ارشيف احداث عام 2010

[Injection]

نبيل الوحش ده راجل عسل, كل شوية يطلع بقضية عجيبة, ولا كأنه مسئول عن البلد باللى فيها, هو الراجل ده مبيشتغلش ولا أيه؟

وبعدين أنا شايف أن الموضوع يختص بعماد متعب بس , يحضنه, يبوسه مالناش أحنا دعوة بالحاجات دىptmnlo123per135

[sh_masry]

يعنى هو راح يلعب محترف فى نادى اسرائيلى ؟؟؟؟ وللا راح يلعب محترف فى نادى ببلجيكا ؟؟؟؟ بالتالى طالما بيلعب فى نادى ببلجيكا يبقى لا غبار عليه انه يلعب مع اى محترف مثله من اى دوله ..... التطبيع ده لو راح يلعب فى اسرائيل نفسها لنادى اسرائيلى لكن هو بيلعب لنادى ببلجيكا و مايقدرش يجبر النادى يجيبوا مين يلعبوه و مايجيبوش مين , و بلجيكا تعتبر محايده مالهاش علاقه ده اسرائيلى وللا ده مصرى كل اللى يهمهم مين هايدى اكتر فى الملعب و مين هايلعب احسن !!!!

[فاطومه المصريه]

المشاركة الأصلية كتبت بواسطة remomeme مع احترامي الشديد لأرأكم لكن انا عايزه اقول ان الموضوع مش بسيط زي ما انتوا شايفين عشان إسرائيل هتعرف تستغل الموضوع ده كويس جدا ptmnlo123per180 بعدين يا مصريين هان عليكوا تقولوا انه ايه المشكله انه يحضن اسرائيلي بعد ما يجيب الجولptmnlo123per195ايه المشكلة!!!!! هان عليكوا تقولوها اصلا !!!!؟؟ انا معاكوا انه مش لازم يسقط عنه الجنسية و الكلام ده بس لازم يحذروه ان ده ما ينفعش و ان الجمهور المصري مش هيشجعوا و هيفقد شعبيتة ومش هيلعب في المنتخب بعد كده الموضوع مش صغير لما يلعب لاعب مصري مع اسرئيلي في ملعب واحد فريق و احد ياكلوا مع بعض يضحلوا مع بعض ده نوع من انواع التطبيع . انا حقيقي مدايقة ان مفيش حد شايف كده

متزعليش نفسك بس ومتضايقيش مفيش حاجه تستاهل
يا ريمو دى اسمها تلاكيك
يعنى اللى بيتجوز من الاسرئيله
واللى بيصدرو الغاز ليهم و كل حاجه ليهم
ايه المشكله من ان عماد يلعب فى نادى فيه لاعب اسرئيلى ولا حتى يكون مين ؟؟؟
اساسا عماد غلطان فى الصفقه دى مش عشان اللاعب الاسرئيلى ولا الكلام دة .......
بس لان العمدة ساب الاهلى وكمان راح نادى تانى المقابل المادى قليل مقارنه بشعبيته

[mainz]

طيب لو احنا اتعملنا بالعدل والمساواه يبقى لازم نسقط الجنسيه عن كل الحكومه المصريه ورجال الاعمال المصرين اللزين يترمون فى حضن اسرائيل تحت مسمى اتفاقيه السلام وحقوق الجار
وعجبى عليكى يا مصر يا ام الدنيا
وماتنسوش العيش والحلاوه

[AbOnOrA]

بصراحة عنوان الموضوع خلانى افتكر ان واحد اهلاوى بيحب متعب وزعلان علشان مشى كنت هقوله خليه يغور الاهلى مش هيقف على حد
بعدين لقيت الموضوع ملعبك بصراحة

اولاً موضوع اسقاط الجنسيه واستجواب والكلام ده من مبالغات وطرقعات نبيه الوحش المعتادة متستحقش ننتكلم فيها اصلاً

ثانياً لاشك ان اى شخص يقدم على التعامل مع اسرائيلى (مش بس يهودى) ياريت تكونو عارفين الفرق
اى حد لا يجد غضاضة فى التعامل مع اسرائيلى يبقى انسان ناقص ربايه ويستاهل الازدراء والاحتقار من كل الدنيا

هتقولو ما فيه مسئولين ورجال اعمال بتعاونوا مع الكيان الصهيونى هقولكم كل واحد بيتعلق من عرقوبه ومش معنى ان فيه واحد ساكن معايا فى العمارة بيعمل حاجة غلط ومحدش قادر يسائله ان العمارة كلها تعمل زيه

وبعدين مننساش ان فيه اغلب النقابات والمؤسسات المدنيه اللى هى فعلا بتمثل الشعب رافضة التطبيع وديه رسالة واضحة ومهم تفضل واضحة انهم مفروضين من الشعوب الحرة كلها مش هقول العربيه
وبالتالى ديه نوع من انواع ابراء الذمة لينا كشعب اننا رافضين التطبيع انما نقول السياسة وبعض رجال الاعمال ولا حتى بعض ناقصى الربايه بيتجوزو اسرائليات يبقى فيها ايه بقى كلنا نطبع ... ده اسمحولى عك

اللى اسمه عماد ده اكيد عارف اللعيبة اللى هيلعب معاهم كويس واكيد كبر دماغة يبقى انا الطبيعى كانسان حر انى احتقره وازدريه وادين موقفه لانه تطبيع واضح ايا كان الموقف القانونى او الادارى اللى ممكن يتاخد ضدة

واعتقد كمان انه حتى لو مكانش مركز يعنى ومخدش باله اوى فاكيد هياخد باله من الشروط الجزائيه اللى هتطبق عليه لو الغى العقد ده غير انهيار حلمه فى الاحتراف وكل ديه حجات بالنسبة للزيه تخليه يكبر دماغة اكتر وماشاء الله ادى فتوى طلعت اهيه انه عادى يلعب مع اسرائيلى فاكيد هيكون اول واحد يعمل بيها

يا جماعة رفض التطبيع ده لازم يفضل قائم لازم
لازم يفضلو حاسين انهم مكروهين ومفروضين وانهم عايشين فى كيانهم المغتصب بشكل استثنائى ولن يدوم ابداً