تغطية لاهم الاحداث بعد الانقلاب العسكرى من وجهه نظر مؤيدى الشرعية

[peter magdy]

واللة يا استاذ تامر انت برنس
شوية صور معبرة احسن من 1000 كلمة
بس فين اللى يفتح مخة و يفهم - المشكلة لما تيجى تكلم واحد فيهم بيحسسك انة مظلوم و انة على حق
غريبة ان القاتل بقى مظلوم و اللى مع الحق بقى قاتل و بيساعد فية
انا نفسى كل واحد بيخرب فى البلد يتحبس - عارف هتلاقى الاخوان كلهم فى السجن هههههههههههههههه
كل دة علشان مرسى رد السجون- انا مش عارف لو كان عمل حاجة عدلة كانو عملو اية وش النحس دة
اهو بعد ما مشى الاجور هتتظبط و البورصة فى العالى و و مصر بقا يتعملها 1000 حساب بعد ماكان وكيل وزارة يستقبل ابن العبيطة دة و مخلى مصر صغيرة على ايدة
كفاية تفائل المصريين ان مصر هتبقى احسن
فى الاخر نقول يا ربنا يهديهم يا يتحبسو - بلاش الواحد يدعى عليهم علشان نوريهم فرق الاخلاق علشان هما معدومى الاخلاق و الضمير زى جماعتهم
و متزعلش نفسك يا استاذ تامر - علشان فى مقولة جميلة بتقول
الكلاب تعوى و القافلة تسيييييييييييييييير

[Eng/salwa]

السلام عليكم اخوانى المحترمين الاعضاء الكرام
وبصفة خاصة أ/تامر كوكو
صدقنى انا احترم حضرتك جدا واحترم اخوانى الكرام اعضاء المنتدى الكرام واعتقد انك تعلم اننى لا أؤيد سياسة د/مرسى والاخوان من زمااان يعنى انا مش محتاجة اقولك انى مش اخوان لانك تفضلت مشكورا قبل ذلك بدفع الاهانة عنى والرد على عضو اخوانى اهاننى فى موضوعى (مجرد فضفضة فى زمن الاخوان )
ولكنى يصعب عليه قوى ان اقرأ واتابع هذا المستوى فى النقاش الذى وصلنا له بعضنا البعض فى منتدانا المحترم
ويصعب عليه قوى انى ازعل من اخ كريم محترم مثلك
بلاش كل ما حد من الاخوان او المدافعين عنهم يعمل موضوع يعرض وجهه نظره او دفاعه عنهم او عن د/مرسى تنزل حضرتك فى الموضوع بكل هذه الكاريكاتيورات وخلافاها من شتائم فى الاخوان وجماعتهم لا تنكر عليهم حق من حقهم يعملوا مواضيع يدافعوا بها ويشكروا ويعرضوا وجهات نظرهم بلاش نعمل زى قنوات تليفزيونية كتيييير تنكر هذا وتحرمه عليهم وتحلل كل واى برنامج يشتم فى الاخوان ويمسح بيهم الارض وبلاش التعميم والشمول فكل فصيل او حزب او جماعه فيه الكويس وفيه الوحش
عندنا مواضيع كتيييير هنا بتشتم فيهم وتهزأ وقلنا دى حرية رأى وديمقراطية
فلماذا أخى الكريم نكيل بمكيالين وهذا لا يرضى ربنا ولا يرضى اى انسان محايد وغير منحاز لأى طرف
ارجوك ان تنأى بنفسك وتترفع عن هذا الاسلوب
فأنا اشعر بأن جميع أعضاء منتدانا المحترم ناس محترمه
المهندس أحمد صاحب الموضوع من حقه يحب د/مرسى ويدافع عنه
مش دى الديمقراطية فلا داعى ان نحجر على رأى أحد ونهاجم على طوووول الخط بهذا الشكل والاسلوب
خلى مواضيع الهجوم ورسوماتها فى مكانها لمن يريد ودى حرية
وخلى مواضيع الدفاع ايضا وكل انسان حر فى ما يقتنع به

جزاكم الله خيرا
اللهم ارنا الحق حقا وارزقنا اتباعه
اللهم ارنا الباطل باطلا وارزقنا اجتنابه

[osama-am]

سبحان الله وبحمده سبحان الله العظيم

[tamer.koko]

المشاركة الأصلية كتبت بواسطة peter magdy واللة يا استاذ تامر انت برنس شوية صور معبرة احسن من 1000 كلمة بس فين اللى يفتح مخة و يفهم - المشكلة لما تيجى تكلم واحد فيهم بيحسسك انة مظلوم و انة على حق غريبة ان القاتل بقى مظلوم و اللى مع الحق بقى قاتل و بيساعد فية انا نفسى كل واحد بيخرب فى البلد يتحبس - عارف هتلاقى الاخوان كلهم فى السجن هههههههههههههههه كل دة علشان مرسى رد السجون- انا مش عارف لو كان عمل حاجة عدلة كانو عملو اية وش النحس دة اهو بعد ما مشى الاجور هتتظبط و البورصة فى العالى و و مصر بقا يتعملها 1000 حساب بعد ماكان وكيل وزارة يستقبل ابن العبيطة دة و مخلى مصر صغيرة على ايدة كفاية تفائل المصريين ان مصر هتبقى احسن فى الاخر نقول يا ربنا يهديهم يا يتحبسو - بلاش الواحد يدعى عليهم علشان نوريهم فرق الاخلاق علشان هما معدومى الاخلاق و الضمير زى جماعتهم و متزعلش نفسك يا استاذ تامر - علشان فى مقولة جميلة بتقول الكلاب تعوى و القافلة تسيييييييييييييييير

S LAM

[tamer.koko]

طبعا يا بشمهندسه سلوي انتي عارفه انا بحترم حضرتك ازاي
وساعه موضوعك لوتفتكري من وسط المنتدي محدش وقف وصد الكلام الغير لائق غيري بمعني اني مبحبش الانحدار في المستوي الاخلاقي ورفع الالقاب في الحديث
ومشفتش شهامه ورجوله لكون حضرتك امرأه وحد يدافع حتي من باب الرجوله والنخوه رغم الاختلاف السياسي
وحضرتك زعلتي من المستوي الغير لائق في الحوار ومزعلتيش لما حد يكلمني ببرود واستفزاز وبدون القاب
علي الرغم ان لو حضرتك افتكرتي اول بدايه خناقه حضرتك كانت بسبب رفع الالقاب في توجيه الكلام لحضرتك وووقفت معاكي ضد اخواني وهم لسه في الحكم ركزي علي دي

والمنتدي اغلبه بينتقدني اني بعمل كده في ظل وجود موضوع التحايل الاخواني وكأني قبطي او اجنبي او كاره للاسلام مش عارف ليه
هو مينفعش اكون مسلم وموحد بالله وبكره حاجه اسمها جماعه الخونه المتأسلمين
و كونك غير مؤيده للاخوان وايضا غير راضيه عن طريقه خلع مرسي كما قرأت لحضرتك في موضوه ده برده شئ يرجعلك

ومشوفتش برده حضرتك علقتي علي المشاركه اللي مكتوبالي اني اعيط واشتكي ودبح والاونطه دي
ولا شوفت حضرتك علقتي ان في عضو مبيردش علي حد غيري انا بالاخص هنا وفي مواضيع تانيه ويمكن ده سبب عنادي
ولا شوفت حضرتك علقتي علي شتيمه المؤيدين للسيسي انهم من لاحسي البياده وشتامين ورداحين ولسانهم طويل

ليه بقي حضرتك علقتي علي كلامي بس
بس ده عادي انا مش عاوز حد يدافع عني ولا حد ينتقدني

ولكن اناراضي جدا عن فكرتي عن الاخوان كفصيل سياسي مجرم
وراضي جدا علي كميه الكاريكاتيرات بتاعتي لان ببساطه محدش يدخل في موضوع يطلعلي الاخوان ملايكه واحنا ندخل نشوف ونسكت ونصدق ولا حضرتك نسيتي لما الناس كانت بتموت في عهدهم ويقولك ايه اللي وداهم هناك ولا حضرتك نسيتي التخوين والتكفير لينا في عهد مرسي والخروج علي الحاكم حرام
نسينتي يا بشمهندسه انا منسيتش دم الناس اللي ماتت ولا هنسي حقهم وحق بلدي عليا
يبقي هو معارض وانا مؤيد
انا انزل فضايحهم وهو ينزل فضايح النظام ده عادي
واللي عاوز يدخل ينزل في موضوع التحايل الاخواني كلام معارض للنظام الحالي وثوره 30 يونيو هو حر يدخل وبالفعل حصل وبقي في كاريكاتير وتعليقات مضاده للموضوع ومحدش اتكلم
بس للاسف عشان هم فضايحهم اكتر خلتهم علاطول في موضع الرأفه وكمان مهما عمل النظام الحالي مش هيجيب ربع مصايبهم يبقي انا اقول اللي عاوزه واكتب كاريكاتير وهو كمان يكتب كاريكاتير ولو لاحظتي يا بشمهندسه سلوي انا مبتكلمش بلساني لا كله فكاهه
يبقي ليه اسكت عشان الموضوع يبقي ليهم لوحدهم هو مينفعش يعرض وجهه نظره وانا اقول وجهه نظري وللقارئ والمتصفح معرفه من الاسوء