رابطة مالكى الاكسل

[miam0502788391]

المشاركة الأصلية كتبت بواسطة waelsalah بعد إذنكم عاوزين نفتح موضوع الزيت خصوصا اننا نمتلك نفس العربيه اعتقد هتبقي ميزه ان كل واحد ينقل تجربته وهو مستمر على نوع ايه وبيغيره كل اد ايه وسعره وحالته مع المكنه ؟ وشكرا

انا هقول على تجربتى
انا كنت بستعمل بترومين اكسترا الابيض بعد العمرة وكنت بغيره كل الف كيلو , هو جيد لا بأس به وان كان ليس الأفضل لأنه وقت الغيير بيكون لونه غامق ولزوجته ليست على الدرجة المطلوبة
حاليا انا استعملت الشل الاصفر اللى بيتغير على 3000 كيلو مرتين انطباعى عنه انه جيدجدا وافضل من الموبيل والبترومين والأسو بمراحل وبيخلى صوت الموتور اهدأ ولزوحته وانت بتغيره بيفضل محتفظ بيها
اسوأ زيت انا جربته كان موبيل الرصاصى اللى بيتغير على 10000 كيلو لا يصلح ابدا للمواتير القديمة لأنه بيفقد اللزوجه بعد 3000 كيلو على اقصى تقدير وبيتحرق فعلا كان سيىء

[waelsalah]

المشاركة الأصلية كتبت بواسطة miam0502788391 انا هقول على تجربتى انا كنت بستعمل بترومين اكسترا الابيض بعد العمرة وكنت بغيره كل الف كيلو , هو جيد لا بأس به وان كان ليس الأفضل لأنه وقت الغيير بيكون لونه غامق ولزوجته ليست على الدرجة المطلوبة حاليا انا استعملت الشل الاصفر اللى بيتغير على 3000 كيلو مرتين انطباعى عنه انه جيدجدا وافضل من الموبيل والبترومين والأسو بمراحل وبيخلى صوت الموتور اهدأ ولزوحته وانت بتغيره بيفضل محتفظ بيها اسوأ زيت انا جربته كان موبيل الرصاصى اللى بيتغير على 10000 كيلو لا يصلح ابدا للمواتير القديمة لأنه بيفقد اللزوجه بعد 3000 كيلو على اقصى تقدير وبيتحرق فعلا كان سيىء

تسلم يا دكتر وربنا يباركلك

[نودلز]

هو ياجماعه الكلاكس لو علق افصله منين اصل بيعلق معايا كتير بس لحد الوقتى لو ضغطت عليه بيفصل بس خايفه الموضوع يتطور
وكمان سلك اللقط بتاعها فين لأنى غاويه مطبات جدا والسلك بيتهز وطبعا الكهربائى بيقعد يصلح فيها طول اليوم ويركب ويشيل وفى الأخر يقول السلك
و معلش كمان الكماليات او الاكسسوارات "اروق عليها يعنى " اجيب منين الحاجات دى من المنصورة
وجزاكم الله خيرا

[eng_gouda2000]

أشكر مصمم هذه الصفحة ويسعدني الانضمام إليها

أولاً أنا عاوز أشتري العربية دي ومعروضة علية ومواصفاتها كما يلي
إكسل هاتش باج موديل 96 مانيوال
موتور 1500 سي سي إستيراد من سنة ونصف مثبوت على الرخصة 1300 سي سي
باور تكييف أربعة زجاج كهرباء عفشة جديدة بطارية جافة من سنة تقريباً
فبريكة برة وجوة تحتاج شغل بوية وسمكرة

صاحبها طالب 28 ألف نهائي وأنا أول مرة أشتري عربية

هل السعر مناسب أم ماذا أرجو الاهتمام جزاكم الله خيراً

[miam0502788391]

المشاركة الأصلية كتبت بواسطة eng_gouda2000 أشكر مصمم هذه الصفحة ويسعدني الانضمام إليها أولاً أنا عاوز أشتري العربية دي ومعروضة علية ومواصفاتها كما يلي إكسل هاتش باج موديل 96 مانيوال موتور 1500 سي سي إستيراد من سنة ونصف مثبوت على الرخصة 1300 سي سي باور تكييف أربعة زجاج كهرباء عفشة جديدة بطارية جافة من سنة تقريباً فبريكة برة وجوة تحتاج شغل بوية وسمكرة صاحبها طالب 28 ألف نهائي وأنا أول مرة أشتري عربية هل السعر مناسب أم ماذا أرجو الاهتمام جزاكم الله خيراً

أولا شوف حالة الموتور لأن عمرة الاكسيل مكلفة ممكن تخش فى 2000 جنيه والموتور الاستيراد فيها اغلى من بتاع الاكسنت
شوف كمان شغل السمكرة وشوف هيكلف كام
الهتشباك آخرها 26-27 الف بس فى موديل 1300 سى سى لكن 1500 هتزيد شويه لو بحالة جيدة
انا من رأى انها تخلص على 26 الف على اساس انها هتصرف من 1000-2000 سمكرة ودوكو تبقى وقفت عليك ب 28000
وخد بالك برده ان الهتشباك فى الاكسيل سوقاها نايم شوية علشان مش منتشرة كتير زى السيدان , يعنى ممكن تتعبك فى اعادة البيع