 احترمنا الملك ولم يغلط فية احد من كبار الضباط ولم يتعدى علية احد كان رغم كل ماكان معروفا عنة من نزواتة و.....برضة احترمة الجيش ولم يهينة
حقك علينا ان ابنك واعوانة ضحكو عليك وانت وثقت فيهم ضعفا امام ابنك(مين فينا مابيبقاش في اضعف حالاتة امام ابنائة)
حقك علينا انك فضلت قاعد وماهربتش زي الجبناء لانك تربية اعظم جيش في الوجود
بس...كلمة اخيرة
اشكر صاحب الموضوع عليه.....